სონეტი

უილიამ შექსპირი სონეტეფიშ არძაშ უმოს გიშარჩქინელ მაჭარალი

სონეტი (ინგლ.: Sonnet) რე ლერსიშ ართ-ართი ფორმა, დორსხუაფილი იტალიას. სონეტი გჷმიგონუ სიცილიარ პოეტიქ ჯაკომო და ლენტინიქ მავითოსუმა ოშწანურას. სონეტეფს უმოსო უღუნა 14 სტროფი. არძოშ უმოსი შინელი სონეტეფიშ მაჭარალი რდჷ ინგლისარ პოეტი უილიამ შექსპირი.

უილიამ შექსპირიშ სონეტი 66 მარგალურო გინნათანგა:

ირით შულადირს, ონატრებელო ღურაქ დჷმოსქიდ,

რახან მათხირო გინორთელე ასე კოჩანა,

რახან ირფელ ჯგირ თე უკოჩობაშ კათეფს რენ ოსქიდ,

რახან გურ ქოჩენ, მუკკართუნა ლაბანს ქორჩანა,

რახან ვალალეფს ჟინოსქუაშ პატი ქიგედვეს,

რახან ტოლოფით აკოწიკვე მუთ ქორდჷნ წკონდა,

რახან კოჩანაშ ჯოხო ამდღა, ჩიჩიეფს გედვეს,

რახან კობუებქ გამკაჸათეს მუთ ქორდჷნ მონდა,

რახან ქუალეფს ოჸოთანა გამწაშე წირდეს,

რახან ურჩქენდეფ უნჩაშენა ქიჸანას ეფას,

რახან სიმართეს სიბორუეშ მარწკინდი დირგეს,

რახან გურს წირკე გამოთხოზაფ ჸოროფათ ეფშას.

თაშნე შულადირს თე ქიჸანაშე ქომისხუნ იმნტე,

მარა ჸოროფილს მა ხვათახვალე თაქ მუჭო დიბტე?!

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.

რესურსეფი ინტერნეტის:

• სონეტეფიშ ჟურნალი
• ბი-ბი-სიშ სონეტეფიშ პროგრამა