დინაფილი ბორჯიშ გორუას: გინორთი გინოჯინეფს შქას

ვიკიპედიაშე
ვა რე რედაქტირაფაშ რეზიუმე
ჭ.რ. Kilavagora გადაიტანა გვერდი დინაფილ ბორჯიშ გორუასდინაფილი ბორჯიშ გორუას-ზე: ჯოხონი რთაფა
(გინორთი ვა რე)

10:09, 6 მარაშინათუთა 2012-იშ ვერსია

დინაფილ ბორჯიშ გორუას
À la recherche du temps perdu

დინაფილ ბორჯიშ გორუას (À la recherche du temps perdu) პრუსტიშ ხეშ რედაქტირაფეფით
ავტორი

მარსელ პრუსტი

ქიანა

საფრანგეთი

ნინა

ფრანგული

ჟანრი

მოდერნისტული

გჷშმაშქუმალარი

Grasset დო Gallimard

გჷშაშქუმალაშ თარიღი

1913–1927

მათანგალი

ვართ ქორთულო დო ვართ მარგალურო ვა რე ნათანგა

დინაფილ ბორჯიშ გორუას ვარა ულირ ჸოფირებეფიშ გოშინა (ქორთ. დაკარგული დროის ძიებაში, ფრანგულო À la Recherche du Temps Perdu ინგლ. In Search of Lost Time ვარა Remembrance of Things Past, რუს. В поисках Утраченного Времени,) რე მარსელ პრუსტიშ რომან შქვით ტომო. დინაფილ ბორჯიშ გორუას რე მარსელ პრუსტიშ არძოშ უმოსო ჩინებულ რომანი. თე რომან ჩინებული რე ქოთ მუშ სიგჷრძათ დო ქოთ ვა ვოლუნტარულ გოშინაშ თემათ, ნამუშ არძოშ უმოს გიშარჩქინელი სამანგი რე „მადლენიშ ეპიზოდი“.

დინაფილ ბორჯიშ გორუა დუდიშე ინგლისის რჩქინელი რდჷ ჯოხოთ ულირ ჸოფირებეფიშ გოშინა. ეკონიათ მოშინელ ჯოხოთ რდჷ თე რომანი ნათანგა დო გჷშაშქუმალირ ინგლისურო 'ჩარლ ქენეთ სქოთ მონკრიფიშ (Charles Kenneth Scott Moncrieff) დო ტერენს კილმარტინიშით. მარა 1992 წანას დენის ჯოზეფ ენრიგთიშ ახალ ნათანგაშ გიშაშქუმალაშ უკული რომანიშ ახალ ჯოხოქ, დინაფილ ბორჯიშ გორუას (ნამუთ რე ფრანგულშე ზიტყვა-ზიტყვათ ნათანგა), დეკვირდჷ დუდი.

დინაფილ ბორჯიშ გორუას გიმირინუაფუ დახე 1.5 მილიონ ზიტყვა დო მოსოფელიშ ლიტერატურას იკოროცხუ ართ-ართი უგჷრძაშ რომანო.

რომანიშ ჭარუაქ დიჭყჷ 1909 წანას. პრუსტი აგინძორენდჷ მუშობას თე რომანშე სოიშახ მუშ ლახალაქ ვადანძალჷ მეუტებუდუკო ჭარუა 1922 წანაშ დამორჩილს. პრუსტიქ რომანიშ სტრუქტურა აკადგინჷ ორდო, მარა რომანიშ ტომეფიშ მაართა ვარიანტეფიშ თებაშ უკული ხოლო პრუსტი აგინძორენდჷ თიშ რედაქტირაფას. გუმობჟინაფაშახ პრუსტიქ ირი ტომი დუდიშე დარედაქტირჷ. მარა რომანიშ ეკონია სუმ ტომს იშენ რე ხარვეზეფი, ფრაგმენტული დო უგნუჯინუ (ვა დორედაქტირაფილი) პასაჟეფი, მუჭოთ თენეფი რსებენდჷ რომანიშ დაჭყაფუ ვერსიასჷნ. რომანიშ თე ხარვეზამ ნორთეფიშ რედაქტირაფაქ ვართ პრუსტიშ ჯიმას მახუჯინჷ დო თეშ გუმაბჟინუ რომანი.

ნახანდი საფრანგეთის გუმაბჟინეს 1913-შე 1927 წანაშახ პერიოდის. პრუსტის ფარაქ აჸუ გინაგაფალქ რომანიშ მაართა ტომიშ გუმაბჟინაფალო (გჷშმაშქუმალარი რდჷ გრასსეტიშ (Grasset) ოგჷშმაშქუმალაშე ჸუდე) თიშ უკული, მუთ მაჸონაფალ გჷშმაშქუმაალრეფქ წიგნიშ გიშაშქუმალაშე ვარია თქვისჷნ.

რომანიშ იდეა, მოტივი დო სცენა რჩქინდუ ზოგადი ფორმათ პრუსტიშ უგუთებუ ნახანდეფს; სამანგათ, რომანს „ჟან სანტეულ“-ს (ფრ. Jean Santeuil), ნამუდგაშეთ პრუსტი ხანდენდჷ 1896 წანაშე 99 წანაშახ, დინაფილ ბორჯიშ გორუაშენ მუშობაშ დოჭყაფაშახ. მარა ოკო ქითქუას, ნამდა „ჯან სანტეულ“-ს პრუსტი ბრელ თემას შხვანერო უჯინე დო გინმოჭყვადუნს. დინაფილ ბორჯიშ გორუაშ ბრელი იდეა, მოტივი დო სცენა თაშნეშე რჩქინდუ პრუსტიშ შხვა უთებუ ნახანდის Contre Sainte-Beuve (1908–09), ნამუთ რე ფილოსოფიურ ესსე დო ისტორია.

დინაფილ ბორჯიშ გორუას უღუდჷ დიდი გოლინა მაეჩა ოშწანურაშ მოსოფელიშ ლიტერატურაშენ. ნამთინე ავტორი მითმიოგურუანდჷ თე ნოველას, ნამთინე გიაძიცანდჷ.