მალდივიშ რესპუბლიკა

მალდივიშ რესპუბლიკა
შილა	გერბი
ნანანოღა	მალე
უდიდაში ნოღა	მალე
ოფიციალური ნინა	დივეხი
თარობა	ოპრეზიდენტე რესპუბლიკა
პრეზიდენტი	მოჰამედ ვახიდ ჰასან მანიკი
ფართობი	298 კმ²(186-ა)
მახორობა	395 ვითოში კოჩი (174–ა)
ვალუტა	რუფია
ბორჯიში ორტყაფუ	UTC +5:00 სთ.
ოინტერნეტე კოდი	.mv
ოტელეფონე კოდი	+960

მალდივიშ კოკეფი (დივეხურო:ދިވެހިރާއްޖެ), Dhivehi Raa’je), ედომუშამი ჯოხოდვალა მალდივიშ რესპუბლიკა (დივეხურო ދިވެހިރާއްޖޭގެ ޖުމުހޫރިއްޔާ – დივეხი რადიეგე დიუმხურიია) — სახენწჷფო ობჟათე აზიას, მილარე ინდოეთიშ ოკიანეშ ატოლეფიშ ბუნას, ნამუთ ინდოეთშე ობჟათეთ რე.

გეოგრაფია

მალდივიშ რესპუბლიკა, ინდოეთიშ ოკიანეშ ეკვატორულ წყარეფს მილარე, შრი-ლანკაშე დოხოლაფირო 700 კმ. ობჟათე–ბჟადალშე. მახორობა – დოხოლაფირო 395 ვითოში კოჩი რე. მალდივიში კოკეფი ვართფერ მაღალს რენა ოკიანეშ დონეშე: ჩქონიშ არძაშ უმოს მაღალი კონკა რე — ობჟათე ატოლი ადუს (გვალა სიენუ) — 2,4 მ. ქიანაშ ოსქირონე ტერიტორიაშ ფართობი — 298 კმ². ნანანოღა მალე — ჩქონიშ ხვალახე ართი ნოღა დო ონიშოლი.

კლიმატი

მალდივიშ კოკეფს სუბეკვატორული მუსონური კლიმატი რე. ნთელ წანას ჩხე დო ტიბუ ამინდეფი რე, ჰაერიშ ტემპერატურა +24°–შე 30°–შა რე. ჰაერიშ ტემპრატურა დღას ვედმიკინანს +17 °C–შე თუდო ღურთუთა–ფურთუთას, დო დღას ვეთმიკინანს +32 °C_შე ეშე პირელ–მესის.

წყარიში რესურსეფი

მალდივიშ კოკეფს ირალი მახჷრჩინჷ წყარეფი (წყარმალუეფი) ვარე.

ისტორია

მალდივიშ კოკი დოხორინელი რდჷ დრავიდეფით ჟირვითოში წანაშ წოხჷლე — ნამუთ ამდღახუ შრი–ლანკაშ დო ინდოეთიშ ტერიტორიაშე გინორთეს. V—VII ოშწანურეფს კოკეფს არაბეფქ დო სპარსელეფქ გენკორჩქინდეს.

2008 წანაშ გჷმათუთას ეშაგორილქ იჸუ მალდივიშ რესპუბლიკაშ მაართა პრეზიდენტიქ, გიშაგორილქ ოხალხე ხონარიშ მეჩამათ, მოჰამედ ნაშიდი.

2012 წანაშ 7 ფურთუთაშ ოპროტესტე აქციეფქ ქიანაშ პრეზიდენტი მოჰამედ ნაშიდი გეგნარინუ.

პოლიტიკური პარტიეფი

2009 წანაშ არჩევნეფიშ მუნაჩამეფით:

• ოხალხე პარტია — მარჯგვანცენტრისტული, 28 დეპუტატი
• დემოკრატიული პარტია — ცენტრისტული, 26 (ოპრეზიდენტეშური)
• ოხალხე ალიანსი — 7
• პარტია დივეხი მუამეე — 2
• რესპუბლიკური პარტია — 1
• თავისჷფალ აბანი — 13 დეპუტატი.

ადმინისტრაციულ–ტერიტორიული დორთუალა

მალდივიშ კოკეფი — უნიტარული სახენწჷფო რე. ადმინისტრაციულო ქიანა დორთილი რე 19 კოკეფიშ ბუნათ.

ეკონომიკა

ეკონომიკაშ თარი სფერო რე — ტურისტეფიშ მოინალეობა დო ჩხომჭოფუა.

ქოქოსი, მალდივიშ კოკიშ ართ-ართი ატოლაშ წყარპიჯის

სიღარიბეშ დონეშ თუდო რე ქიანაშ მახორობაშ 16%(2008 წანას).

ოფოტეშ მეურნობა

მალდივის ოფუტეშ მეურნობა დაღარას რე გოვითარაფილი. ოჭკომალი პროდუქტეფიშ უმენტაშ ნორთი იმპორტიშე მოურს. ქიანაშ თარი აბანჸოფილ კულტურა რე — ქოქოსიშ პალმა, ხოლო მოჸუნა ბანანეფი, ორტვინეულობა, ხილეულობა, ბატატი, ქობალიშ ჯა. ორინჯის პრაქტიკულო ვედმიჭყანუანა.

დინოხოლენი ვაჭრუა

ექსპორტი — 125 მლნ. დოლარი (2008 წანას) — ჩხომი (70 %) დო ოფოსტე მარკეფი.

თარი მაჸიდეეფი — ტაილანდი 34,5 %, დიდი ბრიტანეთი 13,8 %, საფრანგეთი 12,2 %, იტალია 9 %, შრი-ლანკა 8,5 %.

იმპორტი — 1,2 მილიარდი დოლარი (2008 წანას) — ნავთობპროდუქტეფი, ნიშეფი, მუკაქუნალი, ორეწუე დო ოხვარებელი მეკონ-მოკონი.

თარი მუმაჭირნაფალეფი — სინგაპური 26,6 %, ააო 16,5 %, მალაიზია 9,5 %, ინდოეთი 9,2 %, ტაილანდი 4,7 %.

ტრანსპორტი

თარი ოტრანსპორტე საშვალება ერქემი დო მატორიანი ნიშეფი რე. ოღალუეფიში უმენტაში ნორთი გინმიღალუაფუ ჰიდროთვითმფრინავეფით, ვერტალოტეფით დო კატერეფით. ომენოღალე ტრანსპორტი მუჭონ თაში ვაარსებენს. ოავტომობილე ტაქსი(დო შარეფი) ხვალე ნანანოღა მალეს დო კოკა განს რე. კოკეფს შქას გილაფურინუნს აეროტაქსი, მალდივიშ აერო ტაქსი, ფურინჯი.

მახორობა

მალე — მალდივიშ კოკეფიშ ნანანოღა

მახორობაშ მუდანობა — 395 ვითოში კოჩი (2011 წანაშ კვირკვეშ მუნაჩემეფით). მალდივიშ კოკეფიშ უმენტაშობა უხორინელი რე.

ნინა

ოფიციალური ნინა — დივეხი, ხოლოს რე სინგალურ ნინაწკჷმა, არაბულიშ დო ინგლისურიშ მიშაკათუათ. ჭარალუა — XVII ოშწანურაშე დირსხუ არაბულ–სპარსულ გრაფიკათ. ქიანაშ მახორობაშ გურაფილ ნორთის არაბული დო ინგლისური ნინეფ უჩქჷნა.

მალდივიური ოზადე

მალდივიშ კოკეფიშ ოზადე მერსხილი რე არაბულ დო ინდიურ ოზადეეფწკჷმა. ხშირას ზადუნა შხვადოშხვანერ სახეშ ჩხომიშ პროდუქტეფს, ბრინჯის, ტკბილეულობას, სოუსეფს. მალდივარეფიშ ოჸოროფე ოჭკომალი რე – თინუსი ბრინჯიწკჷმა ართო. დესერტეფი — ქოქოსი არძანერო ზადებული, არეკიშ თხირი, ბრელი ხილეულობა, ხილიშ სალათა, ნამცხვარეფი. პოპულარული ოშუმალი — ჩაი ბჟათ დო ყავა არაბულო.

ფოტოგალერეა

• 
• 
• 
• 

რესურსეფი ინტერნეტის

• ოფიციალური ოტურისტე ინფორმაცია
• პრეზიდენტიშ ოფიციალური ვებ–ხასჷლა
• მალდივიშ კოკეფიშ სკვამი სურათეფი

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.