ოორუე კორეა

ოორუე კორეა, ოფიციალურო კორეაშ ოკათაშური დემოკრატიული რესპუბლიკა ( კორ. 조선민주주의인민공화국), ქიანა ელახ აზიას, უკებუ კორეაშ ჩქონიშ ოორუე ნორთი. თიში ნანანოღა დო უდიდაში ნოღა რე ფხენიანი. კორეაშ დემილიტარიზაფილი ზონა წიმარინუანს ბუფერულ ზონას ოორუე დო ობჟათე კორეაშ შქას. წყარმალუ ილუცზიანს დო ტუმენს გიშურც თანჯა ოორუე კორეაში დო ჩინეთიშ ოკათაშური რესპუბლიკაშ შქას.

ჯოხოდვალა

• ოფიციალური: კორეაშ ოკათაშური-დემოკრატიული რესპუბლიკა.
• კორეული: Choson Minjujui Inmin Konghwaguk.
• ეტიმოლოგია: ევროპული ნინეფშა - Korea; წჷმმოდირთუ შქა ოშწანურეფიშ (935-1392) კორეული სახენწჷფოშე, ნამუსუთ გორიეოშ დინასტია დუდენდუ. კორეულო - Choson ვარა Hangeuk. მაართა შანენდუ „ოჭმარეშ სისკვამაშ ქიანას“, დო მაჟირა - „კორეალეფიშ ქიანას“. ლიშ დინასტიაშ გომაფაბაშ უკული ქიგიადუ Taehan.
• ქიანაშ კოდი: KP.

გეოგრაფია

ქიანა იდვალუ ელახ აზიას. უკინებუ კორეაშ ჩქონიშ ოორუე ნორთი. მოთანჯე ქიანა რე ობჟათე კორეა.

• ფართობი: 120.500 კვ.კმ.
• ორთა: უმაღალაში კონკა - ბაიტოუ შანი 2.744; წყარმალუ (კმ) - იალუ ძიანი 791; ტობა - სუპუნგ-ჰო; კოკი - სინმი; კლიმატი - ზონიემი.
• ორთაშობური რესურსეფი: ქუანოშქერი, ტყვია, ვოლფრამი, თუთია, გრაფიტი, მაგნეზიტი, რკინაშ მადანი, ლინჯი, ორქო, პირიტი, ჯიმუ, ჰიდროენერგია.

სახენჷფო

• სახენწჷფო სისტემა: ოკათაშური რესპუბლიკა.
• სახენწჷფოშ მადუდე: პრეზიდენტი მარშალი კიმ ჩონგ-ილი (KIM Chong-il, 1994).
• კანონდუმადვალუ ორგანო: ართპალატამი პარლამენტი (687 მაკათური).
• ადმინისტრაციული რთუალა: ქიანაშ ადმინისტრაციულ-ტერიტორიული ართურეფიე - 9 პროვინცია (do) დო 4 ნოღა (si).

დემოგრაფია

• მახორობა: 22.466 ვითოში (2003), თინეფ შქას 99,8% - კორეალეფი, 20,000 – ჩინარეფი.
• ნინეფი: კორეული.
• რელიგია: ბუდიზმი.
• ნოღეფი (ანთ.) : ფხენიანი (2.768; აგლომ. 3.222), ჰამჰუნგი (832), ჩონგძინი (685), ნამპო (665).

ეკონომიკა

• ექსპორტი: ქუანოშქერი, რკინა, ლინჯი.
• ვალუტა: ოორუეკორეული ვონი (KPW).

ისტორია

გიჭყუ სხუნუეფიშ ზონაშ ოსხირს 38-ო პარალელიშ ოორუეშე იაპონიაშ დამარცხებაშ უკული (1948). ოორუე კორეაშ უახალაშ ისტორიაშ თარი ფიგურა რდჷ „დიდი ბელადი“ კიმ ირ სენი, ნამუთ დახე გვერდი ოშწანურა გინმოჭყვადუნდუ ქიანაშ პოლიტიკას. 1951 წანას მიშეჭკირუ ობჟათე კორეაშა მერცხუაფაშ სამანჯელით, მუქუთ გიშეჭანუ სუმწანამი ლიმა. - გიჭყუ დემილიტარიზებული ბუფერული ზონაქ გაეროშ მეთოჸუჯალაშ თუდო. ოორუე კორეა ვა ჩინაფულენს თე ზონაშ არსებობას დო პერიოდულო უღუ ცადეფეფი ჟირი კორეაშ გოართამაფაშ სამხედრო შარათი. 1991 წანაშე ანოშ მაკათურიე. 2000 წანას ობჟათე კორეაშ პრეზიდენტი კიმ ტე ჯუნიშ ფხენიანშა ვიზიტიშ უკული „დოტიბაფაშ პერიოდიქ“ დოდირთუ.

მონძეობა

• ფხენიანი - ისტორიული მუზეუმი, ბუდისტური ტაძრეფი, კომუნისტური მონუმენტეფი;
• კესონი - უჯვეშაშ ნოდგუმეფი.