გრიგოლ რობაქიძე: გინორთი გინოჯინეფს შქას

ვიკიპედიაშე
დინორექ დილასჷ დინორექ ქეგიაძონუ
ვა რე რედაქტირაფაშ რეზიუმე
ღოზი 14: ღოზი 14:
|საქვარუა || ჭარუ, დრამატურგი, პოეტი
|საქვარუა || ჭარუ, დრამატურგი, პოეტი
|----
|----
|მიმაალობა || სიმბოლისტი, ცაშფერყანწარი
|მიმალუობა || სიმბოლისტი, ცაშფერყანწარი
|----
|----
| align="center" style="background:#e3e3e3;" colspan="2" style="border-bottom:3px solid grey;" |
| align="center" style="background:#e3e3e3;" colspan="2" style="border-bottom:3px solid grey;" |

01:14, 12 ქირსეთუთა 2012-იშ ვერსია

გრიგოლ რობაქიძე
დაბადებაშ თარიღი 28 გჷმათუთა 1882
დაბადებაშ აბანი სვირი
ღურაშ თარიღი 19 გერგობათუთა 1962
ღურაშ აბანი ჟენევა
ერუანობა ქორთუ
საქვარუა ჭარუ, დრამატურგი, პოეტი
მიმალუობა სიმბოლისტი, ცაშფერყანწარი

გრიგოლ რობაქიძე (დ. 28 გჷმათუთა, 1882, სვირი, ბჟადალ საქორთუო, ღ. 19 გერგობათუთა, 1962, ჟენევა) - ქორთუ ჭარუ, პუბლიცისტი, ოჯარალუ მოქარანე, თეხანური ქორთული დო გერმანული ფსიქოლოგიური რომანიშ ართ-ართი დჷმარსხუაფალი.

ბიოგრაფია

დებად 1882 წანაშ 28 გჷმათუთას, სვირს, თიწკჷმაიან ქუთეშიშ გუბერნიას. ქუთეშიშ გიმნაზიაშ თებაშ უკული, გურაფულენდ ტარტუშ უნივერსიტეტის, (ესტონეთის), უკული ფილოსოფიაშ დოქტორიშ ხარისხით გათუ ლაიფციგიშ უნივერსიტეტი (გერმანია).

1908 წანას გერმანიაშე დირთჷ დო ქორთუ სიმბოლისტეფიშ ართ-ართ ლიდერო გინირთჷ. 1915 წანას რდჷ "ცაშფერყანწარეფიშ" ართ-ართი დჷმარსხუაფალი. თე ლიტერატურულ ბუნაქ, ნამუსჷთ ოკათჷდეს თი ბორჯიშო პროგრესული სიმბოლისტი ჭარუეფი დო პოეტეფი, მენორსამი როლი ილაჸაფუ ქორთული სიტყვა-კაზმული ჭარუობაშ უკულიან გავითარებას. 1917 წანას გრიგოლ რობაქიძეშ აქტიური კათაფათ დირსხუ საქორთუოშ ჭარუეფიშ მერსიქ.

საქორთუოშ დემოკრატიული რესპუბლიკაშ წანეფს (1918-1921) რობაქიძე აქტიურო ოკათუდ ზოხორინელი საქორთუოშ ოჯარალუ-პოლიტიკურ დო ლიტერატურულ რინას. მაგალითო, 1919 მუ რდჷ პარიზიშ სამშვიდობო კონფერენციას კათაფაშ მიოღებელო ჯღონელი საქორთუოშ ოპარლამენტე დელეგაციაშ მაკათური. თიმ წანას მუშ კათაფათ დირსხუ ქორთული ლეგაციაქ სტამბოლს.

ბოლშევიკური რუსეთიშე საქორთუოშ ოკუპაციაშ დო ანექსიაშ უკული (1921 წანაშ ფურთუთა-მელახი) რდჷ საქორთუოშ ნაციონალურ-გჷმადუდიშულაფარი მოძრაობას, მუშ გეშათ თხოზჷდეს ბოლშევიკურ-კომუნისტური იდეოლოგიაშ წჷმჷმარინაფალეფი. 1931 წანაშე ღურაშახ რდჷ პლოიტიკური ემიგრანტი. 1946 წანაშახ ოხორანდ დო მოქარანენდ გერმანიას, 1946 წანაშე - შვეიცარიას. რობაქიძე რდჷ ქორთული პოლიტიკური ემიგრაციაშ ართ-ართი გჷშაგორილი მოქარანე. 1942 წანას მუშ მოქარანეობათ დირსხუ ემიგრაციას ქორთუ ტრადიციონალისტეფიშ მერსიქ დო რდჷ თე ორგანიზაციაშ ართ-ართი ლიდერი. ორგანიზაციაშ დუდმახვენჯი რდჷ ევროპას ბაგრატიონეფიშ ჸუდეშ მადუდური ირაკლი ბაგრატიონ-მუხრანელი. რობაქიძე რდჷ ხოლო ანტიბოლშევიკი ნაციეფიშ ლიგაშ ართ-ართი გჷშაგორილი მოქარანე.

რობაქიძეშ პროზაშე უდიდაში გოლინა იღვენუ ფრიდრიხ ნიცშეშ ნახანდეფქ. მუშ ქიმერონს შხვადოშხვა ბორჯის უმაღალაშ შეფასება მეჩეს შტეფან ცვაიგიქ, რომენ როლანქ, ნიკოს კაზანძაკისიქ დო საგებიო ლიტერატურაშ შხვა გჷშარჩქინელი წჷმჷმარინაფალეფქ. რობაქიძე გჷშაგორილი რდჷ ევროპაშ მუდგაზმარენი ლიტერატურული ჯარალუაშ მაკათურო. 1960-ამი წანეფიშ დაჭყაფუს გინოჭყვადილი რდჷ მუში წჷმორინაფა ლიტერატურაშ დარგის ნობელიშ პრემიას, მუქჷთ ვეღოლინჷ ჭარუშ ღურაშ გეშა.

ღურა

ჭარუქ 1962 წანაშ 19 გერგობათუთას ღურუ ნოღა ჟენევას დო თექინეშეს დასაფულეს. 1976 წანას ქორთუ ემიგრანტეფიშ ნინო დო კალისტრატე სალიეფიშ დუდობათ გინოსვანჯაფილქ იჸუ საფრანგეთშა, ლევილიშ სასაფულეშა.მუში ბინა პოლიციაქ დოლუქუ, მუშ არქივქ ლიკვიდაციას შვეიცარიალი მაჸალეეფიშ ჭყოლოფათ გინასქიდჷ.

„ჩქიმი ნარტი რე: მუჟამც მა თე ქიანას ვეპუაფუქუნ, მიშას მიდგა ქორთუ დიდა ირი წანას მცხეთაშა, ვინმე ქართველი დედა ყოველ წელს მცხეთას, წიფობაშ, ჩქიმი დაბადებაშ თუთას, სანთელს ეიორზანდას ჭიჭე ოხვამერიშ წოხოლოე დო ხვამათ შინანდას ჩქიმი ჯოხობუს, მეტის მუთუნს ვაფთხულენქ საქორთუოს."

რესურსეფი ინტერნეტის