ხორხე ლუის ბორხესი: გინორთი გინოჯინეფს შქას

ვიკიპედიაშე
დინორექ დილასჷ დინორექ ქეგიაძონუ
ღოზი 23: ღოზი 23:
== ნაწარმონებეფი ==
== ნაწარმონებეფი ==
მნიშვნელუანი ნაჭარეფი: <ref>ბორხესიშ ნაწარმონებეფი (ქორთულ ნინაშა) http://lib.ge/authors.php?330</ref>:
მნიშვნელუანი ნაჭარეფი: <ref>ბორხესიშ ნაწარმონებეფი (ქორთულ ნინაშა) http://lib.ge/authors.php?330</ref>:

<ref>{{ლიბ.ჯე|330}}</ref>:
* ''ანფასიშ თუთა'', 1925
* ''ანფასიშ თუთა'', 1925
* ''ინკვიზიციეფი'', 1925
* ''ინკვიზიციეფი'', 1925

16:13, 21 კვირკვე 2011-იშ ვერსია

ხორხე ლუის ბორხესი,1969

ხორხე ლუის ბორხესი (ესპ. Jorge Luis Borges) (რსული ჯოხო ფრანცისკო ისიდორო ლუის ბორხეს ასევედო, ესპ. Jorge Francisco Isidoro Luis Borges Acevedo), (დ. 24 მარაშინათუთა, 1899, ბუენოს-აირესი, არგენტინა ― ღ. 14 მანგი, 1986, ჟენევა, შვეიცარია), არგენტინარი ჭარუ̂ დო პოეტი.


ბიოგრაფია

მუმა, ხორხე გილიელმო ბორხესი, ადვოკატი დო ფსიქოლოგიაშ პროფესორი, ლიტერატურულ ღვაწაფასჷთ მუკმიშუ̂, მარა სქუაშე გოშხვანერაფათ, წჷმოძინაშა ვა მიაჭირინუ. დიდა, ლეონორ ასევედო სუარესი ინგლისურშე მათარგმალო ხანდენდ. ბორხესეფიშ ფანია ჟირნინამი რდჷ, ათეშენ მუმალი ჭარუ̂ ბაღანობაშე ართ დონეშა ღვალენდ[1]ინგლისურ დო ესპანურ ნინას. პირველი თელქიანაშ ლჷმაშ უკულ ბორხესი ჟენევას გურაფულენს, ჭე ბორჯის მუკმურს იტალიას დო ესპანეთის. თე პერიოდშო ხორხე ლუის ბორხესი ესპანეთიშ ულტრაისტული ავანგარდული მიმალუობაშ მაკათურიე. ჟურნალს Grecia გჷმიბჟინუაფ უოლტ უიტმანიშ სტილშა დოჭარილი თიშ პირველი ლერსი, ჰიმნი ზუღას.

ფაილი:Borges 001.JPG
ბორხესი 1976

1921 წანას თინა ბუენოს-აირესშა ირთუ დო ანდაჸურე [2] კულტურულ ღვაწაფას იჭყანს: ორსხუანს ჟურნალს, თარგმუნს კაფკას დო ფოლკნერს, ობჟინუანს ლერსეფს დო ესეეფს. 1930-ამ წანეფიშ ლიას თინა იჭყანს თხობელუეფიშ[3] დო ნოველეფიშ ჭარუას დო ობჟინუანს ”გოგერგილობაშ[4] უნივერსალურ ისტორიას”, ნამუთ ჯოხოს მოუღანს მუჭოთ პროზაიკოსის. თე პერიოდის თინა დუდც ტრავმას ღებულენს, მუთ თიშ ნოწილობრივ დაჸვერებას იწვიენს, მორო თეშ უმკუჯინუო თინა იშენ აგინძარენს ხანდას. თეს თის დიო დიდა, დო თიშ ღურაშ უკულ წორომოხვარე დო მოგვიანებით ოსური, მარია კოდამა ოხვარუ̂. თე პერიოდშო ბორხესი ძირითადო ჩინებური რე მუში ნოველეფით, მორო თე შვანს ჭარუნს ლერსეფსჷთ დო ლიტერატურულ კრიტიკასჷთ. თინა წოროავტორიე ,[5]თაშნეშე პაროდიული დეტექტივეფიშ, ნამუეფუთ ბუსტოს დომეკიშ ფსევდონიმით გჷშმურს, დო ასტორ პიაცოლაშ მუსიკაშა ნაქიმინა ბირეფიშ. 1955 წანას ბორხესის ანიშნენა ბუენოს-აირესიშ ნაციონალური ბიბლიოთეკაშ დირექტორო. კინ თე წანას ბუენოს აირესიშ უნივერსიტეტის ინგლისური ნინაშ მაგურაფალო იჭყანს ხანდას.

ოირქიანე კრიტიკა ბორხესიშ შემოქმენდაფათ ხვალე 1960-ამ წანეფს იინტერესებუ̂. 1961 წანას თინა სამუელ ბეკეტწკუმა ართად ეთმოჭოფუნს ფორმენტორიშ პრემიას. 1962 წანს თიშ ნაწარმონებეფი პირველო ითარგმუ ინგლისურო, მუსჷთ ავტორშო ქვერსემი [6] პოპულარობა მოუღუ̂. 1967 წანას ბორხესის ოსურო მოჸუნს ბრელ ხანიშ მაჸალე, ელზა ასტეტ მილანი, ნამუწკუმა ქორწინება ხოლო 3 წანას იგინძარებ. 1973 წანას ხუან პერონიშ ხემაჟირათ გოპრეზიდენტაფაშ უკული ბორხესი იტენს ნაციონალური ბიბლიოთეკაშ დირექტორიშ თანამდებობას. 1979 წანას ჭარუს აჯილდოვენა სერვანტესიშ პრემიათ, ოდო 1983 წანას საპატიო ლეგიონიშ ორდენს ეთმოჭოფუნს.

რინაშ ეკონია წანეფს ბორხესი მუში წორომოხვარე, მარია კოდამაწკუმა მუკმურს. 1984 წანას თინეფი ობჟინუანა ნოჭყვედეფს მუნეფიშ დღაურეფშე, ჯოხოდვალათ ატალა, სოდეთ ბორხესიშ ტექსტეფი დო კოდომაშ ფოტოეფიე. თინეფი 1986 წანას, ჭარუშ ღურაშახ მუდგაზმარენ თუთათ ორდო იქორიწინებუნა. ბორხესი ღურუ კიბოთი, ჟენევას, 1986 წანას. თის მაფეფიშ სასაფულეს ასაფულენა.

შემოქმენდაფა

ბორხესიშ ნამთინე მაგიური რეალიზმიშ ლათინო ამერიკული წოფულაშ დუმარცხუაფალო ირჩქინანა დო გაბრიელ გარსია მარკესწკუმა ართო XX ოშწანურაშ ობჟათე ამერიკული ფიქციაშ ართ-ართ უმნიშვნელუანაში ავტორო შინანს. ოდო შხვეფი თის უნივერსალურ ჭარუს ორწყენა. თიშ ნაწარმონებეფს ფხშირიე სიმბოლოეფიშ, სარკეეფის, ლაბირინთეფის, რეალობაშ დო პიროვნებაშ თემა. ფიქციაშ გალე ბორხესიშ შემოქმენდაფა იკათუანს ფილმეფიშ დო წიგნებიშ კრიტიკას, დეტექტიურ რომანს. ბორხესი დეტექტიურ რომანს ირჩქინანს კლასიკური ლიტერატურაშ ღირსებუანი მონძეთ, რახანნ თის გარჩქუ̂ სინთუანი გოთანჯაფაილი გეგმა, შესავალი, ინტრიგა დო თება. ბორხესის ორხველუ̂ თაშნეშე კუნტა ბიოგრაფიეფი დო გინძე ფილოსოფიური ესეეფი რაგადუაში, დიალოგიშ, არზოვნებაშ დო თინეფიშ წორომეწურაფაშ გურშენი. თიშნერი სტატიეფს, მუნერეფითიე, მაგალთო, ”ტანგოშ ისტორია” დო ”ანთას ართი სერიშ მათარგმალეფი”, ავტორი სინთებუანო მითმიანიშნენს თი ელემენტებფშა ნამუეფსუთ მნიშვნელუანი აბანი უკინებუნა თიშ რინას.

ნაწარმონებეფი

მნიშვნელუანი ნაჭარეფი: [7]:

  • ანფასიშ თუთა, 1925
  • ინკვიზიციეფი, 1925
  • დისკუსია, 1932
  • გოგერგილობაშ უნივერსალური ისტორია, 1935
  • ირიათონიშ ისტორია, 1936
  • ფიქციეფი (ნოველეფიშ კორობილი), 1944
  • ალეფი, 1949
  • გითოგორუეფი, 1952
  • ავტორი, 1960
  • შხვა, კინ თინა, 1964
  • ამშვი სიმშო, 1964
  • ავტობიოგრაფიული ესსე, 1970
  • ყილოეფიშ ორქო, 1972
  • ოწმოხზიტყვობუობეფიშ [8] წიგნი, 1975
  • ქვიშაშ წიგნი, 1975
  • ტონბა ვარდი, 1975
  • რკინაშ მონეტა, 1976
  • მუ რე ბუდიზმი, 1976
  • სერიშ ისტორია, 1977
  • შკვითი სერი, 1980
  • ციფრი, 1981
  • ამშვი ესსე დანტეშ გურშენი, 1982
  • ატლასი, 1984

სქოლიო

  1. ფლობდა
  2. მრავალმხრივ
  3. მოთხრობები
  4. გაიძვერობა
  5. თანაავტორი
  6. აქ.დიდი
  7. ბორხესიშ ნაწარმონებეფი (ქორთულ ნინაშა) http://lib.ge/authors.php?330
  8. წინასიტყვაობანი

რესურსეფი ინტერნეტის