ვიკი

ვიკიპედიაშე
უარდ კანინგემი, ვიკიშ გჷმმოგონე

ვიკი (ინგლ. Wiki) — თეხანური ოინფორმაციე ტექნოლოგია, ჰიპერტექსტური ელმოლი (მუჭოთ წესი, ვებ-ხასჷლა), სოდე მიარე ადამიერს ართბორჯულო შეულებჷ ტექსტური ინფორმაციაშ აკოქიმინუა, რედაქტირაფა დო სტრუქტურირაფა.

ვიკიშ თარი მუშობურობეფი[რედაქტირაფა | წყუშ რედაქტირაფა]

  • მიარე ავტორი. მუდგა ბორჯის ვიკის მუშობა შეულებუ მიარე მახვარებუს.
  • ტექსტიშ მიარეშახიანი რედაქტირაფა უშქაშეთ ვიკი-ელმოლიშ საშუალებათ, შხვა დჷმახვარე რედაქტორაფაშ გჷმორინაფაშ უმუშო.
  • თირუეფიშ ხეთეშე ძირაფა რედაქტირაფაშ მიშაღალაშე.
  • ინფორმაციაშ დონწყუმა ხასჷლეფო, ნამუეფშე ირს მუში ჯოხო უღუ.
  • რედაქტირაფაშ სპეციალური ნინა, ნამუთ საშუალებას ირზენს ლექინას დო ბიწორას მოხვადას ტექსტიშ ფორმატირაფა, ჰიპერტექსტური რცხიშ, სტრუქტურირაფაშ დო შხვა ელემენტეფიშ ინოხუნაფა.
  • ტექსტიშ თირუეფიშ შხავდოშხვა ვერსიეფიშ ერკება დო ჯვეშ ვერსიაშა დორთინაშ შილებუამობა.

ვიკი-ელმოლიშ აკაქიმინალო ოხვილური რე გიშაკერძაფილი პროგრამული უნარღელჸოფა - „ვიკიშ ქვერქვენტი“.

ვიკიშ მუშობურობეფი[რედაქტირაფა | წყუშ რედაქტირაფა]

  • ისტორია. მაართა ვიკი-რშვილი, „პორტლენდიშ (პროგრამული კოდეფიშ) მუინუშეფიშ ოჩუაშექ“ აკიქიმინჷ 1995 წანაშ 25 მელახის, პროგრამისტი უარდ კანინგემიშით. თის ორხველჷ ვიკი-კონცეფციაშ აკოქიმინუა.
  • ტერმინი. ზიტყვა „ვიკი“ მოურს ჰავაიურიშე, სოდე wikiwiki შანენს „ბიწორას“.
  • ვანდალიზმი. ვიკი საშუალებას არზენს არძა მახვარებუს დოთირას ტექსტიშ დინოხი. თენა აკმოქიმინჷნს ოშქურანჯობას, ნამჷ-და მიდგაინქ შილებე თიშა გემშიღას უკორნებუ დო ვაკორექტული თირუეფი. თე მოლინაშ დუდიშ ოთხილარო ვიკიშ უღჷ ჟირი საშუალება: (1) დართინუას ტექსტიშ დუდმაართა ვერსია; (2) თეჯგურა მახვარებუს გუხურგუას ტექსტიშ რედაქტირაფაშ საშუალება.

ლიტერატურა[რედაქტირაფა | წყუშ რედაქტირაფა]

  • Ebersbach, Anja (2008), Wiki: Web Collaboration, Springer Science+Business Media, ISBN 3-540-35150-7 
  • Leuf, Bo (April 13, 2001), The Wiki Way: Quick Collaboration on the Web, Addison–Wesley, ISBN 0-201-71499-X 
  • Mader, Stewart (December 10, 2007), Wikipatterns, John Wiley & Sons, ISBN 0-470-22362-6 
  • Tapscott, Don (April 17, 2008), Wikinomics: How Mass Collaboration Changes Everything, Portfolio Hardcover, ISBN 1-59184-193-3 

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: