ვლადიკავკაზი
ვლადიკავკაზი, კავკავი (ოს. Дзæуджыхъæу; რუს. Владикавказ; 1931-1944 დო 1954-1990 წანეფს ჯოხოდჷ ორჯონიკიძე, 1944-1954 წანეფს — ძაუჯიყაუ) — რუსეთიშ ფედერაციაშ სუბიექტიშ, ოორუე ოსეთიშ რესპუბლიკაშ ნანანოღა ოორუე კავკაციას. ნოღა იდვალუაფუ რესპუბლიკაშ ობჟათე-ბჟაეიოლშე კავკაციაშ გვალეფიშ ჯინც, წყარმალუ თერგიშ წყარპიჯის. მახორობა 311 635 (2010) ვთშ. ადამიერი რე დო აკმოდირთუთარო ოსეფშე, რუსეფშე, სომეხეფშე დო ქორთუეფშე.
ნოღაქ დირსხუ 1784 წანას, ოფუტე ძაუჯიყაუშ გოხოლუას მუჭოთ ჯიხა რუსეფიშით კავკციაშ დოჸუნალაშ ლჷმეფიშ პერიოდის დო მიარე წანაშ გოძვენას რუსეფიშ ოურდუმე ბაზაშ თარი გიოპონალი რდჷ რეგიონს. საქორთუოშ ოურდუმე შარა, კავკავიონიშ გჷნოჭკირუათ, გოჸუნაფილქ იჸუ 1799 წანას დო თინა ნოღას საქორთუოწკჷმა მითმიორსხუანს ობჟათეშე. 1875 წანას გოუჸუნუეს რკინაშარა, ნამუთ ნოღას დონიშ როსტოვწკჷმა დო ბაქოწკჷმა მიორსხუანს. თიშ უკული ვლადიკავკაზიქ რეგიონშო შანულამ ინდუსტრიულ ცენტრო გჷნირთჷ, რკინაშ მიშნანდღულაფეფიშ, ნავთობგჷნმამუშაფალი, ქიმიური დო საინჟინერო-ოეიონწყუალე ინდუსტრიეფით.
1931-1944 დო 1954-1990 წანეფს ნოღას ორჯონიკიძე (სერგო ორჯონიკიძეშ, ქორთუ ბოლშევიკიშ, პატიოცემელო), 1944-1954 წანეფს - ნოღას ძაუჯიყაუ ჯოხოდჷ. ვლადიკავკაზიქ დირთინუ მუში „კავკაციაშ მაფორალიშ“ უწოხოლაშიანი ჯოხო სხუნუეფიშ რსხუშ აკოცჷმაშახ ჭიჭე ხანით ორდო.
ვლადიკავკაზის ჟირი ლჷმაშ გინოგაფაქ მუწიუ — რუსეთიშ ომენოღალე დო მაჟირა მოსოფელიშ ლჷმეფიშ. 1919 წანაშ ფურთუთას ანტი-კომუნისტ მოხალისეეფიშ არმია გენერალ ანტონ დენიკინიშ დუდალათ ნოღას ხეშა ეშმიოთანს, მორო 1920 წანაშ მელახის ჭითა არმიაშით გინორაილქ იჸუ. 1942 წანაშ გერგობათუთას ნაცისტური გერმანიაშ ჯარეფქ უმწუძინელო ცადეს ნოღაშ ეჭოფუა, შედეგო თე უკიდაში ბჟაეიოლიშ ჭურჭულო გჷნირთჷ, ნამუსჷთ ნაცისტეფქ მიოჭირინეს.
რესურსეფი ინტერნეტის[რედაქტირაფა | წყუშ რედაქტირაფა]
(რუსული)
