კვინორი თაშნეშე ცუღუ (Martes) — ბჟაშუმუეფიშ გვარიშ ჩხოლარი კვინორიშობურეფიშ ფანიაშე. თიშ რსხულიშ სიგჷნძა რე 40-60 სმ-შახ, კუდელიშ - 20-50 სმ. კვინორი მოგჷნძე დო ზღვანდალა რსხული უღუ, ღვაღვა დო ლიბუ ბოწოწი. ჩინებული რე 6 (კანკალე მუნაჩემეფით 8) გვარობა. გოფაჩილი რე ევროპას, აზიას დო ოორუე ამერიკას. ჸოფილი სსრრ-იშ ტერიტორიას 4 გვარობა ხე: ტყაშ კვინორი (Martes martes), ჩეკინჩხა კვინორი (Martes foina) (თენეფი საქორთუოსჷთ ფართას რენა გოფაჩილი), სიასამური დო ხარზა. უმენტაშობა ტყას ხე. ჭკომუნა ჭიე-ჭიე ჩხოლარეფს, ხილს, კანკარს, უმენტაშობას (ხარზაშ მოხ) ანდაღებული ბოწოწი უღუ.
