მოლდოვა

ვიკიპედიაშე
მოლდოვა
ნანანოღა კიშინიოვი
უდიდაში ნოღა კიშინიოვი
ოფიციალური ნინეფი მოლდავური (რუმინული)
თარობა ოპარლამენტე რესპუბლიკა
პრეზიდენტი მაია სანდუ
პრ. მინისტრი დორინ რეჩანი
ფართობი 33,844 კმ²(139-ა)
მახორობა 2,597,100 (138-ო) (2021)
ვალუტა ლეუ (MDL)
ქიანაშ კოდი MDA
ოტელეფონე კოდი +373

მოლდოვა (რუმ. Moldova), ოფიციალურო მოლდოვაშ რესპუბლიკა (რუმ. Republica Moldova) — სახენწჷფო ბჟაეიოლ ევროპას, რუმინეთი დო უკრაინა შქას. ქიანაშ ნანანოღა - კიშინიოვი.

ჯოხოდვალა[რედაქტირაფა | წყუშ რედაქტირაფა]

  • ოფიციალური: მოლდოვაშ რესპუბლიკა.
  • ოდაბადური: Moldova; Republica Moldova.
  • ეტიმოლოგია: მოლდოვა ჯოხო მეძობელი რუმინეთიშ ართ-ართ უდიდაშ რეგიონს, ნამუქუთ ოეგებიეთ ჯოხო წყარმალშე მიღჷ. რე მოსაზრება, ნამდა თე წყარმალიშ ჯოხოდვალა ეინწყჷმუ მადანიშ (გერმანულო Molde) თი მიშნაკათეფეფით, ნამუთ თე წყარმალს მოუღუ.

გეოგრაფია[რედაქტირაფა | წყუშ რედაქტირაფა]

მოლდოვა იდვალუაფუ ობჟათე-ბჟაეიოლ ევროპას. ბჟაეიოლშე ომძღჷ უკრაინა, ბჟადალშე - რუმინეთი. ქიანაშ ფართობი რე 33.700 კვ.კმ. რუმინეთიწკჷმა მოლდოვაშ სანძღოეფი მეჸუნს წყარმალეფს - პრუტის დო დუნაის. ქიანაშ უმაღალაში კონკა რე დეალულ ბელენეშტი - 430 მ.

სახენწჷფო[რედაქტირაფა | წყუშ რედაქტირაფა]

  • სახენწჷფო სისტემა: გოვითარაფადი დემოკრატია.
  • სახენწჷფოშ მადუდე: პრეზიდენტი.
  • კანონიშდუმადვალუ ორგანო: ართპალატამი პარლამენტი (101 მაკათური).

ტერიტორიული მონწყილობა[რედაქტირაფა | წყუშ რედაქტირაფა]

მოლდოვაშ ადმინისტრაციულ-ტერიტორიული ართულეფი რე: 9 ოლქი (judetul), 1 ავტონომიური ტერიტორიული ართული (unitate teritoriala autonoma - გაგაუზია) და 1 ტერიტორიული ართული (unitate teritoriala - დნესტრიშპიჯეთი).

დემოგრაფია[რედაქტირაფა | წყუშ რედაქტირაფა]

  • მახორობა: 2,998,235 (2014), თენეფშე 75.1% მოლდოვარი, 7% რუმინალი, 6.6% უკრაინალი, 4.6% გაგაუზი, 4.1% რუსი.
  • ოფიციალური ნინა - მოლდავური (რუმინული). შხვა ნინეფი - რუსული, უკრაინული, გაგაუზური.
  • რელიგია - მართლმადიდებლობა.
  • ნანანოღა: კიშინიოვი (772.000). შხვა დიდი ნოღეფი: ტირასპოლი (210 ვითოში), ბელცი (175 ვითოში), ტიგინა (145 ვითოში).

ეკონომიკა[რედაქტირაფა | წყუშ რედაქტირაფა]

მოლდოვას მოხუჯური კლიმატური პიჯალეფი რე, მუთ ირზენს ოფუტეშ მეურნებაშ გოვითარაფაშ საშუალებას. თეშენი ქიანაშ ექსპორტიშ უმეტაშ თია უკინებუ კვებაშ პროდუქტეფს, დარანას (ღვინს), ტექსტილს, თუთუმს. უღუ ჭიჭე მუდანობათ მინერალური რესურსეფი - ფოსფორიტი, თაბაშირი, კირქუა. ენერგომატარებელეფს - გაზის, ნავთობის დო ქუანოშქერს უმოსო რუსეთიშე ღებულენს. მოლდოვაშ ვალუტა რე მოლდოვური ლეი (MDL).

უხოლაში ისტორია[რედაქტირაფა | წყუშ რედაქტირაფა]

1991 წანას მოლდოვაქ გაგმაცხადჷ ზოხორინელობა, მუსუთ მაჸუნუ სეპარატისტული ყარაფეფიშ გააქტიურებაქ ქიანაშ შხვადოშხვა რეგიონეფს. თიმ წანას დნესტრიშპიჯეთიშ სლავურ მახორობაქ გაგჷმაცხადჷ დნესტრიშპიჯეთიშ მოლდოვური რესპუბლიკა, ნამუშ სტატუსშეთ ამდღა ხოლო მეურს მორაგადაფეფი. 1994 წანას მოლდოვაშ პარლამენტიქ ქიმიღჷ კანონი გაგაუზიაშ ტერიტორიული ავტონომიაშე.