პურასქია

პურასქია (ლათ. Allium porrum) — მიარეწანიანი ოდიარე ჩანარი შორიაშობურეფიშ ფანიაშე. პურასქიაშ ოდაბადეთ იკოროცხჷ სქირონაშქა ზუღაშ ქიანეფი.

ჩანარი გოფაჩილი რე ბჟადალ ევროპას, მოლენკავკაციას. მოჸუნა მუჭოთ ჟირწანიანი კულტურა. მაართა წანას იკეთენს გოშხუარაფილ ტყრელე ღერს დო ფურცელს, მაჟირა წანას — ოპიოლე ისინდის დო თასის. ფურცელი გჷნძე, ინწრო დო ლანცეტიშობური რე. ბოქვი მორჩილი რე, აკმოდირთჷ ჩე თხითხარხამი ქერქიშე. ტყურელე ღერი იკათუანს ნოშქერწყარეფს, ცილას, C ვიტამინს, ფურცელი — C, B₁, B₂, PP ვიტამინეფს დო კაროტინს.

პურასქია ჸინგჷმარძე ჩანარი რე, ნამუთ თასით დო ომორცვალით იმიარებჷ. გჷმირინუანა კულინარიას ლადირო, ხაშილო, დაძმარებულო. მოსალობა 1 ჰა-შა ოშქაშეთ 250 ცენტნერი რე. საქორთუოს გოფაჩილი ჯიშეფი რე კარანტანული, ბულგარული დო ქუთეშური.

ლიტერატურა

• რობაქიძე თ., ქორთული სხუნუეფიშ ენციკლოპედია, ტ. 8, ხს. 179, ქართი, 1984 წანა.