იოსეშ ჯვარმოცუნაფა, ჰიერონიმუს ბოსხიშ ნახანტა
ჯვარმოცუნაფა — ღურათ საჯებაშ უჯვეშაში მეთოდი, ნამუშ ბორჯისჷთ დასაჯაფალს გეთმიოკირანა ვარდა ლისმარით გეთმიოჭკადანა ჯაშ განიერი ჯვარს დო გეთმიტენა თის მუკობუნაფილს ღურაშახ. თე მეთოდი რომიშ იმპერიას ღურათ საჯებაშ ძალამ გოფაჩილი დო გიშაკერძაფილი არდებელი ფორმა რდჷ, მარა მოგე მეთოდეფი შხვა უჯვეშაშ კულტურეფს ხოლო არსებენდჷ. ჯვარმოცუნაფას გიშაკერძაფილი შანულობა უღუ ქირსიანობაშო, ნამუშ მეჯინათ, იოსე ქირსე ჯვარმოცუნაფილქ იჸუ, მარა უკული გენათ. თეშ გეშა ჯვარი ვარდა ჯვარმოცუნაფაქ ქირისანობაშ უთარაში სიმბოლოთ გჷნირთჷ.
ჯვარმოცუნაფას რომაალეფი საჯიშ მეთოდო 313 წანაშა გჷმირინუანდეს, მუჟამსჷთ ქირსიანობაქ დომინირაფილ სარწუმობათ გჷნირთჷ რომს, მარა საჯიშ თე ფორმა უკული ხოლო გჷმირინუაფუდჷ შხვადოშხვა აბანს. ქირსიანულ ჯვარს მიარე ვარიაცია უღუ. უმენტაშ ნინას ზიტყვა „ჯვარი“ (ინგლ. Cross; რუს. Крест; პოლ. Krzyż; გერმ. Kreuz) ლათინური „crux“-შე წჷმორთჷ, ნამუთ "ჯა"-ს შანენს. თაშნეშე არსებენს კილოთა „cruciare“, ნამუთ ითანგუდჷ, მუჭოთ „წამება“.[1][2][3][4]
ვიკიოწკარუეს
? რე ხასჷლა თემაშენ:
