სტენდალი

ვიკიპედიაშე
სტენდალი
Stendhal
დაბადებაშ თარიღი:

23 ღურთუთა, 1783

დაბადებაშ აბანი:

გრენობლი, საფრანგეთი

ღურაშ თარიღი:

23 მელახი, 1842

ღურაშ აბანი:

პარიზი, საფრანგეთი

Magnum opus:

ჭითა დო უჩა

სტენდალი (ფრანგ. Stendhal), ნანდული ჯოხო: ანრი მარი ბეილი (ფრანგ. Marie-Henri Beyle; დ. 23 ღურთუთა, 1783, გრენობლი – გ. 23 მელახი, 1842, პარიზი) — ფრანგი ჭარუ.

გურაფულენდჷ იზერიშ ცენტრალურ სკოლას, 1799 წანას პარიზშა მიდართჷ დო ოურდუმე სამინისტროს დიჭყჷ მუშობა. მონაწილენდჷ ნაპოლეონიშ ლესქერუეფს. 1830 წანას დარინეს საფრანგეთიშ კონსულო ტრიესტის, 1831 წანას - ჩივიტაველას, სოდეთ 10 წანას რდჷ.

თელარას აღიარება ვამუპალუაფჷ. მუში ორდოიანი ნაწარმებეფი „არზეფი. ახალი ფილოსოფია“, კომედიეფი: „ჟირი კოჩი“, „ლიტელიე“, „ჭარილეფი პოლინიშა“ დო შხვა XX ოშწანურაშ 30-იან წანეფს გჷმაბჟინეს. 1817 წანას გჷმობჟინაფილქ იჸუ თიშ სუმ ნახანდიქ: „პაილნიშ, მოცარტიშ დო მეტასტაზიოშ რინა“, „ფერჭარუაშ ისტორია იტალიას“ დო „რომი, ნეაპოლი დო ფლორენცია“, „ფელურუა რომს“ (1829), „ტურისტიშ ინნაჭარეფი“ (1838), „ჸოროფაშ გეშა ტრაქტატი“ (1822), ჭარუშ შედევრეფო მერჩქინელიე რომანეფი: „ჭითა დო უჩა“ (1830), „პარმაშ ოსვანჯე“ (1839). თე ჟირ მონუმენტურ რომანს წჷმი აწოჸუნდჷ „იტალიური ქრონიკეფი“. სტენდალს ორხველჷ მემუარული ჟანრიშ ბარჩხალა მინუშეფი, ავტობიოგრაფიული თხობელუეფი: „ეგოისტიშ მოგონებეფი“ (1833), „ანრი ბრიულარიშ რინა“ (1835).

ლიტერატურა[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: