ტიხო ბრაჰე

ვიკიპედიაშე
ტიხო ბრაჰე
დან. Tycho Brahe
დაბადებაშ თარიღი:

14 ქირსეთუთა, 1546

დაბადებაშ აბანი:

სკონეშ პროვინცია, დანია-ნორვეგიაშ უნია

ღურაშ თარიღი:

გჷმათუთა 24, 1601 (54 წანერი)

ღურაშ აბანი:

პრაღა, ბოჰემიაშ ომაფე

მენოღალობა:

დანიაშ ომაფე

ომენცარე სფერო:

ასტრონომია

სამუშაშ აბანი :

ურანიბორგი

ალმა-მატერი:

კოპენჰაგენიშ უნივერსიტეტი
ლაიფციგიშ უნივერსიტეტი
როსტოკიშ უნივერსიტეტი

ჯოხოშინელი მოგურაფეეფი:

იოჰანეს კეპლერი

ხეშმოჭარუა:

ტიხო ბრაჰე (დან. Tyge Ottesen Brahe; ლათ. Tycho Brahe; დ. 14 ქირსეთუთა, 1546, სკონეშ პროვინცია, დანია-ნორვეგიაშ უნია — ღ. 24 გჷმათუთა, 1601, პრაღა, ბოჰემიაშ ომაფე) — დანიარი ასტრონომი დო ალქიმიკოსი.

ტიხო ბრაჰე გურაფულენდჷ კოპენჰაგენიშ, ლაიფციგიშ დო როსტოკიშ უნივერსიტეტეფს. ასტრონომიათ ორდოიანი წანეფიშე დეინტერესჷ. ბრაჰექ, კოპერნიკიშ ჰელიოცენტრიზმიშ დო პტოლემეშ გეოცენტრიზმიშ მოდელეფიშ გოართოიანაფათ, წჷმარინუ მუში ასტრონომიული მოდელი, ნამუშ მეჯინათ თუთა დიხაუჩას მუკი-მუკი გართანს, პლანეტეფი ბჟას გართუნა დო ბჟა დიხაუჩას გართუ. ბრაჰე რდჷ მაართა მენცარი ნამუქჷთ ეჭარჷ სუპერნოვა. 1576-1580 წანეფს ბრაჰექ, დანიაშ დო ნორვეგიაშ მაფაშ ფრედერიკ II-შ პატრონაჟით, ვენიშ კოკის დარსხუ ურანიბორგიშ ობსერვატორია დო ალქიმიური ლაბორატორია. ათაქ მუშობაშ ბორჯის, ბრაჰექ გიმირკვიუ შხვადოშხვა ასტრონომიული ობიექტეფი: მურიცხეფი, პლანეტეფი, კომეტეფი დო თინეფიშ ყარაფი. 1597 წანას ბრაჰექ მაფა კრისტიან IVწკჷმა კონფლიქტიშ გეშა, ურანიბორგი ქიდიტუ დო პრაღაშა მიდართჷ. ათაქ ბრაჰე რუდოლფ II-შ პატრონაჟით მუშენდჷ დო რდჷ იმპერატორიშ ოფიციალური ასტრონომი. ათე პერიოდის ბრაჰექ ბოჰემიაშ ნოღა ბენატკი-ნად-იიზეროუს დარსხჷ ობსერვატორია. 1600-1601 წანეფს, ობსერვატორიაშ მუშობაშ ბორჯის, ბრაჰეშ ასისტენტი რდჷ იოჰანეს კეპლერი. უკულ კეპლერქ გიმირინჷ ბრაჰეშ მენცარული რკვიებეფი პლანეტეფიშ ყარაფიშ სუმი კანონიშ გოვითარაფაშო. კეპლერიშ მურიცხეფიშ დო პლანეტეფიშ შინელი კატალოგი ხოლო ბრაჰეშ რკვიებეფს რე გერსხილი. ტიხო ბრაჰექ ღურჷ პრაღას, 1601 წანაშ 24 გჷმათუთას.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: