ფრანკ რიბერი

ვიკიპედიაშე
ფრანკ რიბერი (2008)

ფრანკ ბილალ რიბერი ფრანგი მობურთე, (ფრანგულო: Frank Bilal Ribéry), დებადჷ 1983 წანაშ 7 პირელს ბელონ-სიურ-მერს). ასე ლაჸაფენს გერმანიაშ ბუნდესლიგაშ კლუბის - მიუნხენიშ ბაიერნის.

კარიერა კლუბის

ოკლუბე კარიერა[რედაქტირაფა | წყუშ რედაქტირაფა]

მუშ კარიერაშ მაართა ოთხი წანას ლაჸაფენდჷ მუში ოდაბადე ქიანაშ ოთხი შხვადოშხვა კლუბის. 2005 წანაშ იანარს, რიბერიქ გალათასარაიწკჷმა ხე ქჷმაჭარჷ სუმ წანა დო გვერდიან კონტრაქტის დო ოლაჸაფეთჷ გეგნორთ თურქეთშა. 2005 წანას, გალათასარაიწკჷმა ართო, რიბერიქ მიგჷ თურქეთიშ ფორტისიშ თასი. ფენერბაჰჩეწკჷმა ფინალს, ნამუქით 5:1 ითუ, რიბერიქ მჷთიღჷ ართი გოლი დო ოგოლე პასი მეჩჷ ხოლო ართიშ მჷთაღალარო. 2005 წანაშ მესის რიბერქ, ოთხი თუთას ფარაშ უგჷნოგაფუო ლაჸაფიშ უკული, მეჭყვიდჷ კონტრაქტი გალათასარაიწკჷმა დო დირთჷ უკახალე საფრანგეთშა. თეშ გეშა გალათასარაიქ მარსელიშ ოლიმპიკშე მითხუ 10 მილიონი ევროშ კომპენსაცია დო საჩივარი გემშეღჷ სპორტიშ არბიტრაჟშა, მარა 2005 წანას ფიფაქ რიბერიშ განი ქჷდეკინჷ.

2006-07 წანაშ სეზონს რიბერქ არძა ტურნირს ართო ეჭოფილო 68 ლაჸაფი ილაჸაფუ დო მჷთიღჷ 14 გოლი. თი სეზონს საფრანგეთიშ I ლიგას, მარსელქ ლიონიშ ოლიმპიკიშ უკული მაჟირა აბანი ქჷდეკინჷ.

2007 წანაშ 7 ივანობას, მიუნხენიშ ბაიერნიქ რიბერწკჷმა ქჷდოდჷ ოთხი წანამი კონტრაქტი, კლუბშოთ რეკორდული ფარაშა - 25 მილიონი ევროშა. რიბერს ქჷმეჩეს 7 ნომერამ მაიკა, ნამუქჷთ გჷმიჩოლჷ, კლუბიშ ლეგენდაშ - მეჰმეთ შოლიშ ბურთუაშე ულაშ უკული. რიბერს დებიუტი უღუდუ ართი თუთაშ უკული, მაჸალური ლაჸაფის, ნამუთჷ ბაიერნიქ 18:0 მიგჷ. თი ლაჸაფის რიბერქ ჟირი გოლი მითიღჷ.

რიბერს ოფიციალური დებიუტი ბაიერნის 2007 წანაშ 21 კვირკვეს უღუდუ, ბრემენიშ ვერდერწკჷმა ლაჸაფის, მაართა ლიგაპოკალიშ მაართა რაუნდის; რიბერქ თიმ დღას ჟირშახ მითიღჷ. რიბერქ შტუტგარტწკჷმა გვერდ-ფინალური მატჩის ხოლო მითიღჷ, მარა ტრამვაშ გეშა გჷშატებელქ აჸუ ფინალქ (ნამუთჷ ბაიერნიქ მიგჷ).

ინტერნაციონალური კარიერა[რედაქტირაფა | წყუშ რედაქტირაფა]

რიბერქ მაართათ საფრანგეთიშ ნაკათას ილაჸაფუ მექსიკაშ ნაკათაწკჷმა 2006 წანაშ 27 მესის. ლაჸაფი მიგჷ საფრანგეთიქ 1:0, რიბერი გეგშეჸონეს 74-ა წუთის დავიდ ტრეზეგეშ მანგიორო. 2006 წანაშ მოსოფელიშ ჩემპიონატის, სოდეთ მითიღ ართი გოლი. რიბერი იტალიაწკჷმა ფინალს ხოლო ლაჸაფენდ დო ხვალე ართშახ გიაშკუ კარშა გეძინელი ბორჯის.

პირადი რინა[რედაქტირაფა | წყუშ რედაქტირაფა]

ჟირი წანერი რდჷნ თიმწკჷმა რიბერქ, ბულონ-სურ-მერს, მუშ ფანიაწკჷმა ართო, ქჷმაჸუნჷ ავარიას, ნამუშ უკული სახეშ მარძგვანი განშე ქჷდასქჷდ ჟჷრ გჷნძე . სოიჷშახ ჩილო ქაჸუნუდუნჷ, მუში ალჟირალ ჩილქ რიბერი მართინუ ისლამშა. ასე თინეფს ჸუნა ჟირჷ ოსურსქუა, ჰიზია დო შაბინეზი, თე ეკონიაქ 2008 წანაშ 9 იანარს პარიზის დებადჷ.

ტიტულეფი[რედაქტირაფა | წყუშ რედაქტირაფა]

  • თურქეთიშ ფორტისიშ თასი: 2005
  • უეფა-შ ინტერტოტოშ თასი: 2005
  • ფრანგული ლიგაშ წანაშ არძაშ უჯგუში ახალმარდუ მოლაჸაფე: 2006
  • მაართა ლიგაპოკალი: 2007
  • გერმანიაშ თასი: 2008