ანჩხაბერი

კინაშ ანჩხაბერი

ანჩხაბერი, ოთხილარი გიორთუმალარი, ოლჷმარი ანჩხაბერი დუდიშთხილუაშ შხვა გაბრეფწკუმა ართო უჯვეშაში ბორჯიშე რე ჩინებული. ახაზირენდეს ჯაშე, ჭყერიაშ შვებიშე, ჭინუეფი დო ტყებიშე. უჯვეშაში ლითონიშ ანჩხაბერი (ლინჯიშ, ხვითოშ (ორქოშ) ქითოგორეს მესოპოტამიას (ჯვ.წ. III ანთასწანურას). ბრინჯაოშ დო კინაშ ანჩხაბერს ხვარენდეს ჯვეში საბერძნეთის დო რომს, რუსეთის ანჩხაბერს (შიშაკი, შელომი) გიმირინუანდეს X-XVII ოშწანურეფს.

საქორთუოს გუმორინაფილი (გოფაჩილი) რდჷ შხვადოშხვა ნერი ანჩხაბერი (მარქვალიშნერი ანჩხაბერი, ჩაფხუტი, ჩაჩქანი, ჩაბალახი). ჰეროდოტეშ ჩინებათ, მოსხეფი, კოლხეფი, ტიბარენეფი, მაკრონეფი დო მოსინიკეფი ანჩხაბერს ჯაშე ახაზირენდეს. ქსენოფონტეშ ჩინებათ მოსინიკეფს ტყებიშ ანჩხაბერი გიორთუდეს. სტრაბონიშ გინოჩამათ, იბერიალეფი ტყებიშ ანჩხაბერით ლჷმენდეს. თრიალეთის ნაძირეფი რე ჯვ. წ. XIII ბრონზეშ ანჩხაბერი. მაართა საგებიო ლჷმაშ (1914-1918) ბორჯიშე ჭახიშ დო სანყურეშ ნოფურჩხოლეფშე დუდიშ ოთხილარო მიშეღეს ბულათიშ ანჩხაბერი. ავიაციას, ოტანკე დო მექანიზაფილი ურდუმეფს გეშკუმალაშე დუდიშ ოთხილარო გიმირინუანა ტყებიშ ანჩხაბერს.

გჷმორინაფილი ლიტერატურა

• ქსე, ტ. 7, ხს. 190, ქართი, 1984