ახალი ზელანდია
ახალი ზელანდია (ინგლ. New Zealand), იდვალუაფუ წყჷნარი ოკიანეშ ობჟათე-ბჟადალუ ნორთის, იდვალუაფუ ჟირი უდიდაშ კოკის, თე კოკეფს უძახჷნა: ოორუე-კოკი დო ობჟათე კოკი, ქიანაშ ნანანოღა რე ველინგტონი. ახალი ზელანდიაშ მახორობა აკმადგინანს მეხოლაფირო 4,315,800 ადამიერს (2009 წანაშ მუნაჩამუეფით). ქიანა რე კონსტიტუციური მონარქიაშ დო დემოკრატიული პარლამენტიშ პრინციპშა ეგაფილი დო მიშმურს გოვითარაფილ ქიანეფიშ ერკებულშა.
[რედაქტირაფა] დემოგრაფია
ახალი ზელანდიაშ მახორობაშ მუდანობა 2009 წანაშ მუნაჩამუეფით აკმადგინანს 4,213.418 ადამიერს.. 1995 წანას მახორობაშ მუდანობა რდჷ 2,717,625, 2004 წანას 3,993,800, 2005 წანას 3,035,461, ედომშამო ბოლო 12 წანაშ მალობას ახალი ზელანდიაშ მახორობაქ მირდჷ 1,485,793-ით, 2,8-შა. ოშქარე წანიერი რდუალა 0,92 %-იე (2007), 0,97% (2008), ანუ ბოლო 12 წანაშ მანძილშა ოშქარი წანიერი რდუალა 1,42-იე.
ახალ ზელანდიას სქირალაშ კოეფიციენტი 2009 წანაშ მუნაჩამუეფით 13,94-იე ირი 100 კვ.კმ-ის, ღურალაშ კოეფიციენტიე 7 ირი 1000 კოჩის. ბოლო 12-20 წანაშ მალობას სქირალაშ დონე ლაჸაფენს 16,24-13,72-იშ ფარგალეფს. 1995 წანას დებადჷ 16 ადამიერქ ირი 1000 კოჩის, დო 2008 წანას -14 ირი 1000 კოჩის. სქირალა ოშქარი დონეს ინარჩუნენს, ღურალაქ მირკჷ - 1995 წანას 95 კოჩიქ დოღურ 1000 კოჩის, დო 2008 წანას 7 ადამიერქ ირი 1000 კაჩის. ორთაშობური რდუალაშ კოეფიციენტი 0,8-ის აკმადგინანს.
ახალ ზელანდიას იბადებუ უმოსი ქომოლკოჩი, ვინემ ოსური, მეხოლ. 23 ანთასით უმოსი. 15-64 წანაშ ასაკიშო ქომოლკოჩეფიში დო ოსურეფიშ მუდანობა დახე იმანგებუ (მორჩილ მუდანობათ უპირატესობა უღუნა ქომოლკოჩეფს). მახორობაშ ასაკობური სტრუქტურა 2009 წანაშ მუნაჩამუეფით თენერიე, 14 წანაშ ასაკიშ მეკოროცხუათ 66,5 % (თაიშე ქომოლკოჩეფი 1,404,143 დო ოსურეფი 1,399,530), 65 წანაშ ასაკიშ ჟიდო 12,8%-იე (ქომოლკოჩეფი 244,986, ოსურეფი 293,063).
ახალი ზელანდიაშ მახორობაშ რინაშ ოშქარი ხანი 2009 წანაშ მუნაჩამუეფით 80,36 წანა რე, ქომოლკოჩეფიშ 78,43 ,დო ოსურეფიშ 82,39. ოსურეფი უმოს ხანს ცხოვრენა ვიდრე ქომოლკოჩეფი. ჩვილეფიშ ღურალაშ კოეფიციენტი ირი 1000 ახალსქირალიშე 4,92-იე, თაიშე ქომოლკოჩეფი 5,53, ოსურეფი 4,27.
[რედაქტირაფა] რელიგია
2006 წანაშ მუნაჩამუეფით ახალი ზელანდიაშ მახორობაშ მეხოლ.56%, ქირსიანობაშ არძაშე უმოსი დენომინაციეფი წჷმორინაფილიე ანგლიკანეფით (14,9%), ლათინური გეზაშ კათოლიკეფით (12,4%), პრესვიტერიანეფი (10,9%), მეტოლისტეფით (2,9%), ბაპტისტეფით (1,3 %), შხვა ქირსიანეფით (9,4%), ახალ ზელანდიას ინდუიზმიშ დო ისლამიშ წჷმჷმარინაფალეფი შხუ რელიგიურ თემეფს წჷმარინუანა. შხვა რელიგიეფიში დო კონცეფციეფიშ წჷმჷმარინაფალეფიშ მუდანობა 0.5%-იე. ქიანას მოქმედენს მაორეფიშ სექტეფი-რაიტანა დო რინგაუ, ნამუშ გურაფა წჷმარინუანს კვიდრეფიშ რელიგიაში დო ქირსიანეფიშ დორხველ დუს. ახალი ზელანდია რელიგიური კუნთხუთი მიარეფერუანი რე, თაქ ქირსიანობაშ დო კვიდრი მახორობაშ რელიგიური სიწკონდალეფი ართიანშა აკმიწყორუ. თაშნერი ანალოგიური მოლინა ლაოსიშ რელიგიურ სტრუქტურეფს ვეგორე.
