ბეიკერი (კოკი)
 კოკი ბეიკერი | |
| გეოგრაფია | |
|---|---|
| ორენი | რჩქალი ოკიანე |
| ფართობი | 1,64 კმ² |
| სიგჷრძა | 1,81 კმ |
| სიგანე | 1,13 კმ |
| წყარპიჯიშ სიგჷრძა | 4,8 კმ |
| უმაღალაში კონკა | მ მ |
| ქიანა | |
| დემოგრაფია | |
| მახორობა | 0 (2014) |
კოკი ბეიკერი (ინგლ. Baker Island) — ამერიკაშ აკოართაფილი შტატეფიშ ვაინკორპორირაფილი ვაორგანიზაფილი უხორუ ტერიტორია რჩქალ ოკიანეს, ნამუთ ქიანაშ დინოხოლენ საქვარეფიშ სამინისტრეს დოჸუნს. ბეიკერი რე ატოლი, ნამუთ ეკვატორიშ გოხოლუას იდვალუაფუ, თე ტერიტორიაშე 3100 კილომეტრიშ მეძენას იდვალუაფუ ჰავაიშ შტატიშ ადმინისტრაციული ცენტრი ჰონოლულუ. ბეიკერიშ ოორუეშე 68 კილომეტრის რე კოკი ჰოულენდი.
გეოგრაფია[რედაქტირაფა | წყუშ რედაქტირაფა]
ბეიკერიშ ფართობი რე 1,64 კმ², წყარპიჯიშ სიგჷნძა — 4800 მეტრი. თე ტერიტორიაშ უმაღალაში ჭურჭული რე 8 მეტრი. თაქ კლიმატი ეკვატორული რე. კოკის ედომუშამ წანაშ გოძვენას ტემპერატურა აკმადგინანს დოხოლაფირო +30°C-ის, ჰეერიშ სილამე პრაქტიკულო 90%-შე მერკე რე დო რკებულენს. რელიეფი დაბალი დო ქვიშამი რე, ჯალეფიშ უმუშო. ოშუმალი წყარი პრაქტიკულო ვა რე. ბეიკერს მაჩენი ჩანარეფშე თარო ეიოშინალი რე ბართვეფი, ჩხოლარეფშე — კოკის ანდა ზურაშ მაფურინჯე ხე.
ისტორია[რედაქტირაფა | წყუშ რედაქტირაფა]
ბეიკერს მიოგორუეს 1818 წანას. ააშ-ქ გუანოშ კანონიშ ოსხირით, ნამუქჷთ ქიანას მეღებულქ იჸუ 1856 წანას,[1][2] კოკის მუში ნებეფი 1857 წანას გჷმაცხადუ. 1886 წანაშე 1934 წანაშახ ბეიკერს უღუდჷ ბრიტანეთიშ ზუღაშმელენი ტერიტორიაშ სტატუსი. ჟირხოლო ქიანა აწარმენდჷ გუანოშ მოპალუას. კოკიშ ათვისებაქ მეჭყორდჷ მაჟირა მოსოფელიშ ლჷმაშ დოჭყაფაშე.
თეხანურ პერიოდის ააშ-ს თაქ უკებჷ მუში გიშაკერზაფილი ეკონომიკური ზონა რადიუსით 200 ოზუღე მილი.
სქოლიო[რედაქტირაფა | წყუშ რედაქტირაფა]
- ↑ GAO/OGC-98-5 - U.S. Insular Areas: Application of the U.S. Constitution. U.S. Government Printing Office (1997-11-07). დოარქივაფილი რე ორიგინალშე 2013-07-06-ს. კითხირიშ თარიღი: 2013-03-23.
- ↑ The Guano Companies in Litigation--A Case of Interest to Stockholders. New York Times (1865-05-03). დოარქივაფილი რე ორიგინალშე 2013-07-06-ს. კითხირიშ თარიღი: 2013-03-23.
|
თე სტატია ააშ-იშ დო ამერიკალეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
| ||||||||||||||