ბერლინი
ბერლინი(გერმ. Berlin) -- გერმანიაშ ნანანოღა დო ფართობით დო მახორობათ არძაშე უდიდაშ გერმანული ნოღა. ბერლინს უღუ ნოღა-სახენწჷფოშ დო ავტონომიური ალობეფი, რე ფედერაციული დიხა.
რინაშ ისტორიას ბერლინი ბრელ გერმანული სახენწჷფოშ ნანანოღა რდჷ: ბრანდენბურგიშ სამარკგრაფო/საპატნოშ, პრუსიაშ ომაფეშ, გერმანიაშ იმპერიაშ დო გერმანიაშ დემოკრატიულ რესპუბლიკაშ. 1990 წანაშ 3 გჷმათუთაშე ბერლინი გერმანიაშ ფედერაციულ რესპუბლიკაშ ნანანოღა რე.
ბერლინი რე მაგისტრალური ნოსქვი. ბერლინი ართ-ართ თარ ეკონომიკური დო კულტურული ცენტრი რე. ბერლინს ბრელი რე უნივერსიტეტეფი, თეატრეფი, მუზეუმეფი დო კულტურული ძეგლეფი.
დინორე |
[რედაქტირაფა] გეოგრაფიული დვალაფა
ბერლინს ომძღჷ ბრანდებურგიშ ფედერაციული დიხა დო იდვალუაფუ გერმანიაშ ელახის, პოლონეთიშ სამძღოშე 70 კილომეტრიშ სიშორას, ბარნიმიშ დო ტერტოშ გაბარეფს. ნოღაშ ისტორიული ცენტრი იდვალუაფუდუ წყარმაალ შპრეეშ ოპიჯეეფს, ნამუსუთ ნოღაშ ბჟადაალშე (შპანდაუ) აკათუ წყარმაალ ჰაველი. ბერლინიშ ბჟადალუ აკანეფი რაინიკენდორფი დო პანკო იდვალუაფუნა ბარნიმიშ, არლოტენბურგ-ვილმერსდორფი, შტეგლიც-ცელენდორფი, ტემპელჰოფ-შიონებერგი და ნოიკიოლნი - ტელტოშ გაბარეფს.
ბერლინიშ არძაშე უმაღალაშ პუნქტეფი რენა: ტოიფელსბერგი (115 მ. ზუღაშ დონეშე) შარლოტენბურგ-ვილმერსდორფის დო მიუგელბერგე (115 მ.) ტრეპტო-კიოპენიკის.
[რედაქტირაფა] ადმინისტრაციული გორთუალა
1998 წანაშ 10 ივანობაშ კანონით ბერლინიშ 23 რაიონქ 12-შა იუ დოჸონაფილქ:
- შარლოტენბურგ-ვილმერსდორფი
- ფრიდრიხსჰაინ-კროიცბერგი
- ლიხტენბერგი
- მარცან-ჰელერსდორფი
- ცენტრი
- ნოიკიოლნი
- პანკო
- რაინიკენდორფი
- შპანდაუ
- შტეგლიც-ცელენდორფი
- ტემპელჰოფ-შიონებერგი
- ტრეპტო-კიოპენიკი
[რედაქტირაფა] კლიმატი
ბერლინი ზომიერ კლიმატურ ორტყაფუს იდვალუაფუ. ოშქარი წანომოწანური ტემპერატურა რე- - +9,4° ცელსიუსით, ოშქარი წანომოწანური ნოლექი- 578 მილიმეტრი. არძაშე უტიბაში თუთეფი რე ივანობა, კვირკვე დო არგუსო- +17,4° - +18,7° ოშქარ ტემპერატურათ. არძაშე რგილი თუთეფი რე ქირსეთუთა, იანარი დო ფრევალი--0,2° - +1,4° ოშქარი ტემპერატურათ.
[რედაქტირაფა] მახორობა
ბერლინს ოხორანს 3.392.026 ადამიერი (2005 წანაშ 5 მარაშინათუთაშ მუნაჩემეფით), 891,75 კმ²-ს. ბერლინიშ მახორობაშ 60% ათეისტი რე, 23% - პროტესტანტი, 9% - კათოლიკე დო 6% - მუსულმანი.
[რედაქტირაფა] რესურსეფი ინტერნეტის
- Berlin.de—Official Website
- Official Website of the Berlin-Brandenburg Metropolitan Area
- Regional directory გერმანული
- Berlin Tourist Information
- Dumont Restaurantguide Berlin
- Monthly English-language magazine for Berlin
- English-language city guide for Berlin
- Berlin Travel Tips
- Berlin photo gallery—Images of Berlin and its most popular monuments.
