ბერნარდ ფიშერი
| ბერნარდ ფიშერი | |
| ინგლ. Bernard Fisher | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 16, 2019 (101 წანერი) |
| ღურაშ აბანი: |
პიტსბურგი, პენსილვანია, ააშ |
| მენოღალობა: | |
| ომენცარე სფერო: | |
| სამუშაშ აბანი : |
პიტსბურგიშ უნივერსიტეტიშ მედიცინაშ სკოლა |
| ალმა-მატერი: | |
| ჯილდოეფი დო პრემიეფი: |
ალბერტ ლასკერიშ პრემია (1985) |
ბერნარდ ფიშერი (ინგლ. Bernard Fisher; დ. 23 მარაშინათუთა, 1918, პიტსბურგი, პენსილვანია, ააშ — ღ. 16 გჷმათუთა, 2019, პიტსბურგი, პენსილვანია, ააშ) — ამერიკალი მედიკოსი, ონკოლოგი, მენცარი დო ექიმი, კიდირიშ კიბოშ ეფექტური კურნალობაშ პიონერი. ფიშერიქ მუშ მენცარული რკვიებეფით დანტკიცჷ ნამდა ადრეიან სტადიაშ კიდირიშ კიბოშ კურნალობა ეფექტურო შილებედჷ ლამპექტომიათ, რადიოთერაპიაშ დო ქიმიოთერაპიაშ კომბინაციათ დო/ვარ და ჰორმონოთერაპიათ დო უკულ რადიკალური მასტექტომიათ. მედიცინაშ ექსპერტეფიშ აზრით ფიშერიშ რკვიებეფქ გაუჯგუშჷ კიდირიშ კიბოთ დალახებური პაციენტეფიშ პროგნოზი. ჟურნალი The Atlantic-იქ აზრით ბერნარდ ფიშერი რდჷ მედიცინაშ გერგეზი, ნამუქჷთ მიშეღჷ დიდი თია ონკოლოგიაშ გოვითარაფაშა.
ბერნარდ ფიშერი გურაფულენდჷ მედიცინას პიტსბურგიშ უნივერსიტეტის. გურაფაშ თებაშ უკულ მუშენდჷ პიტსბურგიშ უნივერსიტეტიშ მედიცინაშ სკოლას. ფიშერი რდჷ ალბერტ ლასკერიშ პრემიაშ, კეტერინგიშ პრემიაშ, კომენ ბრინკერიშ პრემიაშ დო შხვა ჯილდოეფიშ ლაურეატი. 1985 წანაშე ფიშერიქ გინირთჷ ამერიკაშ მენცარობეფიშ აკადემიაშ მედიცინაშ ინსტიტუტიშ მაკათურო. 1992-1993 წანეფს ფიშერი რდჷ ამერიკაშ კლინიკური ონკოლოგიაშ ჯარალუაშ პრეზიდენტი. ფიშერი რდჷ ამერიკაშ ქირურგეფიშ კოლეგიაშ მაკათური. 2009 წანას ჸათე ორგანიზაციაქ ფიშერის გინოჩჷ პრესტიჟული ჯილდო - იაკობსონიშ ინოვაციაშ პრემია.