ბუკმოლი

ვიკიპედია ხასჷლაშე
გეგნორთი: ნავიგაცია, გორუა
ნორვეგიული ნინაშ ჟირხოლო ფორმაშ გოფაჩუაშ არეალი ნორვეგიაშ მუნიციპალიტეტეფიშ მეჯინათ 2007 წანაშ დგომარობათ.

ბუკმოლი (ნორვ. Bokmål — „წინგიშ ნინა“) — ნორვეგიული ნინაშ ართ-ართი სტანდარტი (ნორმა) ნიუნორსკიშ პარალელურო. იფორმირჷ დანიურიშ ნერჩიშე დანიაშ ნორვეგიაშე ოთხოშწანურამი პატჷნალაშ პერიოდის (დანია-ნორვეგიაშ უნია).

XIX ოშწანურაშ უდიდაში ნორვეგიალი ჭარუეფი ჰენრიკ იბსენი დო ბიორნსტიერნე ბიორნსონი სტიქიურო ნორვეგიზაფილ დანიურ ნინაშა ჭარჷნდეს, მარა დანიურ ორთოგრაფიას მეჸუნდეს. დუდშე ბუკმოლს „დანიურ-ნორვეგიული“ ჯოხოდჷ. ჯოხოდვალა „ბუკმოლქ“ 1929 წანაშე იჸუ მუშაღალირქ, მუსჷთ წოხოლე უწორუანდჷ ჯოხოდვალა „ოიმპერიე ნინა“ (ნორვ. riksmål). ნორვეგიაშ მაჟირა ოფიციალური ოჭარალუე ნინა რე ნიუნორსკი.

ბუკმოლს ნორვეგიაშ მახორობაშ 90%-შახ ირინუანს, ნინაშ მაგურაფუეფი გვალო თე ვარიანტის გურაფულენა დო ნორვეგიაშ მედია ხოლო თე ნინაშა მაუჭყაფალენს. ბუკმოლიშ ნორმეფი ბჟაეიოლნორვეგიაშ მახორობაშ კილოშა, გჷშაკერძაფილო ოსლოს დო მუშ მუკ-მუკის მახორუ მახორობაშ მეტყველებაშ მუშობურებეფშე რე ეგაფილი, მარა იშენი დანიურიშ ოსხირშა რე ეგაფილი. დანიური ნინა ბუკმოლიშ მარჩქინეს ტექსტურო დუდიშულო არჩქილე, მარა ზეპირმეტყველებას ფონეტიკაშ კვათჷრი გოშხვავაფაშ გეშა დახე უგუგებუ რე. ბუკმოლს უმოსო რე ნარსხებუობეფი, ვიდრე ნიუნორსკის. XX ოშწანურას ბუკმოლიშ დემოკრატიზაციაშ ღანკით მუდგაზმარენშა იჸუ ტარებულქ რეფორმაქ, მარა უმეტაშობაქ ვადეკვიდრინჷ. ნორვეგიულ „წინგიშ ნინას“ ართი ორთოეპიკური სტანდარტი ამდღარშახ ვაუღუ.

წყარო[რედაქტირაფა]

  • Vikør, Lars. "Fakta om norsk språk". Retrieved 2009-08-04.
  • a b Lundeby, Einar. "Stortinget og språksaken". Retrieved 2007-06-12.
  • Halvorsen, Eyvind Fjeld. "Marius Nygaard". In Helle, Knut (ნორვეგიულო). Norsk biografisk leksikon. Oslo: Kunnskapsforlaget. Retrieved 6 February 2010.