გჷშაკოროცხუაშური რშვილი
გჷშაკოროცხუაშური რშვილი წჷმმარინუანს შხვადოშხვა მონწყილაფეფიშ (მაართა რანწკის კოპიუტერეფიშ, თაშნეშე კონცენტრატორეფიშ, სენსორეფიშ) ართოიანაფას, ნამუეფუთ გოართამაფილიე მერსიშ ღოზეფით (კაბელეფით), ორშვილუ ადაპტერეფით დო შხვა ოკომუნიკაციე გაბრეფით.
გჷშაკოროცხუაშური რშვილი რე გონორთაფილი სისტემაშ ართ-ართი სახეობა.
[რედაქტირაფა] გჷშაკოროცხუაშური სისტემეფიშ გოვითარაფა
მაართა გჷშაკოროცხუაშურ სისტემეფი იქიმინუაფუდჷ მაინფრეიმეფიშ (ძალიერი დო ოიმენდე უნივერსალური კომპიუტერი) ბაზას. პროგრამეფიშ ტექსტიშ დო მუნაჩემეფიშ გამყარება ხვადჷ ოწმახ პერფობარათეფს. სპეციალურ ოპერატორს მიშმუღუდ თე პერფობარათეფი კომპიუტერშა, ოდო მახვარებუ ღებულენდჷ კოროცხუაშ მოღალუს გარკვეული ბორჯიშ უკული,თიშ უმკუჯინუონამდა მუშებაშ ათეშნერი ინერტული რეჟიმი ვა რდ მოხუჯური მახვარებუშონ, ათეშნერი რეჟიმი იშენი დასაბაღო დიდხანს გჷმურინუაფუდ, რახან პაკეტური რეჟიმიშ ბორჯის მიჭირინუაფუ პროცესორიშ მუშებაშს არძაშე მაღალი მენდალა.
გჷშაკოროცხუაშური სისტემეფიშ გოვითარაფაშ გეჸვენჯი ეტაპი რდჷ მიარეტერმინალამი სისტემეფიშ დორცხუაფა, მუშ ოსხირსჷთ ჷმმარინუანს კომპიუტერიშ აპარატული გაბრეფიშ (მაართა რანწკის პროცესორიშ) გოეფაფა. ათეშნერი მუშებაშ პრიციპი გერსხილი რდჷ ბორჯიშ დორთუალაშ პრინციპშა, პროცესორწკჷმა ართბორჯულო მუშებენდჷ მუსხირენი მახვარებუ, თინეფს არძოს გჷმორთილი აფუდეს ტერმინალეფი, მუდგაშ გაბრათ ხოლო შეულებუდეს გუმანჯებუდესკონ დიალოგი კომპიუტერწკჷმა. სისიტემაშ რეაქცია ობაღინაფალო დაბალი რდჷ დო მახვარებუეფი ოხვილუდეს ჯინას კოროცხუაშ მოღალუეფშო. ტერმინალეფი რდჷ ოწარმეეშ ედომუშამი ტერიტორიას, ათეშნერი მიარეტერმინალური სისტემეფი, ცენტრალიზაფირი პრინციპიშ უმკუჯინუო, ანგარიათ ძალამს მოგენდჷ ლოკალურ რშვილეფს.
[რედაქტირაფა] ტოპოლოგია
ტოპოლგია რე გრაფი, მუდგაშ წვანჯეფს წჷმმარინუანა ექტრონული მონწყილაფეფი ოდო ძგოპეფს თინეფ შქას ფიზიკურ დო ლოგიკურ მერსეფს. წვანჯეფს თაშნეშე უძახუნაგიოდგინუეფს ვარა ნასკვის.
რე შხვადოშხვა სახეშ ტოპოლოგიეფი:რსულფასამი ტოპოლოგია, უჯრედამი ტოპოლოგია, ომიშური სალტე, ტოპოლოგიური მურიცხი , რულეშური ტოპოლოგია,აკოწყორილი ტოპოლოგია.
