კორეაშ ჩქონი

კორეაშ ჩქონი იდვალუ ბჟაეიოლ აზიას. ოორუეშე ელახიშა გინოზინდილი რე მეხოლაფირო 1 100 კმ-შა, კონტინენტური აზიაშე წყჷნარ ოკიანეს. ომძღჷ იაპონიაშ ზუღა (ელახიშე), ელახ ჩინეთიშ ზუღათი (ობჟათეშე) დო ყვინთელი ზუღათ (ბჟადალუშე). იაპონიაშ კოკეფიშე გჷმორთჷნს კორეაშ სიროტი.

მაჟირა საგებიო ლჷმაშ თებაშახ, კორეა წჷმარინუანდუ ართამ პოლიტიკურ ართურს, ნამუთ ედომიშ ჩქონს მიკინენდუ. 1953 წანას, კორეაშ ლჷმაქ ოურდუმე ზჷთ გეთუ, ნამუშ მეჯინათ, ჩქონიშ ოორუე ნორთის გიჭყუ კორეაშ სახარხო დემოკრატიული რესპუბლიკაქ, დო ობჟათე გვერდის — კორეაშ რესპუბლიკა.

ალმაშარული ფოტო

კორეაშ ჩქონიშ ოორუე თანჯეფი ომთხვიუ ოორუე კორეაშ თანჯეფს თიშ მეზობელ — ჩინეთიწკჷმა (თანჯაშ სიგინძა 1 416 კმ) დო რუსეთიწკჷმა (თანჯაშ სიგინძა 19 კმ). თე თანჯეფი ორთაშობურ თანჯეფს წჷმარინუანს დო გოურს წყარმალუ იალუშა დო წყარმალუ ტუმენშა. იფრელ თეშ გოთოლწონაფათ, ჩქონიშ ედომიშ ფართობი აკმადგინანს 220,847 კმ²-ს.

ჩქონის ოორუე კორეას უძახჷნა ჩოსონ-პანდოს (조선반도; 朝鮮半島), ობჟათე კორეას ჰან-ბანდოს (한반도; 韓半島).

კორეაშ ჩქონიშ 70 % გვალეფით რე მუკოთანჯილი. უმაღალაში კონკა რე გვალა პეკტუსანი (2 744 მ).

რესურსეფი ინტერნეტის

• კორეაშ ჩქონიშ აბანდვალა, კორეაშ ოფიციალური ტურისტული გიდი