ლოთარინგია

ვიკიპედია ხასჷლაშე
გეგნორთი: ნავიგაცია, გორუა
ლოთარინგია

ლოთარინგია, ლორენი (ფრანგ. Lorraine, გერმ. Lothringen), რე რეგიონი ბჟაეიოლ საფრანგეთის, წყარმალუეფიშ მაასიშ დო მოზელიშ ჟინ მალობას. აკმოდირთუ 4 დეპარტამენტიშე:მიორტი დო მოზელი, მიოზი, მოზელი, ვოგეზი.

  • ფართობი – 23,6 ვითოში.
  • მახორობა – 2,3 მლნ.
  • ნოღეფი: მეცი, ნანსი, ტიონვილი.

ისტორია[რედაქტირაფა]

ჯვეშო ლოთარინგიაშ ტერიტორიას კელტეფი ოხორანდეს. ჯვ. წ. I ოშწანურას რომაალეფქ გეჭოფეს. ჯვ. წ. V ოშწანურას ფრანკეფიშ ომაფეშ აკოდგინალაშა მიშელჷ. 855 წანას ფრანკეფიშ იმპერატორ ლოთარ I-ქ თე ტერიტორია მუშ სქუას, ლოთარს ქოუძღვინჷ (თე ბორჯიშე მოურს ჯოხოდვალა "ლოთარინგია"). ლოთარინგია 1766 წანაშა გერმანალი ერიშ საღმთო რომიშ იმპერიაშ ნორთი რდჷ, მუშ უკულით საფრანგეთიქ გეჭოფუ თე დიხა. 1871 წანას პრუსიაქ საფრანგეთიწკჷმა ლჷმაშ მოგებაშ უკული კინე ქეშეართჷ ლოთარინგია.

მაართა მოსოფელიშ ლჷმაშ თებაშ უკული ლოთარინგიაქ ვერსალიშ აპიჯაფაშ მეჯინათ საფრანგეთის გეგნაჩჷ, ნამუშ უკულით დიჭყჷ თე რეგიონიშ მახორუ გერმანალეფიშ ნებეფიშ აკობორკუაქ, გერმანული ნინაშ სკოლას დოგურაფაშ ნება ვაუღუდეს. მა–2 მოსოფელიშ ლჷმაშ ბორჯის გერმანიაქ კინე ქჷდეკინჷ ლოთარინგია დო ელზასი. გერმანიაშ მარცხიშ უკული ლოთარინგიაქ კინე საფრანგეთიშ აკოდგინალუაშა მიშელჷ.

მახორობა[რედაქტირაფა]

ამდღა ლოთარინგიაშ რეგიონს 2,300 000 ადამიერი ოხორანს. რეგიონიშ ობჟათე, ცენტრი დო ბჟადალი ფრანგულნინამი რე, ოორუე-ბჟაეიოლი – გერმანული,სოდეთ მახორობა, გჷშაკერძაფილო ხანშამიშულირეფი, გერმანულო იჩიებუნა.