მანქანა

მანქანა, მონწყილობა, ნამუთ ენერგიაშ, მასალაშ დო ინფორმაციაშ გინაჭყაფალო მექანიკურ მოძრაობეფს ასრულენს. ჯინჯიერი დანიშნულებაშ ეკოჯინათ მანქანა 3 სახიშიე: ენერგეტიკული,ომუშერი დო საინფორმაციო.

• ენერგეტიკულ მანქანეფის, ნამუეფიშ დანიშნულება რე ირი სახეობაშ ენერგიაშ გინოჭყაფა მექანიკურ ენერგიათ, მანქანა-ქვარქვანტის (ქვარქვანტი-ძრავა) უძახჷნა (ელექტრო ქვარქვანტი, დინახალენჭუალაშ ქვარქვანტი, ტურბინა, დგუშამი და ორქიშ მანქანეფი, ელექტროგენერატორი).

• ომუშებელ მანქანეფი ჟირნერი რე: ტექნოლოგიური დო სატრანსპორტო. ტექნოლოგიურ მანქანას გინაჭყაფალ მოღე (მასალა) რე მყარი, თხევადი ვარა აირიშორი დასამუშებელი საგანი, ნამუთ მანქანა უთირანს ფორმას,მუშობეფს (თვისებეფს), დგომარობას დო აბანდვალას. ოტრანსპორტე მანქანეფს გინაჭყაფალი მასალა გინააბანაფალი საგანი რე, ნამუსით მანქანა ხვალე აბანდვალას უთირანს. ტექნოლოგიური მანქანეფიე ლითონდამუშებელ ჩარხეფი, საგლინი დგანეფი, საქსოვი დაზგეფი, საფუთავი, თაშნეშე პოლიგრაფიაშ მანქანეფი; ოტრანსპორტე — ავტომობილი, თბომავალი, ფურინჯი, შვეულფურნიჯი, საწეველა, კონვეიერი დო შხვა.

• საინფორმაციო მანქანეფიშ დანიშნულება რე ინფორმაციაშ გინოჭყაფა.

მანქანეფს, ნამუსით ენერგიაშ, მასალაშ, ინფორმაციაშ არძა გინოჭყაფა ადამიანიშ უშუალო მონაწილეობაშ უმშო ხვადუ, მანქანა — ავტომატის ვარა უბრალო ავტომატის უძახჷნა. ართიანწკჷმა ალაუნელო აკოართაფილი დო გარკვეული ტექნიკური პროცესიშ შემასრულებერი მანქანა — ავტომატეფიშ ართობლიობა ოჭყანს ავტომატურ ღოზის. მანქანა დო მანქანა-ავტომატი ალექჷნენს ადამიერიშ ხანდას, რდჷნს ხანდაშნოყოფიერებას დო უზრუნველყვენს სამუშა პროცესიშ შესრულებაშ მაღალ ხარისხის.

ქოძირით თაშნეშე

• მანქანეფიში დო მექანიზმეფიშ თეორია

ლიტერატურა

• ქსე, ტ. 6, გვ. 416, თბ., 1983