ნიუ-იორკი
ნიუ-იორკი (ინგლისურო: New York [nʲuːˈjɔːɹk]) — ნოღა ამერიკაშ აკოშქუმალირ შტატეფს, შტატ ნიუ-იორკის. 8 მილიონშე მეტი მახორობათ (830 კმ²-ს) ნიუ-იორკი, ამერიკაშ არძაშე უმოსი დიდი დო ოორუე ამერიკაშ არძაშე ინწრას დოხორინელი ნოღა რე. თიშ აგლომერაციას 22 მილიონშე მეტი კოჩი ოხორანს. ნოღაშ თე ჯოხოდვალაშ შტატიშე გჷშაგორალო თეს «ნიუ იორკ სიტი»-ს უძახჷნა. ნოღას შხვანერო «დიდ უშქურს» უძახჷნა (ინგლისურო: „Big Apple“)
ნიუ-იორკი თელ ქიანაშ ფინანსეფიშ, პოლიტიკაშ, ართუაფალი დო კულტურაშ ცენტრი რე დო თელ ქიანაშ ართ-ართი ნიშულამი გლობალურ ნოღეფშე რე მუზეუმეფიშ, გალერეეფიშ, ოხანტუ-ოშესრულებლე დაწესებულებეფით, უმაღლაშ ოგურაფუეფით, მედიაშ, ნთელ ქიანაშ კორპორაციეფიშ დო ოფინანსე ბაზარეფიშ დიდი მუდანობათ. თაქ იდვალუაფუ გოართოიანაფილი ნაციეფიშ ორგანიზაციაშ საგებიოშ შტაბ-ბინა. ნოღაშ ფარგალეფს ხუთი რაიონი რე (ჯვეშ სტილით საგრაფო): ბრონქსი, ბრუკლინი, მანჰეტენი, კუინზი დო სტეიტენ-აილენდი. თე ბოლოშ გარდა არძა რაიონს მილიონშე მეტი მახორობა რე დო ზოხო-ზოხო ააშ-იშ შხვა უდიდაშ ნოღეფს უწორუანდჷ.
ნიუ-იორკი ირწანას უდიდაშ მუდანობაშ იმიგრანტეფს იზიდენს ნთელ ქიანაშ 180 ქიანაშე, მუჭოთ ნთელ ააშ-შე, ნამუსჷთ ნოღას მუშ კულტურაშ, ენერგიაშ, კოსმოპოლიტიზმიშ დო ეკონომიურ შილებუანობაშაშ გეშა მოულა. ნიუ-იორკი თეჟამო უდიდაშ ამერიკულ ნოღეფს შქას კრიმინალიშ არძაშე უმოს დაბალი დონეთ გიშეგორუ.
[რედაქტირაფა] ლიტერატურა
- რუსული. ირვინგ ვაშინგტონი, "ნიუ-იორკიშ ისტორია"
- ინგლ. ენთონი ბერჯესი (1976). "New York", Little, Brown & Co.
- ინგლ. კენეთ ჯეკსონი (1995). "The Encyclopedia of New York City", Yale University Press.
[რედაქტირაფა] რესურსეფი ინტერნეტის
- ნიუ-იორკიშ ოფიციალური ვებ-ხასჷლა
- NYCvisit.com - ნოღა ნიუ-იორკიშ ოფიციალური ტურიზმიშ ვებსაიტი
- ვირტუალური ტური
- ტურისტიშ ალმაშარე
- ჟურნალი "ნიუ-იორკიშ" ვებსაიტი
- NYCityMap - ნიუ-იორკიშ ინტერაქტიული რუკეფი
 |
თე სტატია მერკე რე. თქვა შეილებუნა ქიმეხვარათ ვიკიპედიას დო გაგშათინათ დო გოფაჩათ. |
