ოსაათე ორტყაფუ

საგებიო ბორჯიშ ზონეფი

დიხაუჩაშ ჟიდოხი პიჯალობურო დორთილიე 24 ოსაათე ორტყაფუთ თიშო, ნამდა დიხაუჩაშ განედიშ ირი გრადუსიშო (დო ირი მინუტიშო) ვა მუშუღალუდესკონ აბანობური ბორჯი. ართი ორტყაფუშე მაჟირაშა გინულაბორც ითირუ ბორჯიშობური ართურეფი წუნეფი დო მერქეფი, მარა უთირუ სქიდუ საათეფი.

რსებენც ზოხოიანი რაიონეფი, სოდეთ აბანობური ბორჯი გინმიშხვანერებუ საგებიო ბორჯიშე ხვალე საათეფიშ თელი რიცხუთ ვარინ (1 საათი, 2 საათი დო თ.უ.), წუნეფით ხოლო - 30 წუნი, 40 წუნი, 45 წუნი. თეორიულო არძო ოსაათე ზონა აკოხურგილი ოკო რდას წირფეეფით, ნამუეფუთ გიშმურც ზონაშ ცენტრალური მერიდიანიშე მარძგვან დო კვარჩხანჸურე 7,5 გრადუსშა. მარა, პრაქტიკას თინეფი კორექტირაფილიე ადმინისტრაციული დო ვარი ორთაშობური თანჯეფიშ მეჯინათ.

ოორუე დო ობჟათე პოლუსეფც მერიდიანეფი ართ ჭურჭულც აკმიჭოფუნც დუც, ათეშენ თაქ ოსაათე ზონაშ ცნება აზჷრც ოდინუანც. ტრადიციაშ ალებათ, პოლუსეფიშ ბორჯი აკოხვალამირიე საგებიო ბორჯიწკჷმა.