პოოპო
ვიკიპედია ხასჷლაშე
პოოპო (ესპანურო Lago Poopó) — დიდი, ჯიმუამი ტობა ბოლივიაშ გვალონას. იდვალუაფუ ზუღაშ გეჸეშე 3 700 მეტრას. ტობაშ სიგინძა 90 კმ. რე, სიგანა 32 კმ. ჟიდოხიშ ფართობი ითირუ დო ლაჸაფენს 1 340 კმ² — 2 500 კმ²-ს შქას. ოშქაშე სიტომბა 3 მეტრა რე. წყარიშ დუდი მარაგი გუმუუღჷ წყარმალუ დესაგუადეროს, ნამუთ ტიტიკაკაშ ტობაშე გუშმურს.
დესაგუადეროშ მოხ, პოოპოს ბჟაეიოლ წყარპიჯიშ განშე შხვა ანდა ჭიჭე წყარმალუ აკათუ, ნამუეფით წანმოწანაშ უმეტაშ ნორთის ინოსქირაფილეფი რენა. თი ბორჯის, მუჟამს ტობას წყარიშ გეჸე არძაშე მაღალი რე, თინა აკათუ მუშ ბჟადალიშ განშე დვალირ ჯიმუშ ტიოზი სალარ-დე-კოიპასას. 1986 წანას დეფიქსირ წყარიშ არძაშ უმოს მუდანობაქ დო ტობაშ ფართობიქ 3 500 კმ² აკადგინჷ.
