ჟაშხა

ვიკიპედია ხასჷლაშე
გეგნორთი: ნავიგაცია, გორუა

ჟაშხა (ბჟაშხა) – ბჟაშ დღა. მარაშ დღა შურიშხა დო თუთაშხაშ შქას. მარგალური წჷმორთული შქვითდღერი სისტემა იჭყაფუ თე დღათ დო ითებუ შურიშხათ. ღორონთ ბჟაშ, ბჟა დიდაშ ოხვამური. ართი ეკერეცხიშ, მარაშ მაართა ღორონთი, თიში ოხვამური მაართა დღა. ჯვეში გერმანული ტომეფი თე დღას იშინუანდეს ბჟას, თაურეშე რე ინგლისური (Sunday). მიარე სლავურ ნინას ჟაშხას ჯოხო «неделя », ანუ დღა, მუჟამს ვამუშენა («не делают»). ჟაშხა შხირას მარაშ ეკონია დღა რე (გიშაკერძაფილო ევროპას დო ოჩხანე ამერიკას), შხვადო – მარაშ მაართა დღა. თე ტრადიცია მოურს ჯვეში ურიეფი დო ჯვეში ეგვიპტარეფშე. სტანდარტიზაციაშ ოერეფოშქაშე ორგანიზაციაშ გინოჭყვიდირაფათ 1976 წანაშ 1 ღურთუთაშე ჟაშხაქ დიდგინუ მარაშ ეკონია დღათ. ჟაშხა ქირსიანეფიშ უმოსობაშოთ მოსვანჯაშ დღა რე. მართალმადიდარაფალი ქირსიანეფს თე დღას ვაშინერს ოფანიე, ოფუტურ-სამეურნეო დო ოჯარალუ საქვარუა, მუდგაინიშ ქიმინუა, მუთ შხვაშე ითხიინს ხანდაშ გაწიებას (მაგ, ჸიდირი, მოინალაშ მიღება, ოჯარალუ ჭკუდით რგებაფა დო თ.უ.). გიმნარკებუს წჷმმარინუანს სამედიცინო დო შხვა სახეშ მოინალა.