სექსი

ვიკიპედიაშე
ტრადიციული სექსუალური პოზა, ედუარ-ანრი ავრილი

სქესობური აქტი — გენიტალური კონტაქტი ჟირ ინდივიდიშ შქას გაბრელებაშ ღანკით ვარ-და სქესობური კორინიშ დაბაღინაფალო. ბიოლოგიური თოლწონუათ, თენა რე აქტი, მუდგა შვანსჷთ ქომოლკოჩიშ რეპროდუქციული ორგანო (ადამიერეფს ვარ-და ნამთინე ჩხოლარეფს) მიშმეჸონებაფუაფუ ოსურიშ რეპროდუქციულ ტრაქტიშა, ნამუსუთ თაშნეშე კოიტუსის უძახჷნან. აქტიშ მაკათურეფი შილებე აწმარინე სქესიშ ორდანინ, ვარ-და ხოლო ჰერმაფროდიტეფი, მუჭოთ სამანგათ ფერწოშ შვანს რენ.

ტრადიციულო, სქესობურ აქტის ეთმენწყუნდეს მუჭოთ სქესობურ კონტაქტიშ ორთაშობურ დათებუს ქომოლკოჩ დო ოსურ შქას, დო ამდღარშახ თენერო ეთმოსხუნუნა. თეშ უმკუჯინუო, ტერმინიშ შანულობაქ ბოლო წანეფს უმოსო მირდჷ დო ირიშ უკულაშ სუმ შხვადოშხვანერი აქტის იკათუანს. თენეფი რე: ვაგინალური სექსი, ნამუთ აფსოშა ქომოლკოჩიშ ოსქესე ასოშ მიშაჸონაფას იკათუანს; ორალური სექსი, ნამუთ სქესობურ ორგანოეფწკჷმა ორალურ რსხუს იკათუანს; დო ანალური სექსი, ნამუთ ქომოლკოჩიშ ოსქესე ასოშ მუშ პარტნიორიშ გვამიშ დუდიშა მიშაჸონაფას იკათუანს.