ფიზიკა
ფიზიკა (ჯვეში ბერძენ. φύσις „ორთა“) — ორთაშობური მენცარობა, ნამუთ გურაფულენს ორთაშ უძაკააშ დო თე ჟამს არძაშე უზოგადაშ კანონზომიერებეფც, არკვიენს მატერიაშ აკოდგინალუას დო მუშებეფს, ოფირჩას დო ბორჯის თიშ გინოაბანუაშ ზოგად ფორმეფს.[1][2][3]
ფიზიკა შხვა ორთაშობურ მენცარობეფწკჷმა ართო გურაფულენც გოლუაფირი ოქიანუშ ობიექტურ მუშებეფს. ფიზიკას ართ-ართ ცენტრალურ თემას წიმარინუანს მატერიაშ აკოდგინალუაშ დოგურაფა. თინა ფორუნც ფიზიკას ჩინებულ ჟირი მატერიაშ სახეს: ღვანდის დო ვეს.[4][5]
არძო მატერიალური ობიექტი ითირუ, ჟამიშ მეჯინათ ითირუ თინეფიში ურთიართაბანდვალა, ფორმა, ზჷმეფი, აგრეგატული რინა, ფიზიკური დო ქიმიური მუშებეფი დო თაში. ირნერი თირაფა, ირნერი პროცესი, ნამუთ მეურს ჩქინ გოლუაფირი ოქიანუს, წჷმარინუანს მატერიაშ ყარაფის. ყარაფი მატერიაშ დინოხოლენ მუშება რე, თინა უწმურდგინებუ რე მატერიაშ უმშო. ყარაფი რე მატერიაშ სქჷლადაშ მეშქაშალა.[4][6]
ფიზიკაშით აკოგურაფონი მატერიაშ უზოგადაშ ყარაფიშ ფორმეფი (მექანიკური, მოლეკულურ-სიტიბური, ელექტო-მაგნიტური, ატომური, გვირზილური ) წჷმარინუანა მატერიაშ უმოსო რთულ ყარაფიშ ფორმეფიშ (ქიმიური, ბიოლოგიური დო შხვ.) აკმადგინალ ნორთის, თეშენი ფიზიკა წჷმარინუანს შხვა ორთაშობურ მენცარობეფიშ (ასტრონომია, ბიოლოგია, ქიმია, გეოლოგია დო შხვ.) ოსხირს.[7][8]
ფიზიკა გურაფულენს მატერიაშ მუშებეფს დო რჯებას თიში გჷმოლინაფაშ ფართე თანჯეფს, დოჭყაფილი სუბმიკროსკოპული ელემენტარული ნორთიეფიშე (ელემენტარული ნორთიეფიშ ფიზიკა) თებული ედომუშამი ოქიანუთ (კოსმოლოგია). [9]
სქოლიო [რედაქტირაფა]
- ↑ The Role of Physics in Science
- ↑ დ. ღონღაძე ზოგადი ფიზიკაშ კურსი I ნორთი; გიშაშქუმალა ”განათლება” ქართი 1976;გვ.3.
- ↑ Физическая энциклопедия Предмет и структура физики
- ↑ 4.0 4.1 В.Ф. Дмитриева В.Л.Прокофьев Основы Физики ; Москва «Высшая школа» 2001;ხს.4.
- ↑ The Physics Hypertextbook
- ↑ მ.კუჭაიძე თეორიული მექანიკა ; გიშმაშკუმალაფა განათლება , ქართი - 1971;გვ.3.
- ↑ А.Н.Огурцов Физика для студентов (механика)
- ↑ ტ.გუნჯუა ზოგადი ფიზიკაშ კურსი ქართი-1973;გვ6.
- ↑ Descriptions of the Fields of Science
 |
თე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ. |
