ფლემიშური ნინა

ვიკიპედიაშე

ფლემიშური ნინა (ჰოლანდიურო: Vlaams) რე პოპულარული ვა-ფორმალური ტერმინი, ნამუთ გიმირინუაფუ ბელგიაშ ჰოლანდიურიშ ოშინალო. ლინგვისტეფი-შქას ტერმინი ’ფლემიშური’ გიმირინუაფუ ჰოლანდიურიშ ჟირი დიალექტიშ ოშინალო, კონკრეტულო, ალალეშ (თაშნეშე ბჟაეიოლუ) დო დალიერი ფლემიშური.თე ზიტყვა, გიმირინუაფუ, თაშ გედვალირი, ’ტუსენტაალ’-იშ ოშინაფალო. ’ტუსენტაალი’ რე ჰოლანდიური სოციოლექტი, ნამუს რაგადანა ბელგიასინ, ვარა ბელგიაშ ჰონალნდიური სტანდარტული ნინაშ ვარიაციაშ ოშინაფალო.

ეტიმოლოგია[რედაქტირაფა | წყუშ რედაქტირაფა]

ტერმინი ფლემიშ მოურსუ ფლანდერეფიშ საგრაფოშე, უმოს კონკრეტულო, შქა ჰოლანდიაშე - ჶლამიშჩე-შე vlāmisch, vlemesch). ჯოხო ფლანდერიშ საგრაფო თითონ მაართათ რდჷ დანტკიცებული გენტის, 1237 წანას, დო ეტიმოლოგიურო თე სიტყვა მოურს ’ფლანდრი’ (‘Flandr’), ნამუთ ჯვეშ ჰოლანდიური ნინას შანენდუ - ’თინა, ნამუთ ნწყვილი რე/წყარით ფორილი დიხა.

ჰოლანდიური ფლანდრიას[რედაქტირაფა | წყუშ რედაქტირაფა]

ალალეშ ფლანდრიული

დალიერი ფლანდრიული

ჰოლანდიური რე უმეტაშობაშ ნინა ბელგიას. თე ნინაშა ბელგიას იჩებუ მახორობაშ სუმ-ნოხუთარი. თეშ შხვადოშხვა დიალექტეფს უღუ მუსხითირენ ლექსიკური დო ჭიჭეთ გრამატიკული მუშობურეფი, ნამუთ აშხვანერენს თენეფს სტანდარტული ნინაშე. მუჭოთ ნიდერლანდეფსინ, სტანდარტული ჰოლანდიურიშ პრონაუნსი ითირუ აკინიშობური დიალექტეფიშ გოულათ.

ჰოლანდიურიშ არძო დიალექტი, ნამუდგას იჩიებუნა ბელგიასინ (ალალეშ ფლემიშურიშ გალე) ირაგადუაფუ ჰოლანდიაშ სამეძობლო რაიონეფს ხოლო. თე ბორჯულო ალალეშ ფლანდრიულს უღუ საერთო ელემენტეფი მუჭოთ ბრაბანტიკული თეშ დალიერი ფლემიშურწკუმა. სტანდარტული ჰოლანდიური ბაზირებული რე ჰოლანდიკური დიალექტის (ირაგადუაფუ ჰოლანდიაშ ბიჟღეთის დო ნარკებ ხარისხით რე ბრაბანტიული, ნამუთ რე დომინანტი ჰოლანდიური დიალექტი ფლანდრიას დო ობჟათე ჰოლანდიას.

"ფლემიშური" ხოლო შილებე შინებული რდას ბელგიას რაგადაფილი ჰოლანდიურშე, ნამუთ ძალიერაშო ქოგუ სტანდარტული ჰოლანდიურს, ნამუსუთ იჩიებუნა ნიდერლანდეფსინ. თარი შხვანერობა თე ჟირ-შქას რე ტონალობა დო კანკალე ზიტყვეფიშ დო ზმნიზედეფიშ პოპულარობა. ჭარუას, კერძოთ, სპელინგის, მუთუნნერი შხვანერობა ვარე. თაშინ ნამდა, კანკალე ზიტყვა, ნამუთ უმოსო ირაგადუ ფლანდრიასინ, შილებე შინაფილი რდას მუჭოთ ’ფლანდრიული’ თიშ უმკუჯინუო, ნამდა თენეფი რენა სტანდარტული ჰოლანდიური დო ჰოლანდიური ნინაშ ზიტყვეფიშ ერკებულს რენა ენოჭარილი.