ფრანსუა ოლანდი

ფრანსუა ოლანდი
საფრანგეთიშ პრეზიდენტი
თეჟამიანი პოსტი
დაკინება	17 მესი, 2012
თირუ	ნიკოლა სარკოზი
თეჟამიანი პოსტი
დაბადებული	12 მარაშინათუთა, 1954; რუანი,; საფრანგეთი
პოლიტიკური პარტია	საფრანგეთიშ სოციალისტური პარტია
ალმასქუ	სეგოლენ რუაიალი; (1973–2007); ვალერი ტრიერვეილერი; (2007-ამდღარშახ)
სქუალეფი	თომასი; კლემენსი; ჟულიენი; ფლორა
რელიგია	კათოლიკე

ფრანსუა ოლანდი (ფრანგ François Gérard Georges Nicolas Hollande; 12 მარაშინათუთა 1954, რუანი) — ფრანგი პოლიტიკოსი, ეშაგორილი 2012 წანაშ 6 მესიშ საფრანგეთიშ ოპრეზიდენტე ეშაგორუეფიშ მაჟირა ტურს. სოციალისტური პარტიაშ მაართა მელამოსე 1997-2008 წანეფს. საფრანგეთიშ ნაციონალური ასამბლეაშ დეპუტატი 1988-93 წანეფს დო 1997 წანაშე, ნოღა ტიულიშ მერი (2001-2008). კორეზიშ დეპარტამენტიშ გენერალური სხუნუშ პრეზიდენტი 2008 წანაშე.

საფრანგეთიშ 2012 წანაშ საფრანგეთიშ ოპრეზიდენტე ეშაგორუეფიშ მაართა ტურს ოლანდიქ ხონარეფიშ 28,6% ეჭოფჷ, მოქმენდ პრეზიდენტიქ, ნიკოლა სარკოზიქ — 27,1%^[1]^[2]. 6 მესის ეშაგორუეფიშ მაჟირა ტურს ორჯგინჷ საფრანგეთიშ მოქმენდ პრეზიდენტის^[3]^[4].

ორდოიანი რინა დო ულირი [რედაქტირაფა]

ოლანდიქ ჯიმოლენი ნორმანდიაშ რეგიონიშ ნოღა რუანც დიბადჷ, ოშქარი კლასიშ ფანიას. ნანა, ნიკოლ ფრედერიკ მარგერიტ ტრიბერი (1927–2009) სოციალური მუშაკი რდჷ, ოდო მუამუში — ჯორჯ გუსტავ ოლანდი, ოტორინოლარინგოლოგი. მერჩქინელიე, ნამდა გვარი „ოლანდი“ (Hollande) კალვინისტი კჷნოხონეფშე მუთმოურც, ნამუეფქუთ XVI ოშწანურას ჰოლანდიაშე (ნიდერლანდი) გეგმინტეს დო გვარო მუნეფიშ ჯვეში ოდაბადეშ ჯოხო ქეტეს.^[5] ოლანდიქ კათოლიკეთ დინათჷ.^[5]