ჰერმან გოლდშმიდტი
| ჰერმან გოლდშმიდტი | |
| ინგლ. Hermann Goldschmidt | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 10, 1866 (64 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| ჯილდოეფი დო პრემიეფი: |
ლალანდიშ პრემია (1852, 1854, 1855, 1857, 1858, 1860, 1861) |
ჰერმან მაიერ სალომონ გოლდშმიდტი (გერმ. Hermann Mayer Salomon Goldschmidt; დ. 17 მანგი, 1802, ფრანკფურტი, გერმანია — ღ. 10 ეკენია, შხვა ვერსიათ 30 მარაშინათუთა, 1866, ფონტებლო, საფრანგეთი) — გერმანალი ასტრონომი დო ხანტუ.
ჰერმან გოლდშმიდტიქ დებადჷ ფრანკფურტის, ურიეფიშ ფანიას. გურაფულენდჷ ხელუანობეფს მიუნხენს, შინელი გერმანალი ხანტუეფიშ პეტერ ფონ კორნელიუსიშ დო იულიუს შნორ ფონ კაროლსფელდიშ ხემანჯღვერობათ. გურაფაშ თებაშ უკულ გოლდშმიდტიქ პარიზიშა მიდართჷ.
1847 წანას გოლდშმიდტიქ, პარიზიშ უნივერსიტეტის, ქიდესწრჷ გიშარჩქინელი ასტრონომიშ ურბენ ლევერიეშ ლექციას. ჸათე პერიოდიშე გოლდშმიდტიქ ასტრონომიათ დეინტერესჷ, ქიჸიდჷ ტელესკოპი, მუში ჸუდეს ჭიჭე ობსერვატორია მანწყუ დო ასტრონომიული რკვიებეფი ქიდიჭყჷ. მუში კარიერას გოძვენას მიოგორუ 14 ასტეროიდის. მაართა ასტეროიდი, ნამუსჷთ გოლდშმიდტიქ მიოგორუ რდჷ 21 ლუტეცია, 1852 წანაშ 15 გერგობათუთას.
მენცარული რკვიებეფიშ გეშა, გოლდშმიდტიქ შკვითიშა მიპალუ ლალანდიშ პრემია. 1857 წანას გინოჩეს საპატიო ლეგიონიშ ორდენი დო 1861 წანას ასტრონომიაშ ომაფე ჯარალუაშ ორქოშ მენდალი.
ჰერმან გოლდშმიდტიშ ჯოხონობაშ რე ართ-ართი კრატერი თუთას დო ართი ასტეროიდი.
| ასტეროიდიშ ჯოხოდვალა | ძირაფაშ თარიღი |
| 21 ლუტეცია | 15 გერგობათუთა, 1852 |
| 32 პომონა | 26 გერგობათუთა, 1854 |
| 36 ატალანტა | 5 გერგობათუთა, 1855 |
| 40 ჰარმონია | 31 მელახი, 1856 |
| 41 დაფნა | 22 მესი, 1856 |
| 44 ნისა | 27 მესი, 1857 |
| 45 ევგენია | 27 მანგი, 1857 |
| 48 დორიდა | 19 ეკენია, 1857 |
| 49 პალესი | 19 ეკენია, 1857 |
| 52 ევროპა | 4 ფურთუთა, 1858 |
| 54 ალექსანდრა | 10 ეკენია, 1858 |
| 56 მელეთა | 9 ეკენია, 1857 |
| 61 დანაე | 9 ეკენია, 1860 |
| 70 პანოპეა | 5 მესი, 1861 |
რესურსეფი ინტერნეტის[რედაქტირაფა | წყუშ რედაქტირაფა]
- ჰერმან გოლდშმიდტი Allgemeine Deutsche Biographie-ის (1879, გერმანულო)
- ჰერმან გოლდშმიდტი, ხანტუ დო ასტრონომი The Gentleman's Magazine. 223: 335–. 1867.