ალბერტი (ტობა)

ალბერტი (ჸოფილი ჯოხოდვალა მვიტანზიგე, თაშნეშე მობუტუ-სესე-სეკო) — ტობა უგანდას დო კონგოშ დემოკრატიულ რესპუბლიკას. თინა ფართობით აფრიკაშ მავითაართა ტობა რე.

გეოგრაფია

ალბერტიშ ტობა იდვალუაფჷ აფრიკაშ კონტინენტიშ ცენტრის, უგანდაშ დო კონგოშ დემოკრატიულ რესპუბლიკაშ სახენწჷფო ხურგის. ტობაშ ფართობი 5,300 კვ.კმ. რე, მაქსიმალური სიგინძა 160 კმ., მაქსიმალური სიგანა 30 კმ., ოშქაშე სიტომბა 25 მ., მაქსიმალური სიტომბა 51 მ. ტობა იდვალუაფჷ ზუღაშ დონეშე 619 მეტრაშ სიმაღალას. ტობა ალბერტიშ წყარიშ თარი წყუ რე წყარმალუეფი ჩე ნილოსი დო სემლიკი. ტობაშ წყარპიჯის რე დორსხუაფილი ურბანული ცენტრეფი: ნტოროკო, კაისო, ბუტიაბა, ვანსეკო, კასენი, პაკვაში. ალბერტიშ ტობას 1864 წანას მიოგორეს ბრიტანალ მარკვიალეფქ: სემიუელ უაიტ ბეიკერიქ დო ფლორა ფონ სასიქ. ტობას ჯოხოქ გიადჷ პრინცი კონსორტიშ, ალბერტიშ პატიოცემელო.