ვიკიპედია:გამამინჯალაშ ვარაფა

ვიკიპედია-შე
Jump to navigation Jump to search
ვიკიპედია ვერზენს თიშ დინოხ მოჩამილ ინფორმაციაშ უჩილათუობაშ გარანტიას.

ვიკიპედია, ინტერნეტ-ენციკლოპედია დუდიშული დინორეთ, რე მოხალისე პიჯეფიშ დო ბუნეფიშ ჯარალუა, ნამუეფით ორსხუანა კოჩიშობაშ რჩქინაშ ოირკოჩე ოჩუაშეს. თიში სტრუქტურაშ მეჯინათ ვიკიპედიაშ რედაქტირაფა ინტერნეტიშ დო ბრაუზერიშ მაღვენჯი ნამგარდია პიჯის შეულებჷ. ათეშენ, რთხიინთ გეთოლწონათ, ნამდა მოჸონაფილი ინფორმაცია შილებე ვა რდას გჷნომორსაფილი პროფესიონალეფიშით.

ვე შილებე თიში რაგადი, ნამდა ვიკიპედიას ვა რე აიწორი დო ოხვილური ინფორმაცია, მორო თქვა ოკო გეთოლწონათ, ნამდა ვიკიპედია ვერზენს თის მოჩამილი ინფორმაციაშ სითახმეშ გარანტიას. ვა რე გჷშაკოროცხილი, ნამდა თქვანო საინტერესო ინფორმაცია რდჷ თირელი, გჷლალუაფირი ვარა ჭარილი თი პიჯიშით, მიდგაშ სარზება იშხვანერებუ ზოგადო ეჭოფილი სარზებაშე.

ჩქი ირო ბგორჷნთ მაქსიმალურო ბონი დო გოთინილი სტატიეფიშ გჷნომორსაფაშ დო გჷშაგორუაშ შარეფს. ჩქინი უდიდაში მეჭირინდაფა რე გჷშნაგორა სტატიეფი, მორო თინეფით ხოლო შელებუანიე გჷლალუეს-და მუსხირენ მერქაშ წოხოლე სოიშახ თქვა იკითხენდითჷნ.

ნამთინი ავტორი, მახვარებუ, სპონსორი, ადმინისტრატორი, ოპერატორი ვარა ვიკიპედიაწკჷმა მერსხილი ნამდგარდია შხვა პიჯი ვა რე გამამინჯე ვიკიპედიაშ ხასჷლეფს უგნუმორსებუ ვარა უთინუ ინფორმაციაშ გჷმორჩქინაშ შვანს. თეშ მოხ ავტორი, მახვარებუ, სპონსორი, ადმინისტრატორი, ოპერატორი ვარა ვიკიპედიაწკჷმა მერსხილი ნამდგარდია შხვა პიჯი ვერზენს გამას თიშე, მუჭო გჷმირინუანთ ვიკიპედიაშ მოღეეფსჷნ.

რთხინთ გეთოლწონათ, ნამდა ინფორმაცია, ნამუსჷთ თაქ ძირჷნთჷნ, დორსხუაფილიე დუდიშულო, მუჭოთ ჯამიერი ზალამიშ გჷმორჩქინა. ინფორმაციაშ მიმაჭირინდაფალეფს დო ვიკიპედიაშ მინჯეეფს, ადმინისტრატორეფს, ოპერატორეფს ვარა ვიკიპედიაწკჷმა მერსხილ ნამდგარდია შხვა პიჯეფს დო მაკითხირალეფს შქას ვა რე დოდვალირი მუთუნინერი აპიჯაფა. ათეშენ, ვიკიპედიაშ დინორე ვა გჷნირთუ იურიდიული პრეტენზიეფიშ ოკითხუთ. თქვა გიღუნა ვიკიპედიაშ ანგუაშ ალობა, მორო ვართ თენას იგურხონარებუ მუდგაინი იურიდიული გამამინჯალა - თქვა ირინუანთ ინფორმაციას დორხველი ზალამით.

ნამდგარდია ოვაჭარე შანი, მარკეფი, ორგანიზაციეფიშ, მეკონეფიშ ჯოხოეფი, დიზაინი დო ვიკიპედიას გჷმორინაფილი შხვა ვადუდიშული ინფორმაციაშენ ოავტორე ნებეფს ღვალენა თინეფიშ კანონიერი მინჯეეფი. ვიკიპედიაშ დინორე იფაჩუ CC-BY-SA ლიცენზიათ, დო თქვა შეილებუნა თინეფიშ გჷმორინაფა ხვალე თე ლიცენზიაშ პიჯალეფიშ ალებათ. რშუდანი, ნამდა თქვა ირზენთ გამას გჷმორინაფილი მოღეშენ.

რთხიინთ თაშნეშე გეთოლწონათ, ნამდა ნამთინე ვიკიპედია მილარე ამერიკაშ აკოართაფილ შტატეფს, ფლორიდა დო დოჸუნს ამერიკაშ კანონდვალირაფას. თქვანი ქიანაშ კანონეფქ შილებე ვა გოხურგუანი ზიტყვაშ დუდიშალა თიშნერ ფირჩას, მუჭოთ ამერიკაშ კანონდვალირაფაქ დო გოეროშ ადამიერეფიშ უნივერსალურ დეკლარაციაქ.

თქვა ოხვილჷთ სპეციალისტიშ ზუკოლცჷ-და (სამანგათ მედიცინაშ, იურისპრუდენციაშ, ფინანსეფიშ სფეროეფჷ) ქიმიოდირთით თე სფეროეფიშ პროფესიონალეფჷ.
თიშ უმკუჯინუო, ნამდა მახვარებუეფს შეულებუნა გოთინან ჩილათეფი, თინეფი ვა რენა ვალდვალირეფი ქოღოლუან თენან.

ვიკიპედია ვერზენს გამას მუში დჷნაშქუმელი ნამდგარდია დჷნოშურშენ, რახანით რე ზოხორინელი დუდიშული ჯარალაუა, დორსხუაფილი ოგანმანათლებელე, კულტურული დო ინფორმაციული რესურსიშ დარსხუაფალო. ინფორმაცია ვიკიპედიას იფაჩუ CC-BY-SA ლიცენზიათ.

მარდის გიგანთ, თე ხასჷლაშ ოკითხირალო ბორჯიშ მუკოჸოთამაშენ. მენდი მიღუნა, ნამდა ვიკიპედია ქჷდოიტალენა ხვალე ჯგირი ინნახანტეფს.