სათხილო
(გინოწურაფილი რე ზიარობა-შე)
სათხილო, ქირსიანული რელიგიაშ ართ-ართი თარი ონოფულე — მორწუმეშით ქირსეშ ზისხირიშ დო ხორციშ მეღება. საგანგებო ოხვამერნინალუაშ — წირუაშ ბორჯის, ქობალი დო ღვინი სიმბოლურო ქირსეშ ხორცო დო ზისხირო გინმირთუ, მუდგაშ მეღებათ მორწუმე ქირსეშ სიწიმინდეს უთხილანც დო ცოდეფშე იწიმინდუ, თი აზჷრით ნამდა ოშურეთის ჩხონდასჷნ. მართლმადიდებლური ეკლესიაშ წესით სათხილოშ მეღება არძო მორწუმეს შეულებჷ, კათოლიკურით — ხვალე პაპეფც. საეკლესიო მონძღვარუა სათხილოშ ონოფულეშ დოწესაფას იესო ქირსეს მიოჭარანც (მუში ნებაშ წოხოლე, ონოფულური ოსეშ ბორჯის). სათხილოშ ონოფულე სიმბოლურო გჷმოხანტუნც მორწუმეეფიშით ქირსეშ მეხჷ სამარდიელო (უზისხირე) მსხვერპლის. თეშნერი აზჷრს რე გერსხილი სათხილოშ ბერძნული ჯოხოდვალა ევქარისტია („მარდობა“).
ლიტერატურა
[რედაქტირაფა | წყუშ რედაქტირაფა]- ლომინაძე ბ., ქორთული სხუნუეფიშ ენციკლოპედია, ტ. 4, ხს. 519, ქთ., 1979 წანა.