რადიოჩხორიეფი

ვიკიპედია-შე
ნავიგაციაზე გადასვლა ძიებაზე გადასვლა

რადიორეღმეფიელექტრომაგნიტური გჷმოჩხორიაფაშ ტიპი, ნამუშ რეღმაშ სიგინძა ელექტრომაგნიტურ სპექტრის ინფრაჭითა გოსინთაფაშე უმოსი რე. რადიორეღმეფიშ სიხშირა 3 კჰც-შე 300 გჰც-შახ რე. 300 გჰც-იშ რადიორეღმაშ სიგინძა 1 მმ. რე, 30 ჰც-იშ რადიორეღმაშ 10,000 კმ. რადიორეღმეფი მუჭოთ შხვა ელექტრომაგნიტური რეღმეფი, სინთეშ სიჩქარეთ იფაჩუ. რადიორეღმეფი წჷმიქიმინუ დომუხტული ნაწილაკეფიშ აქსელერაციაშ ბორჯის. რადიორეღმეფი რე ორთაშობური დო ხელუანური. ორთაშობურ რადიორეღმეფს წჷმოქიმინუნა, მაგალთო ასტრონომიული ობიექტეფი. ხელუანური რადიორეღმეფს აკმოქიმინჷნა, მაგალთო ტრანზმიტერეფი. რადიორეღმეფს ღებულენა რადიო-რესივერეფი, ანტენეფიშ გიმორინაფათ. რადიორეღმეფი გიმირინუაფუ ტექნოლოგიაშ შხვადოშხვა დარგეფს: რადიოკომუნიკაციაშო, რადიონავიგაციაშო, ტელევიზიაშო, კომპიუტერული სისტემეფიშო დო შხვა. კონცეფცია რადიორეღმეფიშ არსებობაშ გეშა, წჷმარინუ შოტლანდიარი მათემატიკოსიქ დო ფიზიკოსიქ ჯეიმზ კლერკ მაქსველქ, 1867 წანას. მაქსველიშ აზრით სინთე ელექტრომაგნიტური რეღმეფიშე აკმოდირთუდჷ დო თინეფიშ რეღმეფიშ სიგინძა ძალამი კუნტა რდჷ. მაართა მენცარი ნამუქჷთ შელებუ რადიორეღმეფიშ მეღება რდჷ გერმანალი ფიზიკოსი ჰაინრიხ ჰერცი. თიქ 1887 წანას მუშ ლაბორატორიას აკეთჷ რადიორეღმეფიშ გენერაცია. 1894-1895 წანეფს, იტალიარ მენცარქ გულიელმო მარკონიქ გიმიგონჷ მაართა პრაქტიკული რადიოტრანზმიტერეფი დო რესივერეფი. ჸათე დო შხვა მენცარული ნახანდეფიშ გეშა მარკონის 1909 წანას გინოჩეს ნობელიშ პრემია. რადიოკომუნიკაციეფიშ მასიური გოვითარაფა დიჭყეს 1900-იან წანეფშე.

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]