ქოძირით წყუ ხასჷლაშო რაჭაშ ოერიშდუდე

{{საქორთუოშ ისტორია}}
'''რაჭაშ ოერიშდუდე''' — ფეოდალური საქორთუოშ ადმინისტრაციულ-ტერიტორიული გჷნართი რდჷ, ნამუქჷთ [[X ოშწანურა]]შ ეკონია ნაანთხალს დირსხუ. ჭარალუაფონი წყუეფიშ მეჯინათ, რაჭაშ მაართა ოერიშმადუდე რდჷ რატი ბაღვაში. რატიშ უკული რაჭაშ ოერიშმადუდე რდჷ მუში სქი კახაბერი. ნამუშ ჯოხოშე მოურს გვარჯოხო კახაბერისძე. რაჭაშ ოერიშმადუდეეფი კაბეტ როლს ლაჸაფენდეს ფეოდალური საქორთუოშ პოლიტიკურ რინას X-XIII ოშწანურეფს. X-XIII ოშწანურეფს, რაჭაშ ოერიშმადუდეეფი მაფაშ მოხელეეფი რდეს. თინეფს ოვალჷდეს ოერიშდუდეშ ომაფე გინაგაფალეფიშ ეკორობუა, ჯარიშ გჷშაჸონაფა დო აწოჸუნა. თე პერიოდეფს რაჭაშ ოერიშმადუდეეფიშ დუდი რეზიდენცია მინდაციხეს რდჷ. დიდ ჯიხა-დარბაზ რდჷ კვერიშ ჯიხა ხოლო.
[[XIII ოშწანურა]]შ 80-იან წანეფს, [[დავით ნარინი|დავით ნარინქ]] გაუქვჷ ოერიშდუდე დო თე ტერიტორია ომაფე დიხეფო გჷნართინუ. მუჭოთ რჩქჷნი, კახაბერისძეეფიშ გვარქ გეშაჭყორდჷ. [[XIV ოშწანურა]]შ 30-იან წანეფს, [[გიორგი ბრწყინვალე|გიორგი ბრწყინვალექ]] საქორთუო აკაშქუ დო რაჭაქ ართამ საქორთუოშა აკოდგინალუაშა მიშელჷ. უკული საქორთუოშ მაფეფქ რაჭა კჷნ ოერიშდუდეთ გინაშქვეს. დუდშე რაჭაშ ოერიშმადუდეეფი ჭარელისძეეფი რდეს, უკულ მეხოლაფირო [[1488]] წანაშე ცხეტიძეეფი. [[XV ოშწანურა]]ს, საქორთუოშ ომაფე-ოთაროეფო ფაჩუაშ უკული რაჭაქ [[სამარგალო|სამარგალოშ]] ოთარეშა მიშელჷ.
XV ოშწანურაშ 30-იან წანეფს, იმერეთიშ მაფა ბაგრატ III-ქ რაჭაშ ერიშმადუდეეფს მინდაჯიხა-დარბაზი გეგნოჩჷ დო იმერეთიშ ახალდჷნარცხუეფი ოშილუშ სარდალობა ქიმეჩჷ. XV-XVII ოშწანურეფს იმერეთიშ მაფეფს ორხველჷდეს რაჭაშ ოერიშდუდეშ ჭკორეფი დო დიხეფი. რაჭაშ ერიშმადუდეეფი აქტიურო ოკათუდეს იმერეთიშ დინოხოლენ ლჷმეფს დო ოცადჷდეს რაჭაშ ოერიშდუდეშ ზოხორინელ ოთარეთ გინოშქუმალას.

[[1725]] წანას, იმერეთიშ მაფაქ რაჭაშ ოერიშდუდე ანტონიშ მანგიორო მუშ მუმა, გიორგი ქჷდახუნუ. ბერი წულუკიძექ დო პაპუნა წერეთელქ [[ახალციხე|ახალციხეშა]] ინტეს დო [[1786]] წანაშ [[ღურთუთა]]ს 500 ლეკშე დო 1000 თურქშე აკოდგინელ ჯარით რაჭაშა გემშეჭკირეს. იმერეთიშ მაფაქ ოდიშიშ ჯარი ქიმიხვარუ დო რაჭას იბურჯუ. გინმაჭყვიდირალ ლჷმაქ [[1786]] წანაშ [[26 ღურთუთა]]ს მოხვადჷ ოფუტე სხვავაწკჷმა, სოდეთ დავით გიორგიშ სქიქ გიმორძგუ, [[1787]] წანას, გიორგი რაჭაშ ერიშმადუდექ ლჷმას დოღურჷ დო მუშ აბანს დავით გიორგიშ სქიქ კჷნ ანტონ გიორგიშ სქი ქჷდახუნუ. [[1789]] წანას, იმერეთის გემაფუ [[სოლომონ II| სოლომონ II-ქ]], ნამუქჷთ საბოლოთ გაუქვუ რაჭაშ ოერიშდუდე.

==თარეფი==
* რატი ბაღვაში (ორდოშ. მა-11 ოშწანურა)
* კახაბერ I (ღ. 1088)
* ნიანია (1088–1120)
''1120–1175 — ?
* [[კახაბერ კახაბერისძე (XII ოშწანურა)|კახაბერ II]] (1175–[[1210]])
''1210–1245 — უჩინებუ თარფი''
* [[კახაბერ კახაბერისძე (XIII ოშწანურა)|კახაბერ III]] (1245–[[1278]])
* აღბუღა (14??––14??)
* გიორგი I (14??–14??)
* ცაცი (14??–14??)
* ქველი (14??–14??)
* გიორგი II (14??–14??)
* იონა (1465–1485)
* კახაბერ IV (1485–1510)
* ბედიანი (1510–1534)
* შოშიტა I (1534–1565)
* პაპუნა I (1651–1661)
* შოშიტა II (1661–1684)
* პაპუნა II (1684–1696)
* შოშიტა III (1696–1731)
* გრიგოლი (1731–1741)
* ვახტანგ (1741–1749)
* [[როსტომ რაჭაშ ერიშმადუდე|როსტომ]] (1749–1769)
* ანტონ (1784)
* [[გიორგი რაჭაშ ერიშმადუდე|გიორგი III]] (1784–1787)
* ანტონ (1787–1789)

==რესურსეფი ინტერნეტის==
* http://www.istoria.ge/qrono/racha.htm {{Webarchive|url=https://web.archive.org/web/20110716165849/http://www.istoria.ge/qrono/racha.htm |date=2011-07-16 }}
{{საქორთუოშ ომაფეშ ოერიშდუდეეფი}}
{{მერკე}}