ქოძირით წყუ ხასჷლაშო რონალდ რეიგანი

[[ფაილი:Ronald Reagan 1981 presidential portrait.jpg|250პქ|მინი|მარჯვნივ|რონალდ რეიგანი 1981 წანას]]
'''რონალდ უილსონ რეიგანი''' ({{lang-en|Ronald Wilson Reagan}}; დ. [[6 ფურთუთა]], [[1911]] – ღ. [[5 მანგი]], [[2004]]) — [[ააშ]]-შ მა-40 [[ააშ-შ პრეზიდენტი|პრეზიდენტი]] (1981–1989) დო [[კალიფორნია|კალიფორნიაშ]] 33-ა გუბერნატორი (1967–1975).

რონალდ რეიგანი 30-ამი წანეფშე [[ლოს-ანჯელესი|ლოს-ანჯელესის]] ოხორანდჷ, სოდეთ თიქ არტისტო გინირთჷ. რდჷ კინოარტისტეფიშ გილდიაშ პრეზიდენტი, უკული ფირმა "[[ჯენერალ ელექტრიკი]]შ" სპიკერი. პოლიტიკას თე ბორჯიშე ქაკათჷ. დუდშე რეიგანი [[დემოკრატიული პარტია (ააშ)|დემოკრატიული პარტიაშ]] მაკათური რდჷ, 1962 წანაშე თიქ [[ააშ-შ რესპუბლიკური პარტია|რესპუბლიკარო]] გინირთჷ. თეშ უკული თინა ჟირი ვადათ კალიფორნიაშ გუბერნატორი რდჷ. მუს ჟირშა, 1968 დო 1976 წანეფს უღუდჷ ოპრეზიდენტე ეშაგორუეფს რესპუბლიკარეფიშ ნომინაციაშ მოპალაფაშ უწჷმუძინუ ცადუა. 1980 წანაშ ეშაგორუეფს მუქ ნომინაცია მიპალუ დო უკული [[ჯიმი კარტერი]]შ დომარცხაფათ, 69 წანაშ ასაკის, ააშ-შ პრეზიდენტო გინირთჷ. მუ ამერიკაშ ისტორიას არძაშე ხანიერი კოჩი რდჷ, ნამუქჷთ პრეზიდენტიშ პოსტი დეკინჷ. 

პრეზიდენტიშ რანგის რეიგანქ ახალი პოლიტიკური დო ეკონომიკური ინიციატივეფი წჷმარინუ. მუში ეკონომიკური პოლიტიკა, ნამუსჷთ [[რეიგანომიკა]]ს უძახჷდეს, ითოლწონენდჷ ბიზნესიშ რეგულაციაშ მორკებას, ინფლაციაშ კონტროლს, სათარობო ხარჯეფიშ მორკებას დო გინაგაფუეფიშ მორკებათ ეკონომიკაშ რდუალაშ სტიმულირაფას. მაართა ვადაშ ბორჯის რეიგანს ქიგიანთხეს ოჸვილარო, მუქ დიჭკირჷ, მარა ოღურალეთ ვარ. 1983 წანას მუქ [[გრენადა]]შა მიშაჭკირუა ზოჯჷ. მუქ სხუნუეფიშ რესპუბლიკას მაართათ გიოდუ „უბადობაშ იმპერია“.
 
1984 წანას ეშაგორუეფს მუქ დიდი უპირატესობთ გიმორძგუ. მუში მაჟირა ვადაქ უმოსო გალეიანი მოლინეფით ეიღანკჷ: [[ჩხურუ ლჷმა]]შ თებაშა გინოდგჷმილი დიდი ბიჯგი, ლიბიაშ ბომბუა დო [[ირან-კონტრაშ სკანდალი]]შ გოხონარაფა. რეიგანიშ პოლიტიკაშ უკული ნავთობიშ ფასიქ გენასუმორჷ, მუქჷთ სხუნუეფიშ ეკონომიკას დიდო ქიგიაშქუ.<ref name="Gaidar">{{Cite book|author=Gaidar, Yegor|title=Collapse of an Empire: Lessons for Modern Russia|publisher=Brookings Institution Press |year=2007 |isbn=5824307598|language=Russian|pages=190–205}}</ref><ref>{{cite web|url=http://www.iet.ru/files/persona/gaidar/un_en.htm|title=Public Expectations and Trust towards the Government: Post-Revolution Stabilization and its Discontents|accessdate=March 15, 2008|author=Gaidar, Yegor}}</ref> მუქ სხუნუეფიშ ლიდერ [[მიხეილ გორბაჩოვი|მიხეილ გორბაჩოვწკჷმა]] მორაგადაფეფიშ სერია მანწყუ, ნამუშ კულმინაციატ ოშქარი დო კუნტა სიშორაშ რაკეტეფიშ ლიკვიდაციაშ აპიჯაფა დო ჟირხოლო ქიანაშ ბირთვული არსენალიშ მორკება რდჷ. 

რეიგანქ პრეზიდენტიშ პოსტი 1989 წანას დიტუ. 1994 წანას მუს [[ალცეიმერიშ ლახარაშ]] დიაგნოზი ქუდუხუნეს. მუქ 2004 წანას, 93 წანაშ ხანს დოღურჷ. რეიგანი ააშ-შ ართ-ართ არძაშე წჷმოძინელ პრეზიდენტო მირჩქინუაფუ.

== ინტერესუანი ამბეეფი ==
2011 წანაშ [[23 გერგობათუთა]]ს [[საქორთუო]]ს, [[ქართი]]ს, [[რიყე (ქართიი)|რიყეშ]] პარკის რონალდ რეიგანიშ ნოჭახნაკუქ გინწყჷ.<ref>[http://www.pirweli.com.ge/index.php?option=com_content&task=view&id=82965 საქორთუოშ პრეზიდენტიქ რიყეშ პარკის რონალდ რეიგანიშ ნოჭახნაკუქ გონწყჷ // Information Agency 'PirWeli'] {{Webarchive|url=https://web.archive.org/web/20221202194947/http://www.pirweli.com.ge/index.php?option=com_content&task=view&id=82965 |date=2022-12-02 }}</ref><ref>[http://www.pirweli.com.ge/index.php?option=com_content&task=view&id=82976 დევიდ დრეიერი: "რეიგანშე მუთუნი ვეჸიდჷ თიშე ამატოტებელი, ვინდარო თინა, ნამდა სტალინიშ ოდაბადურ ქიანას მუში ნოჭახნაკუქ ქჷდიდგჷ" // Information Agency 'PirWeli'] {{Webarchive|url=https://web.archive.org/web/20221202203129/http://www.pirweli.com.ge/index.php?option=com_content&task=view&id=82976 |date=2022-12-02 }}</ref>

==ქოძირით თაშნეშე==
* [[ამერიკაშ პრეზიდენტეფიშ ერკებული]]

== სქოლიო ==
<references/>

==რესურსები ინტერნეტში==

*[http://www.whitehouse.gov/about/presidents/ronaldreagan/ რონალდ რეიგანი (1981–1989)] [[WhiteHouse.gov]]
*[http://www.reaganlibrary.com/ რონალდ რეიგანიშ ოპრეზიდენტე ბიბლიოთეკა]
*[http://www.reagan.utexas.edu/archives/speeches/major.html რონალდ რეიგანიშ შანულამი გჷშულეფი] {{Webarchive|url=https://web.archive.org/web/20140410031315/http://www.reagan.utexas.edu/archives/speeches/major.html |date=2014-04-10 }}
*[http://reagan.eureka.edu/ რონალდ რეიგანი] {{Webarchive|url=https://web.archive.org/web/20200219081342/http://reagan.eureka.edu/ |date=2020-02-19 }} [[ევრიკაშ კოლეჯი]]
{{მერკე}}

{{ააშ-შ პრეზიდენტეფი}}

[[კატეგორია:ამერიკალეფი]]
[[კატეგორია:ააშ-იშ პრეზიდენტეფი]]
[[კატეგორია:კალიფორნიაშ გუბერნატორეფი]]
[[კატეგორია:რგილი ლჷმაშ ლიდერეფი]]
[[კატეგორია:ამერიკალი არტისტეფი]]
[[კატეგორია:დუნაბადი 1911]]
[[კატეგორია:ნაღურა 2004]]