ქორთული ერუანული ბალეტი

ვიკიპედიაშე
(გინოწურაფილი რე ქორთული ნაციონალური ბალეტი-შე)
"სიმდი"

ქორთული ერუანული ბალეტი, ჯარალუას ჩინებული, მუჭოთ სუხიშვილეფი, ვარა სუხიშვილი — ქორეოგრაფიული ანსამბლი, გოჭყაფილქ იჸუ 1945 წანას ილიკო სუხიშვილიშ დო ნინო რამიშვილიშ ხემანჯღვერობათ. ანსამბლიშე ქორთულ სხაპუას ღოლამირი რეფორმა ხოლოს რე მოდერნ-ბალეტიშ პრინციპეფწკჷმა, მარა მუში არსით დო პოეტიკათ თენა ტომბას ერუანული დო წიმინდეთ ქორთული ქორეოგრაფია რე.

მაართა კონცერტიქ იტარჷ 1945 წანაშ 11 მანგის. 1948 წანას ანსამბლიქ მაართათ გინაჩირთჷ სხუნუეფიშ თანჯეფს. 1970 წანას ანსამბლის ქიმიენიჭჷ აკადემიურიშ ხარისხიქ.

ქორთულ ერუანულ ბალეტის გახორციელებური აფუ 200-შ უმოსი ტურნე. ხუთი კონტინენტიშ 88 ქიანას გამართული აფუ 19200-შ უმოსი წჷმორინაფა. ანსამბლიშ ქორეოგრაფიულ ხელუანობას ეზიარჷ 60 მილიონიშ უმოს მაჯინექ. 1967 წანას ანსამბლიქ ლა-სკალას ატარჷ კონცერტი დო ამდღარშახ ხვათახვალო ართი ფოლკლორული ანსამბლი რე, ნამუქჷთ თე თეატრიშ სცენას გჷშართჷ.

1985 წანაშე ანსამბლიშ დირექტორი დო ოხანტურე ხემანჯღვერი რდჷ თენგიზ სუხიშვილი. 2007 წანაშე სამხატვრო ხემანჯღვერი რე ილიკო სუხიშვილი-უკლაში, დირექტორი — ნინო სუხიშვილი.

რესურსეფი ინტერნეტის[რედაქტირაფა | წყუშ რედაქტირაფა]


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.