ევო მორალესი
| ევო მორალესი ხუან ევო მორალეს აიმა | ||
.jpg) | ||
 65-ა ბოლივიაშ პრეზიდენტი | ||
|---|---|---|
| პოსტის გერინაშ ბორჯი | ||
| 26 ღურთუთა 2006 – 10 გერგობათუთა, 2019 | ||
| ვიცე-პრეზიდენტი | ალვარო გარსია ლინერა | |
| წიმოხონი | ედუარდო როდრიგეს ველცე | |
| მონძე | ხეანინე ანიესი | |
| დუნაბადი | 26 გჷმათუთა, 1959 ოფუტე ისალიავი, ორინოკა, ორურო, ბოლივია | |
| მენოღალობა | ბოლივია | |
| ერუანობა | აიმარა | |
| პოლიტიკური პარტია | ყარაფი სოციალიზმიშო | |
| მუმა | დიონისიო მორალეს ჩოკე | |
| ნანა | მარია მამანი | |
| ალმასქუ | ვაჸუნს | |
| რელიგია | ანდეფიშ აბანური რელიგია კათოლიკე | |
| ხეშმოჭარუა |  | |
ხუან ევო მორალეს აიმა (ესპ. Juan Evo Morales Ayma; დ. 26 გჷმათუთა, 1959, ორინოკა, ორურო, ბოლივია) — ბოლივიარი პოლიტიკური მოღალე, ბოლივიაშ პრეზიდენტი 2006-2019 წანეფს, ერუანობათ - აიმარა. ევო მორალესი ესპანეთიშ კოლონიზაციაშე მოჸუნაფილი ბოლივიაშ მაართა აკანური მამართალი რე.
ბიოგრაფია
[რედაქტირაფა | წყუშ რედაქტირაფა]დებადჷ ღარჷბი ინდიარი ჸაზახიშ ფანიას. კინე მორალესიშ ზიტყვეფით: „აკა ართი, მუთ ჩქინ ჸუდეს ირო ძჷდჷნ, რდჷ - ლაიტიშ გოფშა ტომარე, თეჸურეშე ნანა ოჭმარეშ, ონდღეშ დო ონჯუაშ ოჭკომალს მიკეთენდეს. დღახუეფს ნანა ხომლა ხორციშ ჭიჭე ნოჭკერს მარძენდეს.“ ევო მორალესის ოშქაშე გონათუა ვემუღებჷ. თიშ ფანიაქ გეგნიხორჷ ნოღა ორუროშა, სოიშეთ ევო მორალესი ოურდუმე ნინალაშა მიდეჸონეს, სოდეთ თინა ოკათუდჷ ოურდუმე ორკესტრის. 1980-იამი წანეფიშ დაჭყაფუს, მორალესიქ ქიანაშ გვალამ რეგიონშა მიდართჷ, ნამუთ რჩქინელი რდჷ კოკაინიშ ჯაშ პლანტაციეფით. მუსხირენ ხანშა თიქ, კოკაინიშ ჯაშ მაწარმაფალეფიშ პროფრსხუშ ლიდერო გინირთჷ.
1995 წანას ქუდარსხუ პოლიტიკური „ყარაფი სოციალიზმიშო“ (ესპ. Movimiento al Socialismo; MAS) დო ოკათუდჷ ერუანული კონგრესიშ გიშაგორუეფს.
2002 წანაშ საპრეზიდენტო გიშაგორუეფს მაჟია აბანი ეჭოფუ, დო 2005 წანაშ 18 ქირსეთუთაშ საპრეზიდენტო გიშაგორუეფს გომორძგვილქ იჸუ. პრეზიდენტიშ პოსტი დეკინჷ 2006 წანაშ 22 ღურთუთას.
თაშნეშე გომორძგვილო გიშართჷ 2009 წანაშ საპრეზიდენტო გიშაგორუეფს დო გიშმაგორალეფიშ ხონარეფიშ 63 % ეჭოფუ. [1]
თაშნეშე ქოძირით
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]- ევო მორალესიშ ოფიციალური ვებ-ხასჷლა Archived 2011-11-10 ვებ-ხასჷლას Wayback Machine.
- ევო მორალესი ლენტაპედიას[ღურელი რსხილი]
- Ю.Николаев. Эво Моралес: трудный путь от сельского мальчишки до президента страны
- ევო მორალესიშ პარტიაშ ვებ-ხასჷლა (ესპანურო)
- Evo Morales y Bolivia: el analisis de «La Patria Grande» de Caracas Archived 2020-10-02 ვებ-ხასჷლას Wayback Machine. (ესპანურო)