თუტმოს III
| თუტმოს III | ||
 თუტმოს III-შ ნოჭახნაკუ ლუქსორიშ მუზეუმს | ||
| ეგვიპტეშ ფარაონი | ||
|---|---|---|
| პოსტის გერინაშ ბორჯი | ||
| ჯვ. წ. 1479 – ჯვ. წ. 1425 | ||
| წიმოხონი | ჰატშეფსუტი | |
| მონძე | ამენჰოტეპ II | |
| დუნაბადი | ჯვ. წ. 1481 | |
| ნაღურა | ჯვ. წ. 1425 (56 წანერი) | |
| ნთხორუ აბანი | KV34, მუმიას მიოგორეს დეირ-ელ-ბაჰრიშ ონთხორუე კომპლექსის | |
| მუმა | თუტმოს II | |
| ნანა | ისეტი | |
| ალმასქუ | ნეფრურა, სატიაჰი, მერიტრა-ჰატშეფსუტი, ნებტუ, მენჰეტი, მენუი, მერტი, ნებსემი | |
| სქუალეფი | ამენემჰატი, ამენჰოტეპ II, ბეკეტამუნი, ისეტი, მენხეპერე, მერიტამონი, ნებეტიუნეტი, ნეფრტირი, სიამუნი | |
თუტმოს III (დ. ჯვ. წ. 1481 — ღ. ჯვ. წ. 1425) — ეგვიპტეშ ფარაონი ჯვ. წ. 1479-1425 წანეფს, მავითობრუო დინასტიაშ წჷმმარინაფალი. რდჷ თუტმოს II-შ დო თიში ალმასქუ ისეტიშ ქომოლსქუა. მუამუშიშ, თუტმოს II-შ ღურაშ უკულ ფარაონო აკურთხეს. რახანს თუტმოს III ხანით ჭიჭე რდუნჷ, ხეშუულება რეალურო უკებუდჷ თუტმოს II-შ ალმასქუს ჰატშეფსუტის.
თუტმოს III-ს ჯგირი ოურდუმე გონათაფა მეუღებუ. თუტმოსიქ პოპულარობა მიპალუ მუჭოთ ჯგირი მალიმარქ. შხვადოშხვა ბორჯის ხემანჯღვერენდჷ ოურდუმე ექსპედიციეფს ნუბიას. ჰატშეფსუტიშ მართუალაშ ბორჯის დედაღარჷ ეგვიპტეშ გოლინაქ სირიას დო პალესტინას. ჸათე ბორჯიშო ძალამს გენძალიერჷ მითანიშ სახენწჷფოქ, ნამუთ წჷმარინუანდჷ სერიოზული საფრთხეს ეგვიპტეშო. ჰატშეფსუტიშ ღურაშ უკულ თუტმოს III-ქ ხვალახე მამართალო გჷნირთჷ. თუტმოს III-შ ბორჯის ეგვიპტექ კინ განძალიერჷ მუში პოზიციეფი სირიას. თუტმოსიქ სირია ეფექტურო ქიდეკინჷ, უკულ გეგნოკვათჷ ევფრატი დო დამარცხჷ მითანი. ობჟათეშე, თუტმოსიქ გემშეჭკირჷ ნაპატაშა (სუდანი).
თუტმოს III მერჩქინელი რე ახალი ომაფეშ ართ-ართი შანულამი დო უდიდაში ფარაონო. თიში მართუალათ ეგვიპტექ მიოჭირინუ ტერიტორიულო ექსპანსიაშ ზენიტის. თუტმოსიქ ატარჷ კაბეტი შანულობაშ რეფორმეფი, განძალიერჷ არმია, ეიოგჷ ოხვამეეფი, რეზიდენცია თებეშე ჯვეში ნანანოღა მემფისიშა გეგნიღჷ. თუტმოსიქ დარსხუ ეგვიპტეშ ოურდუმე ოზუღე ნძალეფი. ეგვიპტეშ ფლოტი მაართა ოურდუმე ფლოტი რდჷ ანტიკური პერიოდის.
თუტმოს III მერჩქინელი რე არძა ბორჯიშ ართ-ართი უდიდაში მანჯღვერთარო დო ოურდუმე სტრატეგოსო. შინელი ისტორიკოსიშ რიჩარდ გაბრიელიშ ზიტყვეფით: თუტმოს III რდჷ ეგვიპტეშ ნაპოლეონი.
თუტმოსიშ ოურდუმე კამპანიეფი დეტალურო რე ეჭარილი მიკნაჭარეფს, ნამუეფსჷთ თუტმოს III-შ ანალეფს უძახჷნა.