იუკიო მისიმა
| იუკიო მისიმა 三島 由紀夫 | |
 იუკიო მისიმა 1956 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გერგობათუთა 25, 1970 (45 წანერი) |
| ღურაშ აბანი: |
ტოკიო, იაპონია |
| ერუანობა: | |
| საქვარუა: |
ჭარუ, ნოველისტი, დრამატურგი, პოეტი, ესეისტი, კრიტიკოსი, სცენარისტი, კინორეჟისორი, არტისტი, მოდელი, პოლიტიკური აქტივისტი |
| პერიოდი : |
1944—1970 |
| Magnum opus: |
|
| ნინა: | |
| ჯილდოეფი: |
გიშაშქუმალა სინტიოსიაშ პრემია (1954) |
იუკიო მისიმა (იაპ. 三島 由紀夫, დ. 14 ღურთუთა, 1925, ტოკიო, იაპონიაშ იმპერია — ღ. 25 გერგობათუთა, 1970, ტოკიო, იაპონია), თახმი ჯოხო კიმიტაკე ჰირაოკა (იაპ. 平岡 公威) — იაპონარი ჭარუ, ნოველისტი, დრამატურგი, პოეტი, ესეისტი, კრიტიკოსი, სცენარისტი, კინორეჟისორი, არტისტი, მოდელი დო პოლიტიკური აქტივისტი, ორგანიზაცია "ტატენოკაი"-შ დუმარსხუაფალი.
იუკიო მისიმა XX ოშწანურაშ იაპონური ლიტერატურაშ ართ-ართი უდიდაში წჷმმარინაფალი რე. შინელი რე რომანეფით: "ნიღაბიში დღანება", "რეღმეფიში ხონარი", "ორქოშ ოხვამე", ტეტრალოგიათ "ჸოფიერობაშ ზუღა", ავტობიოგრაფიული ესეთ "ბჟა დო რკინა" დო შხვა ნაწარმებეფით. მისიმაშ ნაჭარეფს ართიანს რე მერსხილი ტრადიციული იაპონური დო თეხანური ევროპული ლიტერატურული სტილი. მისიმა რდჷ შხვადოშხვა პრემიეფიშ დო ჯილდოეფიშ ლაურეატი, ნომინირაფილი რდჷ ნობელიშ პრემიაშა.
მისიმაშ პოლიტიკური აქტივიზმი ასე ხოლო ოდებელი რე იაპონიას. მუჭოთ მემარძგვანე იდეოლოგი, მისიმა ოპონირენდჷ ბჟადალური სტილიშ მატერიალიზმის, დემოკრატიას, გლობალიზმის, თაშნეშე კომუნიზმის. მისიმაშ აზრით ჸათე იდეეფით, იაპონია მიოდინუანდჷ მუში ნაციონალურ ხასიათის დო კულტურას.
1968 წანას მისიმაქ დარსხუ ორგანიზაცია "ტატენოკაი", ნამუშ მაკათურეფი უმოსო სტუდენტეფი რდჷ. 1970 წანაშ 25 გერგობათუთას, მისიმაქ დო ტატენოკაიშ ოთხი აქტივისტიქ გემშიჭკირეს ართ-ართი ოურდუმე ბაზაშა, ცენტრალურ ტოკიოს დო ქეშეცადეს პუტჩიშ მონწყუალას, მარა უშედეგეთ. თიმ დღას, იუკიო მისიმაქ დო აქტივისტი მასაკაცუ მორიტაქ დუდი დიჸვილეს.
იუკიო მისიმაშ ჯოხონობაშ რე ლიტერატურული პრემია, ნამუქჷთ 1988 წანას დირსხუ.
რესურსეფი ინტერნეტის
[რედაქტირაფა | წყუშ რედაქტირაფა]- იუკიო მისიმა ენციკლოპედია ბრიტანიკას
- Yukio Mishima: A 20th Century Samurai ვებ-ხასჷლას Wayback Machine (archived 27 October 2009)
- Mishima chronology, with links
- YUKIO MISHIMA: The Harmony of Pen and Sword, a ceremony commemorating his 70th birthday
- იუკიო მისიმა — კინოფილმეფიშ ინტერნეტ მუნაჩემეფიშ ბაზას (ინგლისური)