ქოძირით წყუ ხასჷლაშო კალი-იუგა

'''კალი-იუგა''' ({{lang-sa|कलियुग}}, {{IAST|kali-yuga}}) — [[ინდუიზმი|ინდუისტური]] ბორჯიშ ციკლის ოთხი [[იუგა|იუგაშე]], ანუ ეპოქაშე, მაანთხა. იხასიათებუ ადამიანობაშ დონთხაფათ, თიშ გეშა, ნამჷ-და სიჯგირა მოსოფელს რკებულენს ართ ნაანთხალშახ დუდმაართა დგომარობაშე [[სატია-იუგა]]შ ოშწანურას. რე ჯოხოდვალაშ შხვადოშხვა ვარიანტი: „დემონ [[კალი (დემონი)|კალიშ]] ოშწანურა“, „რკინაშ ოშწანურა“, „აკორთაფაშ ოშწანურა“. ინდურ ლიტერატურას მოჸონაფილი რე კალი-იუგაშ შხვადოშხვა თარიღი. [[პურანეფი]]შ მეჯინათ,<ref name="ReferenceA">The Bhagavata Purana (1.18.6), Vishnu Purana  (5.38.8), and Brahma Purana (212.8), the day Krishna left the earth was the day that the Dvapara Yuga ended and the Kali Yuga began.</ref> კალი-იუგაქ დიჭყჷ ჩქინ წანეფიშეჭარუაშახ 3102 წანაშ [[23 ღურთუთა]]შ შქასერს ([[გრიგორიანული კალენდარი|გრიგორიანული კალენადრით]]),<ref name="auto">See: Matchett, Freda, ''"The Puranas"'', p 139 and Yano, Michio, ''"Calendar, astrology and astronomy"'' in {{Cite book|last=Flood| first=Gavin (Ed)|  year=2003| title=Blackwell companion to Hinduism| place=| publisher= [[Blackwell Publishing]]| edition=| isbn=0-631-21535-2|ref=harv|postscript=<!--None-->}}</ref> ნამუქთ გჷმიჭანუ [[კრიშნა]]შ „ულა“; კალი-იუგაშ განწეხანი რე 432 ვითოში წანა.

„[[მაჰაბჰარატა]]ს“<ref>ამბე [[მარკანდეა]]შ დო [[არანიაკაპარვა]]შ რაგადუაში, დუდი 186—189</ref> ეჭარილი რე, ნამჷ-და თენა რე არძაშე უმოსი ბორული ოშწანურა, ნამუსთ დუდმაართა სიჯგირაშე სქიდუ ხვალე ართი ნაანთხალი, დო თინათ კალი-იუგაშ დალიას ედომშამო აკოცენს. დიკუნტარებუ ადამიერეფიშ რინაშ განწეხანი — კალი-იუგაშ ეპოქას ადამიერეფს შურიო უდგუდან იჸი მაქსიმუმ 100 წანაშახ. იჸუაფუ ართამი ეკონომიკური დო შურიელი დეგრადაცია, ადამიერეფი გეგმოხანტჷნა არძაშე უმოსი საწკიწკო დო კეოტ მუშობურობეფს. დეღამაკებუ თინეფიშ ქომოლობა, გონი დო ჭყანა. ადამიერეფიშ რჯებაშ მართუას დიჭყანს უბადობა, ტყურა, [[ნჯარი]] დო [[ამბიცია]]. [[ბრაჰმანი (ვარნა)|ბრაჰმანეფი]] მიოტენა ხვამას, გეჸვილაფეფს დო [[ვედეფი]]შ კითხირეფს, მიოტენა ღურელეფიშ მოშინაფათ დო ოჭკომჷნა მუთ ენებჷნა.

თეშ უმკუჯინალო, მორალური ღირებეფიშ დინაფა დო საღალეშ დოჭყოლიდაფა საბოლათ ართო უკახალე დართუ კინე მუ უბადობაშ დო ნჯარის მოღალეფს. თე ეპოქას ტირანეფო გჷნორთელი მამართალეფი ვეშილებუანა კათაშ ხეშა ეშაჭოფუას, ვართ დორხველი კათაშ ბარბაროსი ნტერიშ გენთხაფაშე თხილუას, დიჭყოლიდუანა სიჯგირას დო ღორონთეფშო გეჸვილაფეფს. კალი-იუგა თინწკჷმა გეთებუ, მუჟანსჷთ უბადობა დო ნძალება აკაფშანს ოქიანუს, ნამუთ უკული აკოცენს — ქჷმურს [[პრალაია]] (ენტყოლუა). ომანგეთ, ითებუ [[იუგა]] ([[მანვანტარა]]), დო ეპოქეფიშ წირე კინე აკინწყუაფუ.

==სქოლიო==
{{სქოლიო}}

[[კატეგორია:ოთხი იუგა]]
[[კატეგორია:კალენდარი]]
[[კატეგორია:ინდუიზმი]]