მატერა

მატერა*
იუნესკოშ მოსოფელიშ მონძალაშ ობიექტი
	; ლაგუნაშ რუკა
ქიანა	იტალია
ტიპი	კულტურული
კრიტერიუმეფი	iii, iv, v
ერკებული	იუნესკოშ ერკებული
რეგიონი**	ევროპა
კოორდინატეფი	40°40′00″ ოორ. გ. 16°36′00″ ელ. გ.
კათაფაშ ისტორია
კათაფა	1993 (მა-17 სესია)
ნომერი	670
* ქძ. ინგლ. ჯოხო UNESCO-შ ერკებულც.
** იუნესკოშით კლასიფიცირაფილი რეგიონი.

მატერა (იტალ. Matera) — ნოღა დო პროვინცია იტალიაშ ობჟათეს, ბაზილიკატაშ რეგიონს. იდვალუაფუ ჭიჭე კანიონიშ მანგის, ნამუთ წანეფიშ მალობას ჭიჭე მაფერ გრავინაქ ეშაჭკირჷ. 2008 წანაშ მუნაჩემეფით, ნოღაშ მახორობა აკმადგინანს 60 310 ადამიერს.

ტერირტორია, ნამუსჷთ ამდღა მატერა იდვალუაფუ, დიო ხოლო პალეოლითიშ ხანაშე რე დოხორელი. ნოღა ჯვ. წ. III ოშწანურას რომალეფქ დარსხუეს დო კონსულ ლუის კაესილიუს მეტელუსიშ პატიოშოჩამალო მეტეოლა ქიგიოდვეს. ახ. წ. 664 წანას, ნოღა ლომბარდიალეფქ გეჭოფეს დო ბენევენტოშ აკმადგინალ ნორთო გინაშქვეს. VII-VIII ოშწანურეფს, მატერაშ ფოქვეფი ბენედიქტურ დო ბერძენულ-მართლმადიდებელურ ომონსატერე ინსტიტუციეფქ ემუშეს (აითვისეს). X ოშწანურა ნოღაშ ისტორიას ლჷმეფით იხასიათებუ, ნამუთ სარაცინეფს, ბიზანტიარეფს დო საღორონთო რომიშ იმპერიას შქას მიშჷ, ნამუშ იმპერატორ ლუი II-ქ მატერა აკარღუ.

აპულიას ნორმანეფიშ დოხორალაშ უკული, 1043 წანას ნოღაქ აპულიაშ ჰერცოგიშ, უილიამ რკინისმკლავიანიშ მართუალაშა გინილჷ.

1993 წანას, იუნესკოქ ნოღა მოსოფელიშ მონძალაშ ერკებულშა გემშეღჷ.