ქოძირით წყუ ხასჷლაშო მერიდიანი

'''მერიდიანი''' ([[ლათინური ნინა|ლათ]]. meridies) — [[დიხაუჩა]]შ [[გეოგრაფიული პოლუსეფი|პოლუსეფიშ]] მიორსხუალი ქართეფი რე. მერიდიანიშ ართგრადუსიანი არყაშ სიგირძა ოშქაშეთ 111,1 კმ რე, ოშქაშე სიგირძა 40 009 კმ რე. მერიდიანეფიშ გრადუსეფიშ კოროცხუა იჭყაფჷ [[გრინვიჩიშ მერიდიანი]]შე.
[[გეოჭაჭმენტური ვე]]შ ნძალღოზიშ პროექცია [[დიხაუჩა|დიხაუჩაშ]] ჟინპიჯის. [[ჭაჭმენტი|ჭაჭმენტური]] მერიდიანეფი იშაყარუ დიხაუჩაშ ოორუე დო ობჟათე ''ჭაჭმენტურ პოლუსეფს''. ჭაჭმენტურ მერიდიანს მიკმალ ვერტიკალურ ლაბარტყიას ჭაჭმენტური მერიდიანიშ ბირტყა ჯოხო. დიხაუჩაშ ჟინპიჯიშ ათე დიხას ჭაჭმენტური მერიდიანიშ ლაბარტყია ვემანგებჷ გეოგრაფიული მერიდიანიშ ბირტყას. კუნთხუს თინეფ შქას ჭაჭმენტური გინოკინა ჯოხო. ათე კუნთხუ ითირუ აკანიშ დო ბორჯიშ მეჯინათ.
გინორთი უღუ ხოლო გეოჭაჭმენტურ მერიდიანს — მეჩამილ დიხას დო ოორუე დო ობჟათე ''გეოჭაჭმენტური პოლუსეფიშ'' მიორცხუაფალ ქართეფს გიმაულარი ბირტყაშ დიხაუჩაშ ჟინპიჯიშ გინოკვათუაშ ღოზის. გეოჭაჭმენტური მერიდიანეფი დიდი ქართეფიშ არყეფს მეურე. ჭაჭმენტური მერიდიანეფიშე გინორთი უღუ, ნამუეფით დიხაუჩაშ რეალური ჭაჭმენტური ვე რე, გეოჭაჭმენტური მერიდიანეფი ოძირანს თიშ მაართა მეთინუას — ართნერი დოჭაჭმენტელი დიხაუჩაშ სფეროშ ვეს.

== რესურსეფი ინტერნეტის==
*[http://www.britannica.com/EBchecked/topic/376060/meridian მერიდიანი – ენციკლოპედია ბრიტანიკა]

{{გეოგრაფიული კოორდინატეფი|state=collapsed}}
<!--Other languages-->

[[კატეგორია:გეოდეზია]]
[[კატეგორია:კარტოგრაფია]]
[[კატეგორია:ნავიგაცია]]
[[კატეგორია:გეოგრაფიული ტერმინეფი]]