ქოძირით წყუ ხასჷლაშო მიხეილ სააკაშვილი

{{ლიდერი
| ჯოხო = მიხეილ სააკაშვილი<br />[[ფაილი:Flag of the President of Georgia.png|60პქ]]
| სურათი=Mikheil_Saakashvili,_2020.jpg
| სურათიშ ზჷმა = 270პქ
| ხეშმოჭარუა =  Mikheil Saakashvili Signature.svg
| დაბადებაშ თარიღი = {{დაბადებაშ თარიღი დო ხანი|1967|12|21}}
| დაბადებაშ აბანი= [[ქართი]]
| ღურაშ თარიღი = 
| ღურაშ აბანი =
| მენოღალობა = [[საქორთუო]]
| ერუანობა = [[ქორთუეფი|ქორთუ]]
| ოგიშაგორაშე ოლქი =
| ალმასქუ = [[სანდრა რულოვსი]]
| სქუალეფი=ედუარდი დო ნიკოლოზი
| პროფესია = იურისტი
| რელიგია = [[მართლმადიდებლობა|მართლმადიდებელი]]
| პარტია = [[ართოიანი ნაციონალური ყარაფი]]
| რანწკი =   [[ფაილი:Greater coat of arms of Georgia.svg|საქორთუო|25პქ]]&nbsp;[[საქორთუოშ პრეზიდენტი|საქორთუოშ მა-3 პრეზიდენტი]]&nbsp;[[ფაილი:Flag of Georgia.svg|საქორთუო|25პქ]]
| პოსტი დეკინჷ = [[20 ღურთუთა]] [[2008]]
| პოსტი დიტუ = [[17 გერგობათუთა]] [[2013]]
| ვიცე-პრეზიდენტი  =
| პრეზიდენტი =
| პრემიერ-მინისტრი =[[ლადო გურგენიძე]]<br />[[გრიგოლ მგალობლიშვილი]]<br />[[ნიკა გილაური]]<br />[[ივანე მერაბიშვილი]]<br />[[ბიძინა ივანიშვილი]]
| წიმოხონი= [[ნინო ბურჯანაძე]]<br /><small>(კუნტახანით)</small>
| მონძე   = [[გიორგი მარგველაშვილი]]
| რანწკი2 = 
| პოსტი დეკინჷ2 = [[25 ღურთუთა]] [[2004]]
| პოსტი დიტუ2= [[25 გერგობათუთა]] [[2007]]
| წიმოხონი2 = [[ედუარდ შევარდნაძე]]<br />[[ნინო ბურჯანაძე]]<br /><small>(კუნტახანით)</small>
| მონძე2 = [[ნინო ბურჯანაძე]]<br /><small>(კუნტახანით)</small>
| პრეზიდენტი2=
| პრემიერ-მინისტრი2= [[ზურაბ ჟვანია]]<br />[[ზურაბ ნოღაიდელი]]<br />[[ლადო გურგენიძე]]
| რანწკი3 = [[საქორთუოშ იუსტიციაშ ომინისტრე|საქორთუოშ იუსტიციაშ მინისტრი]]
| პოსტი დეკინჷ3 = [[12 გჷმათუთა]], [[2000]]
| პოსტი დიტუ3 = [[19 ეკენია]], [[2001]]
| წიმოხონი3 = [[ჯონი ხეცურიანი]]
| მონძე3 = [[როლანდ გილიგაშვილი]]
| პრეზიდენტი3 = [[ედუარდ შევარდნაძე]]
| პრემიერ-მინისტრი3=
| რანწკი4 = 
| პოსტი დეკინჷ4 = 
| პოსტი დიტუ4 =
| წიმოხონი4 = 
| მონძე4 = 
| პრეზიდენტი4 =
| პრემიერ-მინისტრი4=
| რანწკი5 = 
| პოსტი დეკინჷ5 = 
| პოსტი დეკინჷ5 =
| წიმოხონი5 = 
| მონძე5 = 
| პრეზიდენტი5 =
| პრემიერ-მინისტრი5=
}}
'''მიხეილ სააკაშვილი''' (დ. [[21 ქირსეთუთა]], [[1967]], [[ქართი]]) — [[ქორთუეფი|ქორთუ]] პოლიტიკოსი [[საქორთუო]]შ [[საქორთუოშ პრეზიდენტეფი|პრეზიდენტი]] [[2004]] წანაშ 25 ღურთუთაშე [[2007]] წანაშ 25 გერგობათუთაშა დო [[2008]] წანაშ [[20 ღურთუთა|20 ღურთუთაშე]] – 2013 წანაშ 17 გერგობათუთაშახ. პოლიტიკური პარტიაშ „[[ართოიანი ნაციონალური ყარაფი]]“ დჷმარსხუაფალი, [[ვარდეფიშ რევოლუცია|ვარდეფიშ რევოლუციაშ]] ართ-ართი აწმანჯღვერე.  არძოშე ახალნორდი სახენწჷფო მადუდე ევროპას (პრეზიდენტიშ საღალეს გეუდირთჷ 36 წანაშ ხანს).

ალმასქუ [[ნიდერლანდი|ჰოლანდიური]] გამნარყიშ — [[სანდრა ელისაბედ სააკაშვილი-რულოვსი|სანდრა რულოვსი]], ჸუნა სქუალეფი, ედუარდი დო ნიკოლოზი.

== განათება ==
მიხეილ სააკაშვილქ დებადჷ ქართის, [[საქორთუოშ სსრ|საქორთუოშ სხუნუეფიშ სოციალისტურ რესპუბლიკას]]. მუმა, ნიკოლოზ სააკაშვილი, განათებათ ექიმი, მენცარობეფიშ კანდიდატი დო ქართიშ ბალნეოლოგიური ცენტრიშ დირექტორი რე. ნანა, [[გიული ალასანია]], პროფესიათ ისტორიკოსი რე, ისტორიაშ მენცარობეფიშ დოქტორი, პროფესორი, [[საქორთუოშ უნივერსიტეტი|საქორთუოშ უნივერსიტეტიშ]] ომეთოლჸუჯაშე სხუნუშ დუდმახვენჯი.

სააკაშვილქ 1984 წანას ორქოშ მენდალით გაათუ ქართიშ 51-ა ოშქაშე სკოლა, ოდო 1992 წანას წჷმორჩქინათ გაათუ [[კიევიშ უნივერსიტეტი]]შ ინტერნაციონალური სამართალიშ ფაკულტეტი. [[1992]] წანას სტრასბურგის [[ადამიერეფიშ ნებეფიშ ინტერნაციონალური ინსტიტუტი]]შ დიპლომი ეჭოფჷ. კჷნე თი წანეფს მუშენდჷ ადამიერიშ ნებეფიშ ნორვეგიულ ინსტიტუტის [[ოსლო]]ს, უკულნეშის ჭე ხანს ქო მუშენდჷ საქორთუოშ კუნტახანური სახენწჷფო სხუნუშ ადამიერიშ ნებეფიშ კომიტეტიშ წორომოხანდეთ, სოიშახ [[ააშ-იშ სახენწჷფო დეპარტამენტი]]შ სენატორ ედმუნდ მასკიშ ჯოხონობაშ სტიპენდიას გეჭოფუნდჷ ამერიკას ოგურაფალონ.  თებორჯისჷნე მუშენდჷ [[ნიუ-იორკი]]შ იურიდიულ კომპანიას Patterson, Belknap, Webb & Tyler. 1994 წანას თიქ გაათუ [[კოლუმბიაშ უნივერსიტეტი]]შ იურიდიული ფაკულტეტი მაგისტრიშ ხარისხით, ოდო გეჸვენჯი  წანას [[ჯორჯ ვაშინგტონიშ უნივერსიტეტი]]შ იურიდიული ფაკულტეტიშ ლექციეფს ორსუდჷ.

== პოლიტიკური კარიერა საქორთუოს ==

[[1995]] წანას სააკაშვილს ქო მიარსხუ [[ზურაბ ჟვანია]]ქ, ნამუქჷთ თინა პრეზიდენტ [[ედუარდ შევარდნაძე|ედუარდ შევარდნაძეშ]] ჯოხოთ ქო მიჭანუ პარტია „[[საქორთუოშ მენოღალეეფიშ რსხუ]]შ“ მაკათურო. [[საქორთუოშ ოკანონდვალაშე ორგანოშ გიშაგორუეფი (1995)|1995 წანაშ გერგობათუთაშ ოპარლამენტე გიშაგორუეფს]] სააკაშვილქ მენოღალეეფიშ რსხუშ მანდატით [[საქორთუოშ პარლამენტი]]შ დეპუტატო გჷნირთჷ. [[1995]]-[[1998]] წანეფს რდჷ პარლამენტიშ ოკონსტიტუციე დო იურიდიულ ოკითხუეფიშ დო კანონიერობაშ კომიტეტიშ დუდმახვენჯი. [[1998]]-[[1999|99]] წანეფს - ფრაქცია [[საქორთუოშ მენოღალეეფიშ რსხუ]]შ დუდმახვენჯი.

[[საქორთუოშ ოკანონდვალაშე ორგანოშ გიშაგორუეფი (1999)|1999 წანაშ ოპარლამენტე გიშაგორუეფს]] სააკაშვილქ კჷნე ქო მიპალუ დეპუტატიშ მანდატი „მენოღალეეფიშ რსხუშ“ ერკებულით. [[2000|2000 წანაშ]] ღურთუთას ქო დარინეს [[ევროპაშ სხუნუ]]შ ოპარლამენტე ასამბლეაშ ვიცე-პრეზიდენტო .

[[2000|2000 წანაშ]] [[12 გჷმათუთა|12 გჷმათუთას]] სააკაშვილი [[საქორთუოშ იუსტიციაშ ომინისტრე|იუსტიციაშ მინისტრო]] ქო დარინეს. [[2001|2001 წანას]] თიქ ქაწუდირთჷ ეკონომიკაშ მინისტრ ივანე ჩხარტიშვილს, უშქურანჯობაშ მინისტრ ვახტანგ ქუთათელაძეს დო ქართიშ პოლიციაშ მადუდეს — იოსებ ალავიძეს დო თინეფი კორუფციულ გარიგას დადანაშურჷ. [[2001|2001 წანაშ]] [[5 ეკენია|5 ეკენიას]] სააკაშვილქ გეგნოდირთჷ მინისტრიშ პოსტიშე თი მოაზჷრაფათ, ნამდა ვა მიაღებუ ალარინაქ შევარდნაძეშე კორუფციაშ მეხჷ ლჷმას. თი წანასჷნე, [[21 ეკენია|21 ეკენიას]] ირღჷ კალი [[ვაკე (ქართი)|ვაკეშ ოგჷშაგორაშე ოლქის]] ზოხორინელ კანდიდატო დო კჷნე გჷნირთჷ საქორთუოშ პარლამენტიშ მაკათურო.

[[2001|2001 წანაშ]] გჷმათუთას მიხეილ სააკაშვილქ ქო დარსხუ პარტია „[[ართოიანი ნაციონალური ყარაფი]]“. „ნაციონალური ყარაფიქ“ გეართოიანჷ ბლოკის  [[საქორთუოშ რესპუბლიკური პარტია|რესპუბლიკურ პარტიაწკჷმა]] დო [[საქორთუოშ კონსერვატიული პარტია|კონსერვატულ პარტიაწკჷმა]] ლოზუნგით „ქართი შევარდნაძეშ უმუშო “. [[საქორთუოშ აბანობური მუშითდუდალაშ ორგანოეფიშ გიშაგორუეფი  (2002)|2002 წანაშ მუშითდუდალაშ გიშაგორუეფს ]] ბლოკიქ გომორძგუა გიირთჷ [[საქორთუოშ ლეიბორისტული პარტია|ლეიბორისტულ პარტიაწკჷმა]] ართო. პარტიეფიშ შქას აპიჯაფაშ გეშა  მიხეილ სააკაშვილქ გჷნირთჷ [[ქართიშ ოკათუეში]]შ დუდმახვენჯო.

სააკაშვილიშ ქართიშ ოკათუეშის მოღალობაქ მოორდჷ პარტიაშ დო ბლოკიშ პოპულარობა. [[საქორთუოშ ოკანონდვალაშე ორგანოეფიშ გიშაგორუეფი (2003)|2003 წანაშ გერგობათუთაშ ოპარლამეტე გიშაგორუეფს]] ბლოკი ალტერნატიული ხონარიშ კოროცხუაშ დო ეგზიტ-პოლეფიშ მოღალუეფით რდჷ გომორძგვილი ხონარეფიშ 27%-ით. მარა ოფიციალური მუნაჩემეფი კარდინალურო გინორთელი რდჷ.  თეშ გეშა ბლოკიქ გჷნირთჷ ედუარდ შევარდნაძეშ მეხჷ მანჯელ ოპროტესტე აქციეფიშ ართ-ართი ორგანოზატორო „გოართოიანაფილი დემოკრატეფწკჷმა“ ([[ზურაბ ჟვანია]] დო [[ნინო ბურჯანაძე]]) დო „ტრადიციონალისტეფწკჷმა“ ([[აკაკი ასათიანი]]) ართო.

კათამიარე პოლიტიკური დემონსტრაციეფქ [[ვარდეფიშ რევოლუცია|ვარდეფიშ რევოლუციათ]] გეთუ. სააკაშვილქ თვითან ქაწაჯღონჷ კათას [[საქორთუოშ პარლამენტი]]შ ნოდგჷმს 22 გერგობათუთას ახალგჷშნაგორა პარლამენტიშ მაართა ხუნაშ ონჩალარო, მუსჷთ 23 გერგობათუთას შევარდნაძეშ გინორინაქ ქო მაჸუნჷ. სააკაშვილქ, მუჭოთ რევოლუციაშ ართ-ართი არძოშე პოპულარული ლიდერქჷ, იჸუ აკა კაკალია რეალური კანდიდატიქ  [[საქორთუოშ ოპრეზიდენტე გიშაგორუეფი (2004)|ვადაშახიან ოპრეზიდენტე გიშაგორუეფს]].  4 ღურთუთას მანჯელჷ გიშაგორუეფს სააკაშვილქ ხონარეფიშ 96,27% გეჭოფჷ დო 25 ღურთუთას, ინაუგურაციაშ უკული, გჷნირთჷ [[საქორთუოშ პრეზიდენტი|საქორთუოშ პრეზიდენტო]].

== საქორთუოშ პრეზიდენტი ==

ოპრეზიდენტე გიშაგორუეფს გომორძგუათ სააკაშვილქ ევროპას არძოშე ახალნორდი პრეზიდენტო გჷნირთჷ. თიში ოგიშაგორაშე პლატფორმაშ ჯინჯიერი პიჯალა კორუფციაწკჷმა ლჷმა  დო სოციალური მოხვარაშ მორდუალა რდჷ. თინაქ თაშნეშე მახორობას ინტერნაციონალურ ურთიართობეფს წჷმოძინეფიშ მეჭირინაფაშ აპიანი ქო მეჩჷ.  პრო-დასავლური ორიენტაციაშ უმკუჯინუო, თინა თაშნეშე რუსეთწკჷმა ურთიართობაშ გოუჯგუშაფაშ პიჯალას დვანდჷ.  

თიში მაართა გჷნოჭყვადირაფეფი ოწაწჷდჷ  [[საქორთუოშ შილა]]ს, საქორთუოშ მაართა პრეზიდენტიშ, [[ზვიად გამსახურდია]]შ ნეშტიშ გროზნოშე გჷნოსვანჯაფას, გამსახურდიაშ მოხუჯე პატიმარეფიშ გოდუდიშალაფას. თეშ უკული სააკაშვილიშ ინიციატივათ მიშელჷ თირაფეფქ [[საქორთუოშ კონსტიტუცია]]შა, მუდგათ ქო დირსხუ  [[საქორთუოშ თარობა|თარობაშ ინსტიტუტიქ]], გენძალიერჷ [[საქორთუოშ პრეზიდენტი]]შ ნებაქუნილობეფქ [[საქორთუოშ პარლამენტი|პარლამენტიშ]] ხარჯიშა.

[[საქორთუოშ ოკანონდვალაშე ორგანოშ გიშაგორუეფი (2004)|2004 წანაშ ოპარლამენტე გიშაგორუეფიშ]] უკული გენძალიერჷ სააკაშვილიშ ნძალანებაქ, რახან პარლამენტის ოკონსტიტუციე უმენტაშობა ხონარეფიშ 66,2%-ით [[ართოიანი ნაციონალური ყარაფი|ნაციონალურ ყარაფიქ]] ქო მიპალუ. ნაციონალურ ყარაფიქ გიმორძგჷ თაშნეშე [[საქორთუოშ აბანობური მუშითდუდალაშ ორგანოეფიშ გიშაგორუეფი (2006)|2006 წანაშ აბანობური მუშითდუდალაშ გიშაგორუეფს]].

სააკაშვილიშ რეიტინგიქ ქო დანთხჷ 2007 წანაშ დამორჩილს. გჷმათუთას იმანჯჷ მუსხირენი ოპროტესტე დემონსტრაციაქ, მუსჷთ მაჸუნჷ [[საქორთუოშ პოლიტიკური კრიზისი (გერგობათუთა 2007)|2-7 გერგობათუთაშ აქციეფქ]], ნამუდგაშ ორგანიზატორეფი [[ართოიანი ოპოზიცია]] დო ბიზნესმენი [[ბადრი პატარკაციშვილი]] რდეს. ოპროტესტე აქციეფქ 7 გერგობათუთას პოლიციაშით მომიტინგეფიშ რაბადუათ დო ოპოზიციურ ტელევიზიეფშა პოლიციაშ მინოჭკირუათ მითუ. სააკაშვილქ საგანგიო დგომარება გაგმაცხადჷ.  

მოლინეფიშ თენერ გჷნოჭყვადუას ჯარალუაშ კონწარ კრიტიკაქ ქო მაჸუნჷ. Human Rights Watch აკრიტიკენდჷ საქორთუოშ თარობას მომიტინგეეფიშ მეხჷ  „გერანი“ ნძალაშ გჷმორინაფაშ გეშა, ოდო International Crisis Group ინტერნაციონალური წორომაჸალუას საქორთუოშ მარდუ [[ავტორიტარიზმი]]შ გეშა  ათხილენდჷ. 2007 წანაშ 25 გერგობათუთას სააკაშვილქ გეგნოდირთჷ, ოდო რანწკგალენი ოპრეზიდენტე გიშაგორუეფი დოშანეს 2008 წანაშ 5 ღურთუთას. ოპრეზიდენტე გიშაგორუეფიშ პარალელურო თაშნეშე დიშანჷ პლებისციტიქ, ნამუდგათ ოკო გჷნოჭყვიდერელედჷკო ოპარლამენტე გიშაგორუეფიშ თარიღი.

[[საქორთუოშ ოპრეზიდენტე გიშაგორუეფი (2008)|რანწკგალენი ოპრეზიდენტე გიშაგორუეფს]] სააკაშვილქ ეჭოფჷ ხონარეფიშ 53,47% დო მაჟირა დო ეკონია ვადათ გჷნირთჷ საქორთუოშ პრეზიდენტო. გიშაგორუეფი პოზიტიურო აფასეს ინტერნაციონალურ ოდაკვირაშე მისიეფქ, მარა თიში მოღალუეფქ გჷშეჭანუ პროტესტი, მუქჷთ 6, 13 დო 20 ღურთუთაშ ოპროტესტე აქციეფს გჷმიხანტჷ. სააკაშვილიშ პარტიაქ, ნაციონალურ ყარაფიქ, ხონარეფიშ 59%-ით მიიგჷ თი წანასჷნე  მანჯელი [[საქორთუოშ ოკანონდვალაშე ორგანოშ გიშაგორუეფი (2008)|ოპარლამენტე გიშაგორუეფი]].

სააკაშვილიშ კრიტიკაქ მიირდჷ [[რუსეთ-საქორთუოშ ლჷმა (2008)|რუსეთ-საქორთუოშ ლჷმაშ]]  უკულნეშიანი პერიოდის. [[2009]] წანაშ პირელს დო მესის ვაოპარლამენტე ოპოზიციური პარტიეფიშ უმენტაშობა მანჯჷნდჷ ფართომასშტაბამ ოპროტესტე კამპანიას სააკაშვილიშ გინორინაშ მოთხუალათ.

== პოლიტიკა ==
[[ფაილი:MikhailSaakashvili & GeorgeWBush - FreedomSquare Tbilisi - 2005May10.jpg|მინი|250პქ|[[ჯორჯ უოლკერ ბუში|ჯორჯ ბუში]] დო მიხეილ სააკაშვილი [[დუდიშალაშ მოედანი (ქართი)|დუდიშალაშ მოედანს]] 2005 წანაშ 10 მესის]]
[[ფაილი:Vladimir Putin with Mikheil Saakashvili-2.jpg|მინი|250პქ|მიხეილ სააკაშვილი დო ვლადიმერ პუტინი სანქტ-პეტერბურგის 2006 წანაშ მანგის აკოხვალამაბორჯის.]]
[[ფაილი:Lech Kaczyński, Mikheil Saakashvili and Valdas Adamkus in Tblisi 2007.JPG|მინი|250პქ|ლეხ კაჩინსკი დო ვალდას ადამკუსი ქართის 2007 წანაშ გერგობათუთაშ აქციეფიშ ბორჯის.]]

=== კონფლიქტეფი ===

სააკაშვილიშ პრეზიდენტალაშ მაართა თუთეფიშ თარი პოლიტიკური სირთულაქ [[აჭარაშ ავტონომიური რესპუბლიკა|აჭარაშ ავტონომიური რესპუბლიკაშ]] ავტორიტარული ლიდერიშ, [[ასლან აბაშიძე|ასლან აბაშიძეშ]] უდუჸუნაფუობაქ იჸუ. კრიზისიქ აკოანჯარაფაილ მერინაშ ოშქურანჯობუობაშა გეგნიირდჷ, მორო 2004 წანაშ 6 მესიშ აქციეფიშ გეშა აბაშიძექ აძვილაფირქ იჸუ გეგნორინელედჷკო დო რუსეთშა უნტებჷდჷკონ. აჭარას წჷმოძინათ მენდმოჩამილ  სააკაშვილქ კჷნე თი მეთოდეფით ქო ცადჷ [[ობჟათე ოსეთი]]შ საქორთუოშ იურისდიქციაშა დორთინაფა, მუდგაქჷთ სიტუაციაშ გაუფრაშებათ დო 2004 წანაშ მარაშინათუთას აკოანჯარაფილ მერინათ გეთუ. 

2006 წანაშ კვირკვეს სააკაშვილიშ თარობაქ წჷმოძინათ ქო მიხუჯუ აფხაზეთიშ კოდორიშ ლეხერიშ აკოანჯარაფილ ბუნეფშე გოწიმინდუა დო თექ ქორთული იურისდიქციაშ დოწესაფა. ბუნეფიშ მადუდე [[ემზარ კვიციანი|ემზარ კვიციანქ]] რუსეთშა გეგნოდინჷ. ოპოზიციურ ნძალეფიშით თე ოპერაციაქ კვათირას ნეგატიურო იფასინჷ. 

სააკაშვილიშ თარობაშით [[2005]]-[[2006|06]] წანეფს მითმეურდჷ კარაკანი დიალოგი სეპარატისტულ აფხაზეთიშ ლიდერეფწკჷმა [[ირაკლი ალასანია]] და [[გოგა ხაინდრავა]]შ ხემანჯღვერალათ, მაჟირა ჸურე ნძალიერი რდჷ მილიტარისტული ტენდენციეფი, მუთ, ჯინჯიერო, [[ირაკლი ოქრუაშვილი]]შ განცხადებეფს გჷმიხანტუაფჷდჷ.

სააკაშვილი გჷშაკერძაფილო გაკრიტიკეს [[რუსეთ-საქორთუოშ ლჷმა (2008)|2008 წანაშ მარაშინაშ ლჷმაშ]] უკული. თის ბრალო გითმიოდვანა [[რუსეთი]]შით ხაზირაფილ პროვოკაციას საქორთუოშ ეჸუნაფას, თაშნეშე ოურდუმე ოპერაციეფიშ ვაეფექტურო ჸონაფას.

=== ოგალენე პოლიტიკა ===

სააკაშვილიშ ოგალენე პოლიტიკაშ ჯინჯიერი პრიორიტეტი რდჷ საქორთუოშ კათაფა [[ნატო (ორგანიზაცია)|ნატოშა]], მუთ დადასურჷ საქორთუოშ პარლამენტიქ 2007 წანაშ 13 მელახიშ დოდგინელობათ დო [[საქორთუოშ ნატოშა კათაფაშ პლებისციტი (2008)|2008 წანაშ პლებისციტიქ]].

სააკაშვილი გჷშაკერძაფილო მეჭედას წოროხანდენს [[ააშ]]-წკჷმა. თიქ გაჟირმანგჷ ქორთული ოურდუმე პერსონალიშ მუდანობა ერაყის, მუდგაშ გეშათ კოალიციაშ ნძალეფიშ ართ-ართი უდიდაში ხუჯიშ მიმაჩამალო გჷნირთჷ. თიქ თაშნეშე მოორდჷ კონტინგენტი კოსოვოს დო ავღანეთის "გლობალური უშქურანჯობაშ" საქვარს საქორთუოშ თიაშო. სააკაშვილი რგებაფულენდჷ [[ჯორჯ უოლკერ ბუში|ბუშიშ]] ადმინისტრაციაშ გჷშაკერძაფილ ხუჯიშ მეჩამათ, მუდგაქჷთ გჷმიხანტჷ ბუშიშ ვიზიტით საქორთუოშა [[2005]] წანაშ მესის. [[2009]] წანაშ ღურთუთას გეფორმჷ სტრატეგიული წოროხანდუაშ ხეკირილობაქ საქორთუოშ დო ააშ-შ შქას.

სააკაშვილიშ ჯოხოს არსხუაფუ [[2006]] წანაშე გაუფრაშებულ ურთიართობეფი რუსეთწკჷმა, მუდგაქჷთ გჷმიხანტჷ რუსეთიშით საქორთუოშ მენოღალეეფშო ოვიზე რეჟიმიშ დოწესაფას, 2006 წანას [[ორთაშობური აირი]]შ მეჭირინაფაშ მეჭყვადუას, თაშნეშე [[ღვინი]] დო შხვა საქონელშე დოწესაფილ ემბარგოს.

[[2004]] წანას სააკაშვილქ გჷმოთქჷ ზალამი საქორთუოშ [[ევროპაშ რსხუ|ევრორსხუწკჷმა]] ინტეგრაციაშ, თებორჯისჷნე, გიოდჷ თის „ბორჯიშ ოკითხუ“.

=== ოდინოხოლენე პოლიტიკა ===
სააკაშვილიშ წჷმოძინათ მირჩქინუაფუ სახენწჷფო აპარატიშ რეფორმირაფა დო განძალიერება, ოურდუმე დო პოლიციური სტრუქტურეფიშ რეორგანიზაცია, სახენწჷფო სექტორს [[კორუფცია|კორუფციაშ]] ეშაბელეკუა. მაჟირა ჸურეშე, თის „ელიტური კორუფციაშ“ ხენწყუალას ადანაშურენა.<ref>[http://www.kvirispalitra.ge/politic/1774-qdghes-rom-didi-da-gavleniani-ministrebi-arian-saakashvili-math-dedas-aginebdaq.html გაზეთი „კვირის პალიტრა“]</ref> <ref>[http://www.radiotavisupleba.ge/content/article/3537285.html რადიო თავისუფლება]</ref>

ოდინოხოლენე პოლიტიკას სააკაშვილს აკრიტიკენა ადამიერიშ ნებეფიშ, სასამართოშ ზოხორინალაშ დო მედიაშ დუდიშალაშ გაკინებაშ გეშა.<ref>[http://civil.ge/geo/article.php?id=18150 Freedom House: ქორთული მედიაშ დუდიშალაქ მიირკჷ.] სივილ ჯორჯია. 30 პირელი, 2008.</ref> [[საქორთუოშ ოკათე მათხილე|საქორთუოშ ოკათე მათხილე]] [[სოზარ სუბარი|სოზარ სუბარქ]] სააკაშვილს ავტორიტარული სტილიშ მადუდე გიოდჷ. <ref>[http://civil.ge/geo/article.php?id=19616&search= ოკათე მათხილე „ავტორიტარიზმიშ„ დემოკრატიათ თირუაშა მუთმოუძახანსჷ.] სივილ ჯორჯია. 26 ეკენია, 2008.</ref>

=== ეკონომიკური პოლიტიკა ===

სააკაშვილიშ ეკონომიკური პოლიტიკა [[ობაზარე ეკონომიკა|ობაზარე ეკონომიკაშ]] დოკვირდაფაჸურე რდჷ მერინაფილი. შანულამი გჷნოჭყვადირაფეფი რდჷ ოგინოგაფური გარემოშ ლიბერალიზაცია, ინტერნაციონალური ეკონომიკური ურთიართობეფიშ გოტომბარაფა, ანტიმონოპოლიური ომოინალეშ გოუქვაფა. ეკონომიკური რეფორმეფი სააკაშვილიშ თარობაშ მაკათურწკჷმა, [[კახა ბენდუქიძე|კახა ბენდუქიძეწკჷმა]] იასოცირებაფუაფჷდჷ.

[[2007]] წანას [[მოსოფელიშ ბანკი]]შ მუნაჩემეფით საქორთუო ნომერ მაართა ეკონომიკურ რეფორმატორო გაგმაცხადეს. თაშნეშე, საქორთუოქ რანგით მა-18 ქიანათ გჷნირთჷ ქიანას ბიზნესიშ წარმებაშ სილექინეთ. [[ედპ]]-იშ რდუალაქ 2004-2007 წანეფს წარმოწანას ოშქარას 9% აკადგინჷ. მარა [[2007]] წანაშე ეკონომიკური რდუალაშ ტემპეფქ მიირკჷ, თაშნეშე, სტატისტიკაშ დეპარტამენტიშ მუნაჩემეფით, ქო მიძინჷ ღარიბი დო ღარტაკი მახორობაშ რიცხუქ.

== ჯილდოეფი დო წოდებეფი ==

* [[2004]] — აჯილდოვეს [[ევრორსხუ]]შ ვამაკათური ქიანეფშე „წანაშ ევროპალიშ“ ირწანურ პრემიათ.
* [[2005]] — [[უკრაინა|უკრაინაშ]] წანაშ ადამიერი.
* [[2005]] — დემოკრატიაშ გოვითარაფაშა მიშაღალირ თიაშენ მიხეილ სააკაშვილი დო [[უკრაინა|უკრაინაშ]] პრეზიდენტი [[იუშჩენკო, ვიქტორ|ვიქტორ იუშჩენკო]] [[ააშ]]-იშ კონგრესიშით წჷმორინაფილქ იჸუეს  ნობელიშ შვიდობაშ პრემიაშა.
* [[2005]] — ''„ამერიკაშ ადვოკატეფიშ ასოციაციაშ“'' პრიზი „კანონიერობაშ დპ თინწესრანწკიშო ლჷმაშენ“.
* [[2006]] — ხაიფაშ უნივერსიტეტიშ ოპატიე დოქტორიშ წოდება.
* [[2008]] — ოპატიე მენდალი „10 წანა ასტანას“
* [[2009]] — [[სომხეთი]]შ ღრისებაშ ორდენი, ერევანიშ სახენწჷფო უნივერსიტეტიშ ორქოშ მენდალი დო ოპატიე დოქტორიშ წოდება.

== წყუეფი ==
{{სქოლიოშ ერკებული}}

== რესურსეფი ინტერნეტის ==

{{Commonscat| Mikheil Saakashvili }} 

* {{როდოვიდი|152890| მიხეილ სააკაშვილი}}
* [http://www.president.gov.ge საქორთუოშ პრეზიდენტიშ ოფიციალური ხასჷლა]

{{ქჷდიჭყი ჭკუდი}}{{s-off}}
{{მონძალაშ ჭკუდი | წიმოხონი=[[ჯონი ხეცურიანი]] | ტიტული=[[საქორთუოშ იუსტიციაშ ომინისტრე|საქორთუოშ იუსტიციაშ მინისტრი]] | წანეფი=2000—2001 | გეჸვენჯი=[[როლად გილიგაშვილი]]}}
{{მონძალაშ ჭკუდი | წიმოხონი=[[ნინო ბურჯანაძე]] | ტიტული=[[საქორთუოშ პრეზიდენტი]] | წანეფი=2004—2007 | გეჸვენჯი=[[ნინო ბურჯანაძე]]}}
{{მონძალაშ ჭკუდი | წიმოხონი=[[ნინო ბურჯანაძე]] | ტიტული=[[საქორთუოშ პრეზიდენტი]] | წანეფი=2008 – 2013| გეჸვენჯი=[[გიორგი მარგველაშვილი]]}}
{{გაათე ჭკუდი}}


{{საქორთუოშ პრეზიდენტეფი}}

{{DEFAULTSORT:სააკაშვილი, მიხეილ}}
[[კატეგორია:ქორთუეფი]]
[[კატეგორია:საქორთუოშ პრეზიდენტეფი]]
[[კატეგორია:ქორთუ პოლიტიკოსეფი]]
[[კატეგორია:საქორთუოშ იუსტიციაშ მინისტრეფი]]
[[კატეგორია:დუნაბადი 1967]]
[[კატეგორია:საქორთუოშ პარლამენტიშ მაკათურეფი]]