სარგონ II

	სარგონ II
	; სარგონ II-შ ალებასტრიშ რელიეფი დურ-შარუქინიშ დოხორეშე
ნეო-ასურული იმპერიაშ მაფა
პოსტის გერინაშ ბორჯი
	ჯვ. წ. 722 წანა – ჯვ. წ. 705 წანა
წიმოხონი	სალმანასარ V
მონძე	სინახერიბი
ნაღურა	ჯვ. წ. 705 (55-65 წანერი); თაბალი
მუმა	ტიგლათფილესერ III (?)
ნანა	იაბა (?)
ალმასქუ	რაიმა; ატალია
სქუალეფი	სინახერიბი; აჰატ-აბიშა; დო ხოლო შხვა ოთხი სქუა

სარგონ II — ნეო-ასურული იმპერიაშ მაფა ჯვ. წ. 722-705 წანეფს, სარგონიდეფიშ დინასტიაშ დუმარსხუაფალი.

საეგებიოთ, რდჷ ტიგლათფილესერ III-შ სქუა. ხვისტაშა ეშართჷ სალმანასარ V-შ გითორაგვაფაშ უკულ. სარგონ II მაფენდჷ დოხოლაფირო ვითოშკვითი წანაშ გოძვენას. თიქ გადიდჷ ასურეთიშ ტერიტორია, ატარჷ პოლიტიკური დო ოურდუმე რეფორმეფი. მართუალაშ ბორჯის, გაფართინუ ასურეთიშ კონტროლი ლევანტიშ რეგიონიშა, მანწყუ ლექსერობა ურარტუშ მეხჷ, დამარცხჷ ურარტუალეფი დო ძალამს დედაღარჷ თინეფიშ გოლინა, გემშეჭკირჷ დო ქიდეკინჷ ბაბილონეთი. ჯვ. წ. 717-710 წანეფს ეიოგჷ ახალი ნანანოღა დურ-შარუქინი. მერჩქინელი რე ასურეთიშ ართ-ართი უდიდაში მამართალო.

ჯვ. წ. 705 წანას წიმიჭყჷ ოურდუმე კამპანია თაბალიშ მეხჷ. ღურჷ თინეფწკჷმა ართ-ართი ლჷმას.