ტაიბეი
| ნოღა
ტაიბეი
臺北市
|
ტაიბეი (ჩინ. 臺北市) — ტაივანიშ ნანანოღა დო ქიანაშ პოლიტიკური, კულტურული დო ეკონომიკური ცენტრი. თეწკჷმა ართო, წჷმარინუანს ტაიბეი–კეელუნგიშ მეტროპოლიური არეალიშ ცენტრის. ნოღა იდვალუაფუ კოკიშ ოორუე კირდეს, წყარმალუ დანშუის, ნოღა კეელუნგიშე 25 კმ–ით ობჟათე-ბჟადალშე. თაშნეშე ნოღა რჩქალი ოკიანეშ ართ-ართი ონიშოლი რე. 2010 წანაშ მუნაჩემეფით, ტაიბეიშ მახორობა 2 618 772 ადამიერს აკმადგინანდჷ, მეტროპოლიაშ, ნამუსჷთ ტაიპეიწკჷმა ართო წჷმორინელი რე ნოღეფი ახალი ტაიბეი დო კეელუნგი – 6 900 273 ადამიაერი.[1]
ტაიბეიქ XVIII ოშწანურას დირსხუ დო უკვე XIX ოშწანურას ოზუღე ვაჭარუაშ შანულამ ცენტრო გჷნირთჷ. 1886 წანას, ჩინეთიშ ცინიშ იმპერიაშ მამართვალ დინასტიაქ, ნოღას პროვინციული ნანანოღაშ სტატუსი მეჩჷ.[2] მუჟამსჷთ მაართა ჩინურ–იაპონური ლჷმაშ ბორჯის, ტაივანი იაპონარეფქ გეჭოფეს, ტაიბეი კოკიშ ნანანორათ გნართინეს დო თიში მასიური ურბანული დოგეგმარება ქჷდიჭყეს. 1945 წანას, კოკი კინ ჩინეთიქ გეჭოფუ.
მუჟამსთ ჩინეთიშ ომენოღალი ლჷმაშ ბორჯის კომუნისტეფშე რტებული გომინდანიშ თარობაქ დუდი ტაივანს ქაფორუ დო 1949 წანას, ტაიბეიქ ჩინეთიშ რესპუბლიკაშ ნანანოღათ გეგმიცხადჷ.
სქოლიო
[რედაქტირაფა | წყუშ რედაქტირაფა]- ↑ Methods and Term Definitions. Directorate General of Budget, Accounting and Statistics. კითხირიშ თარიღი: 2009-08-04.
- ↑ Taipei (Taiwan) :: History - Britannica Online Encyclopedia. Britannica.com. კითხირიშ თარიღი: 2010-07-04.
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |